Galasi anmàn-bɔ̀ 2:1 - Ɛmɛẅi ankà ankrànkràn 2003

¹ Ɛnnànwàn kru ɛvà-anzɔ̀ vacì, mɛ̀n vru ɛmɛẅi mɛ̀n vá Zherüzalɛmɛ̀n anmàn, mɛ̀n mán Barnabasɛ̀n mɛhi; mɛ̀n vru mɛ̀n bɩ́ Titɛ̀n mɛhi bɔ́ hɔ̀n.

Galasi anmàn-bɔ̀ 2:1 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 11:25

Zɛtɛn, Barnabasɛ̀n hɔ́n Tarsɛ̀n anmàn, ô kè ji Sɔlɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 11:30

Eci ndɔ lɔ de yɔ hán nɔn, kɩ yɔ bɩ́ ɛcice-ci ndɔ hɔ̀n lɔ yɛ tán Barnabasɛ̀n mán Sɔlɛ̀n kɛ̀ hɔ̀n sɩ́ Ɔwɔ-fɛcüè-cüìcüì-bɔ̀ léyi dú Zhüde kpɔsɔ wú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 12:25

Barnabasɛ̀n mán Sɔlɛ̀n tɛn, ɛnvra léyi yɔ hán y'Ɔwɔ kɔ̀hɔ̀n lɔ trɔ Zherüzalɛmɛ̀n anmàn nɔn, yɔ vru ɛmɛẅi kɩ yɔ bɩ́ Zhan léyi ye bi Markɛ̀n nɔn mɛhi yɔ hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:2

Ɛnbi tɔ̀n, ɛnvra léyi yɔ dú Ɔwɔ-cice-kɔhɔ̀n-hán mɛ̀n mán kishe bɩ́ mɛ̀n nɔn, Ɛnhɛ́n-Prɔnprɔn dɔ́ yɔ le: “Nyɛ́n mrɛ́n Barnabasɛ̀n mán Sɔlɛ̀n nyɛ́n hɛ́n ɔhɔnán, ô yɔ hán ɔkɔ̀hɔ̀n léyi hɩ kruhú mɛ̀n bi yɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 13:50

Tɛ́n Zhüifɛ̀n-bɔ̀ kɛ wá anmàn wúyɔ̀ hɔ̀n léyi ẅɛn ɛwúvà ankrankran, hɩ kɛ sɛ́n Ɔwɔ nɔn ankà, yɔ mán anmàn kpàmán-bɔ̀ mɛhi; yɔ hán Pɔlɛ̀n mán Barnabasɛ̀n ejüezì mán ɛgbànkán-ci, kɩ yɔ wrɔ́ yɔ y'ɛnhi-nan lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 14:12

Yɔ wá Barnabasɛ̀n ebɩ́ “Zesɛ̀n” kɩ Pɔlɛ̀n yɔ wá “Hermɛsɛ̀n”, ɔmuhi Pɔlɛ̀n dú bɔ̀dɔ̀-die nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:25

Hɩ le kruhú de ɔmùan-krɔn mɛ̀n lɔ, bɔ̀ mrɛ́n anwrɔn bɔ̀ yüre nyɛ̀n. Yɔ lɛ hɔ̀n sɩ́ bɔ́ nyran-anvrɛn hɔ̀n Barnabasɛ̀n mán Pɔlɛ̀n

1 Korɛntɛ̀n anmàn-bɔ̀ 9:6

Kale, mɛ̀n mán Barnabasɛ̀n mɛhi bɔ́ zri kɩ ke ji le bɔ̀ hán ɔkɔ̀hɔ̀n, ô bɔ̀ cɔ́ ɛci-zî hɛ̀?

2 Korɛntɛ̀n anmàn-bɔ̀ 2:13

Tɛ́n mɛ̀n dú ɛnkrɛ̀ta-kù vriemɛ̀n ɔmuhi, mɛ̀n sɩ̀ cɔ̀ bɔ́ muan-ẅì Titɛ̀n nɔn. Hɩ le kruhú de mɛ̀n tán Troasɛ̀n anmàn-bɔ̀ ɛyri-hɔ́n-mùan-bɔ̀ kɩ mɛ̀n hɔ́n Masedùhanɛ̀n kpɔsɔ wú.

2 Korɛntɛ̀n anmàn-bɔ̀ 8:16

Ɛmrɛ́n kè dú Ɔwɔ tɛn, nɛ́n léyi nɛ̀n wá Titɛ̀n edùyì edomɛ̀n, hán bɔ́ hɔ́, ny'ɛkruhú nɔn!

2 Korɛntɛ̀n anmàn-bɔ̀ 8:23

Hɩ le kɛ crɛ-nyan Titɛ̀n nɔn, nɛ̀n dú m'ɛyri-hɔ̀n-sɩ́-wrɔn, mán m'ɛkɔrɛ̀-wá-wrɔn ny'ɛtɛ̀sɛ̀n; kɩ anwrɔn-nɛ́n-muan-ẅì hɔ̀n ndɔ hɔ̀n léyi kɛ hɔ́n sɩ́ nɛ̀n ɛyri nɔn, yɔ dú Ɔwɔ fɛcüè hɔ̀n kɔ̀hɔ̀n-wá-bɔ̀ kɩ yɔ hán eci kè dú Krisì ci-zrɔ tɛn.

Galasi anmàn-bɔ̀ 1:18

Ɛnnànwàn kru anhɔ̀n vacì yakɛ mɛ̀n hɔ́n Zherüzalɛmɛ̀n anmàn, ô mɛ̀n nyri Piɛrɛ̀n, kɩ mɛ̀n cɔ́ nɛ̀n mɛhi bɔ̀ yɛ́ ɛnyanbì kru anhyrɛ̀.

Galasi anmàn-bɔ̀ 2:13

Anwrɔn-nɛ̀n-muan-ẅì hɔ̀n Zhüifɛ̀n-bɔ̀ lɔ mán kɛ hán eci zri léyi Piɛrɛ̀n hán nɔn, kɩ Barnabasɛ̀n mán teze n'edomɛ̀n eci zri lɔ mɛ̀n y'anmùan-anhyrɛ̀-dì lɔ kruhú.

Galasi anmàn-bɔ̀ 2:3

Zɛtɛn, Titɛ̀n léyi dú annyran anvrɛn, hɩ dú Grɛkɛ̀n-wrɔn nɔn,

Galasi anmàn-bɔ̀ 2:9

Zhakɛ̀n, Piɛrɛ̀n mán Zhan hɔ̀n léyi ndù hán Ɔwɔ-fɛcüè bù-nan hɔ́ nɔn, nyri ɔmu le Ɔwɔ wá mɛ̀n ɔkɔ̀hɔ̀n vɛ́n ndɔ lɔ antamɛ̀n; zɛtɛn yɔ tán bɔ̀ ɛkɔrɛ̀, Barnabasɛ̀n mán mɛ̀n, ɔmùan-krɔn ci-hán mɛ̀n. Ɔmu lɔ de, bɔ lɛ fɛn ɔmùan-krɔn mɛ̀n lɔ, bɔ̀ wá le, bɔ́ eci-hán mɛ̀n lɔ, bɔ́ lɛ hɔ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn y'anwanzi bɔ̀ hán ɔkɔ̀hɔ̀n, kɩ yɔ tɛn yɔ lɛ hɔ́n Zhüifɛ̀n-bɔ̀ yri.

Kɔlɔsèn anmàn-bɔ̀ 4:10

Aristarkɛ̀n léyi nɛ́n mɛhi bɔ́ dú anwɔn-mɛ̀n-wá-wɔn mɛ̀n nɔn, ke bi nyɛ̀n nyan, kɩ Markɛ̀n léyi dú Barnabasɛ̀n nɛ́n muan-ẅì nɔn mán ke bi nyɛ̀n nyan. Nyɛ́n gɔ̀ cɔ́ Markɛ̀n ankà nyɛ́n yá: ke dú kɛ nɛ vá ny'eyri hô, nyɛ́n ẅɛn nɛ̀n anvrɛnvrɛn.

Titɛ̀n 1:4

Titɛ̀n me yüre mɛ́n owrú ndɔ lɔ, vɛ́n léyi è dú m'ɛnẅì annanwɔrɛ ankaẅì-bùtan zri léyi kɛ bɔ̀sɔ bɔ̀ nɔn n'ɛmɛ̀n. Ɔwɔ bɔ́ Zi mán Zhezü Krisì bɔ́ Ebɩdie-wrɔn kɛ̀ tán mɛ́n nboafɔ̀n mán anwɔwɔ.