Galasi anmàn-bɔ̀ 1:8 - Ɛmɛẅi ankà ankrànkràn 2003

⁸ Zɛtɛn, ke dú kɛ ɔwrɔn tɔ̀n (kɩ ke dú bɔ́ dùku mán, kɩ ke dú Ɔwɔ-kùyüre-wrɔn tɔ̀n léyi dú anhobɩ́ và nɔn mán) kɛ dɔ́ nyɛ̀n Ɛmɛẅi ankà Ankrànkràn tɔ̀n léyi bɔ́ tɛn lɔ mɛhi, kè sɩ̀ dù nzri nɔn, ɔwrɔn ndɔ lɔ ɛẅìɛ̀-dà dú nɛ tɛn!

Galasi anmàn-bɔ̀ 1:8 Iomraidhean Croise

Matie 25:41

Zɛtɛn, ɛnnɛ̀ncüì lɔ kɛ lɛ dɔ́ yɔ hɔ̀n léyi nyɔn nɛ̀n ebrì-kɔrɛ̀a nɔn le: ‘Nyɛ́n sɔ̀n hɔ́n ɛmɛẅi esù-she m'ɛtɛ̀sɛ̀n, Ɔwɔ-ẅiɛ̀-dá-bɔ̀! Nyɛ́n hɔ́n ɛnhyà léyi ke sɩ́ zɛ́n hán, hɩ yɛ hán dú anwa-wrɔn mán n'ɛsɛ̀nkɛn-bɔ̀ tɛn nɔn mɛ̀n!

Markɛ̀n 14:71

Zɛtɛn Piɛrɛ̀n bukru kɛ dɔ̀ le: “Ɔwɔ kɛ hán mɛ̀n ɛgbàn ke dú kɛ mɛ ẅɛn ɔyɔ̀n. Mɛ tán ndayi le mɛ̀n sɩ̀ nyrì ɔwrɔn ndɔ léyi nyɛ dɔ́ n'ankà nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 23:14

Yɔ hɔ́n cɔ́ Ɔwɔ-cice-bɔ̀ cüìcüì hɔ̀n mán ɛcüicüì-bɔ̀, kɩ yɔ dɔ́ yɔ le: “Bɔ̀ wá ɔmùan le, bɔ́ sɩ̀ zî ɛci ke dú kɛ bɔ̀ sɩ̀ wrì Pɔlɛ̀n.

Rɔmɛ̀n-anmàn-bɔ̀ 16:17

Mɛ dɔ́ nyɛ̀n, anwrɔn-nɛ́n-muan-ẅì hɔ̀n, nyɛ́n wá ny'edomɛ̀n esùva anwrɔn hɔ̀n léyi ke sɩ́ ɛsɔ̀nvoyan nɔn y'ɛtɛ̀sɛ̀n, yɔ léyi yɔ kɛ́n ankà-yé léyi ankaẅì-bùtan-ẅɛn-bɔ̀ ncɔ̀ nɔn ezì, kɩ kɛ hán yɔ, yɔ bru ɛzɛ́n mɛ̀n nɔn. Nyɛ́n cɔhɔ́ y'ɛtɛ̀sɛ̀n,

Rɔmɛ̀n-anmàn-bɔ̀ 9:3

Mɛ cüɛn ɔmu le mɛ́n mumù mɛ̀n dú Ɔwɔ ẅìɛ-dà lɔ mɛ̀n, ô yɛ mrɛ́n mɛ̀n yɛ sɔhɔ́ Krisì cüɛ̀n lɔ mɛ̀n, nmàn-ẅì hɔ̀n, ɛnbrɛ̀-zri-bɔ̀ anvrɛn kruhú.

1 Korɛntɛ̀n anmàn-bɔ̀ 12:3

Hɩ le kruhú de mɛ wá mɛ̀n dɔ́ nyɛ̀n le: Ɔwrɔn zriɛmɛ́n bàdà nɛ́n léyi Ɔwɔ Hɛ́n kɛ nyrɔn nɔn, nɛ̀n sɩ́ ɔmùan ɛwú nɛ̀n dɔ̀ le: “Muzhie dú Zhezü tɛn!” kɩ ɔwrɔn zriɛmɛ́n ke sɩ̀ dɔ̀ rɔ́ le: “Zhezü dú Ɛẅɛnwrɔn!” ke dú kɛ Ɛnhɛ́n Prɔnprɔn kè sɩ̀ nyrɔn nɛ̀n.

1 Korɛntɛ̀n anmàn-bɔ̀ 16:22

Ke dú kɛ ɔwrɔn tɔ̀n ke sɩ́ cüɛn Ɛẅɛnwrɔn hô, muzhie kɛ̀ bó nɛ̀n! Maranata, Bɔ́ Ɛẅɛnwrɔn, và!

Galasi anmàn-bɔ̀ 1:9

Mɛ́n gɔ̀ dɔ́ nyɛ̀n kɩ me vru mɛ dɔ́ nyɛ̀n zɛtɛ̀ lɔ: ke dú kɛ ɔwrɔn tɔ̀n kɛ dɔ́ nyɛ̀n Ɛmɛẅi ankà Ankrankran tɔ̀n léyi dú ɛnyàntɛn, kɩ kè sɩ̀ dù hɩ léyi nyɛ́n cɔ̀ nɔn, ɔwrɔn ndɔ lɔ ɛẅìɛ-dà dú nɛ tɛn!

Galasi anmàn-bɔ̀ 3:10

Tɛ́n, anwrɔn hɔ̀n léyi kɛ ẅɛn ɛnyànmàn-wá nɔn, yɔ cɔ́ ɛẅìɛ̀-dà tɔ̀n. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwrɔn léyi ɛnvra lɔ fɛn ke sɩ́ ẅɛn eci lɔ fɛn léyi ye merɛ́n dú ɛnyànmàn wrú lɔ mɛ̀n kɛ hɛ́n hán nɔn, ɛẅìɛ̀-dà dú nɛ tɛn.”

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Titɛ̀n 3:10

Ɔwrɔn léyi kɛ hán ɛsɔ̀nvoyan kɔ̀hɔ̀n nɔn, è bi ankà ɛ̀ dɔ́ nɛ̀n ɛdɛ̀n zri mán anhyrɛ̀; zɛtɛn, è sɩ́ nɛ̀n ɔhɔ́nan.

2 Piɛrɛ̀n 2:14

Ɛncɔnwrɔn-hi-bi-gbàn yɩ́ y'anvɛ̀ lɔ mɛ̀n; ɛgbàn hán ke sɩ́ fɔ́n yɔ. Ɛjɛ-bɔ̀ ke bru y'antanwrɔn lɔ mɛ̀n. Ɔkùa cɔ́ ankà, wá ɛnhyà y'ɛnbɔrɛ lɔ mɛ̀n. Ɔwɔ ẅiɛ̀-dà dú yɔ ɛwú!