Galasi anmàn-bɔ̀ 1:6 - Ɛmɛẅi ankà ankrànkràn 2003

⁶ Ny'ejüi léyi nyɛ́n crɛ̀ sɔ́n Ɔwɔ esù-kpràkprà-nán mɛ̀n nɔn, hɩ ci-hán lɔ kɛ frɛ́n mɛ̀n anvɛmɛ̀n: nɛ̀n bi nyɛ̀n Krisì boafɔ̀n lɔ mɛ̀n, kɩ nyɛ tɛn nyɛ́n crɛ ezì nyɛ́n kɛ́n Ɛmɛẅi ankà nyantɛn léyi nye bɩ nyɛ hán Ɛmɛẅi ankà Ankrankran nɔn.

Galasi anmàn-bɔ̀ 1:6 Iomraidhean Croise

Markɛ̀n 6:6

Kɩ y'ankàẅì-bùtan léyi yɔ sɩ̀ ẅɛ̀n hàn nɔn, kɛ frɛ́n nɛ̀n anvɛmɛ̀n. Zɛtɛn Zhezü hɔ́n anmàn hɔ̀n lɔ fɛn dú ɛtɛ̀sɛ̀n nɔn ke yé yɔ ankà.

Zhan 9:30

Ɔwrɔn lɔ mrɛ́n yɔ ɔmùan le: “Nyàn eci léyi dú anvɛmɛ̀n-frɛ́n-ci nɔn: nyɛ́n sɩ̀ nyrì ɛyri léyi nɛ́n dù nɛ và nɔn, ɔmu tɛ̀kɩ nɛ̀n gbá mɛ̀n anvɛ̀!

Ɔkɔ̀hɔ̀n-wá-bɔ̀ kɔ̀hɔ̀n hán 15:11

Tɛ́n bɔ́ nyri ɔmu le, Ɛẅɛnwrɔn Zhezü boafɔ̀n mɛ̀n de bɔ̀ cɔ́ ebɩdie zri lɔ hán yɔ hɔ́ nɔn.”

Rɔmɛ̀n-anmàn-bɔ̀ 10:3

Annanwɔrɛ mɛ̀n lɔ, yɔ sɩ̀ nyrì ɔmu le Ɔwɔ kɛ srɔ anwrɔnẅì ɛnyrɔnnan-bɔ̀ n'ezìwú, kɩ yɔ ji, ô yɔ wá yɔ mumù eci léyi kɛ lɛ srɔ yɔ ɛnyrɔnnan-bɔ̀ nɔn. Ɔmu lɔ de yɔ sɩ̀ sɩ̀ y'edomɛ̀n ɛnhi ɛnkru-kɔrɛ̀-nyànmàn léyi Ɔwɔ tán nɔn zìwú.

Rɔmɛ̀n-anmàn-bɔ̀ 5:2

Zhezü bɩmɛ̀n, bɔ̀ cɔ́ ɛyri ankaẅì-bùtan-ẅɛn mɛ̀n, bɔ̀ cɔ́ Ɔwɔ boafɔ̀n léyi bɔ́ dú ɛmɛ̀n ɛnvra lɔ fɛn nɔn. Kɩ eci léyi kɛ brá bɔ̀ pɔpüɛ̀ nɔn, dú esɛ́ léyi kɛ lɛ hán tán bɔ̀ bɔ́ dú Ɔwɔ ci-zrɔ lɔ mɛ̀n nɔn.

Rɔmɛ̀n-anmàn-bɔ̀ 8:28

Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 8:30

Anwrɔn hɔ̀n léyi y'ɛkruhú Ɔwɔ gɔ́ wá ɔmùan ndɔ lɔ nɔn, yɔ mán nɛ̀n bi yɔ; anwrɔn hɔ̀n léyi nɛ̀n bi nɔn, yɔ mán nɛ̀n srɔ yɔ ɛnyrɔnnan-bɔ̀ n'ezìwú, anwrɔn hɔ̀n léyi nɛ̀n srɔ ɛnyrɔnnan-bɔ̀ nɔn, yɔ mán nɛ̀n tán yɔ, yɔ dú n'eci-zrɔ lɔ mɛ̀n.

1 Korɛntɛ̀n anmàn-bɔ̀ 4:15

Ɔmuhi ke dú kɛ nyɛ ẅɛn ɛnyrɔn-bɔ̀ tɛ̀bru-kru-ɛvà ny'ɛwúvà lɔ mɛ̀n, nyɛ́n mán Krisì mɛhi, nyɛ́n zi zri kɩ nyɛ lɛ ẅɛ̀n: annànwɔrɛ mɛ̀n lɔ, ɛnvra léyi mɛ́n và sɩ́ nyɛ̀n Ɛmɛẅi ankà ankrànkràn lɔ nɔn, mɛ̀n de mɛ̀n srɔ nyɛ́n zi ny'ɛwúvà lɔ mɛ̀n, nyɛ́n mán Krisì mɛhi.

2 Korɛntɛ̀n anmàn-bɔ̀ 11:4

Annanwɔrɛ mɛ̀n lɔ, nyɛ cüɛn ɔmu le ɔwrɔn tɔ̀n kɛ̀ và kɛ̀ dɔ́ nyɛ̀n Krisì léyi kè sɩ̀ cà ndɔ léyi bɔ̀ dɔ́ nyɛ̀n n'ankà nɔn; nyɛ́n vru nyɛ́n krɔn kpehɛ́n ô nyɛ́n shri ɛnhɛ́n tɔ̀n mán ɛmɛẅi ankà léyi kè sɩ̀ cà Ɛnhɛ́n Prɔnprɔn mán Ɛmɛẅi ankà Ankrankran léyi nyɛ́n cɔ́ b'antamɛ̀n nɔn.

2 Korɛntɛ̀n anmàn-bɔ̀ 2:17

Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.

Galasi anmàn-bɔ̀ 1:11

Anwrɔn-nɛ́n-muan-ẅì hɔ̀n, mɛ dɔ́ nyɛ̀n le: Ɛmɛẅi ankà ankrankran léyi mɛ dɔ́ nyɛ̀n n'ankà nɔn, kè sɩ̀ dù ɔwrɔnẅì kruemɛ̀n ankà.

Galasi anmàn-bɔ̀ 1:15

Tɛ́n Ɔwɔ, n'ɛnboafɔ̀n lɔ mɛ̀n, mrɛ́n mɛ̀n nbɩ̀ yakɛ ye bî mɛ̀n, kɩ nɛ̀n bi mɛ̀n n'eci-bɩ̀tan-kɔ̀hɔn mɛ̀n. Kɩ ɛnvra léyi nɛ̀n wá, nɛ̀n yé mɛ̀n n'ɛnẅì, ô mɛ̀n hán tán ye nyri nɛ̀n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mɛ̀n, mɛ̀n sɩ̀ hɔ̀n mɛ̀n yrɛ ɔwrɔn zriɛmɛ́n ankà

Galasi anmàn-bɔ̀ 1:7

Annanwɔrɛ mɛ̀n lɔ, ɛnyàntɛn zriɛmɛ́n bàdà; anwrɔn kɩ dù kɛ frɛ́n nyɛ̀n ɛnkruemɛ̀n, kɩ ke ji kɛ̀ crɔn Krisì Mɛẅi ankà Ankrankran lɔ.

Galasi anmàn-bɔ̀ 2:14

Ɛnvra léyi mɛ̀n kán ɔmu le y'esùnàn ke sɩ́ ci annanwɔrɛ Mɛẅi ankà Ankrankran lɔ wú nɔn, mɛ̀n dɔ́ Piɛrɛ̀n anwrɔn lɔ fɛn zìwú le: “Vɛtɛn è dú Zhüifɛ̀n-wrɔn, ɛnu lɔ, v'ɛwúvà lɔ, kè sɩ̀ dù kɛ̀ hàn yɔ léyi yɔ sɩ̀ dù Zhüifɛ̀n-bɔ̀ nɔn, kɩ e sɩ́ hán Zhüifɛ̀n-bɔ̀ nyànmàn-ci. Anhɔntan de ɛ lɛ hán ô ɛ̀ ẅɛn kèkrèmɛ̀n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ̀ hán Zhüifɛ̀n-bɔ̀ wúvà ci-hán-ci nɛ́n?”

Galasi anmàn-bɔ̀ 2:2

Mɛ̀n hɔ́n nanvrɛn, ô mɛ̀n nyri Ɔwɔ ankà léyi ke ji kɛ̀ dɔ́ mɛ̀n nɔn. Ɛmɛ̀n krubɔrɛ tɔ̀n léyi mɛ̀n mán ɛnkru-ɛvrivri-bɔ̀ mɛhi bɔ́ ẅɛ̀n nɔn, mɛ̀n dɔ́ yɔ́ Ɛmɛẅi ankà Ankrànkràn léyi mɛ dɔ́ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn. Mɛ́n sɩ́ ji le m'ɔkɔ̀hɔ̀n léyi mɛ̀n hán mán hɩ le mɛ vá ɛhán yri nɔn, kɛ̀ srɔ eci woro.

Galasi anmàn-bɔ̀ 2:5

Ɛnvra zriɛmɛ́n mán mɛ̀n, bɔ̀ sɩ̀ tán yɔ ɛkɔrɛ̀-levri, ô kɛ̀ hán tán, nyɛ́n cɔ́ Ɛmɛẅi ankà Ankrànkràn lɔ, annanwɔrɛ mɛ̀n.

Galasi anmàn-bɔ̀ 2:7

Tɛ́n, yɔ kán ɔmu le Ɔwɔ tán mɛ̀n, mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Ɛmɛẅi ankà Ankrankran lɔ, hán ɔmu le nɛ̀n tán Piɛrɛ̀n kɛ̀ dɔ́ Zhüifɛ̀n-bɔ̀ nɔn.

Galasi anmàn-bɔ̀ 5:14

Ɔmuhi ɛnyànmàn totɔtɔ̀n lɔ fɛn bɔ́sɔ ɛnyànmàn zri ndɔ lɔ mɛ̀n: “Ke ji le ɛ̀ cüɛn ɛnyran-wrɔnẅì kɛ̀ hán vɛ́n mumù hɔ́.”

Galasi anmàn-bɔ̀ 5:4

Nyɛ́n léyi nye ji yɛ srɔ nyɛ̀n ɛnyrɔnnan-bɔ̀ Ɔwɔ zìwú ɛnyànmàn kɔrɛ̀levriemɛ̀n nɔn, nyɛ́n mán Krisì mɛhi angranmɛ̀n gbɛ́ nyɛ̀n ɔmùan; nyɛ́n sɩ̀ vrù dù Ɔwɔ bɔafɔ̀n lɔ mɛ̀n.

2 Tesalonikɛ̀n anmàn-bɔ̀ 2:14

Ɛmɛẅi ankà Ankrànkràn léyi bɔ̀ dɔ́ nyɛ̀n yi ankà nɔn, hɩ wú de Ɔwɔ bi nyɛ̀n nɔn; nɛ̀n ji le nyɛ́n mán nyɛ́n dú bɔ́ Ɛẅɛnwrɔn Zhezü Krisì ci-zrɔ lɔ mɛ̀n.

Kpàkpà timote 1:14

Bɔ́ Ɛẅɛnwrɔn ku mɛ̀n nɛ́n nboafɔ̀n bobrebe ɛwú, nɛ̀n tán mɛ̀n ankaẅìbùtan mán ɛcüɛ̀n léyi dú Zhezü Krisì mɛhi b'ɔbɔ̀sɔ̀ lɔ mɛ̀n nvà nɔn.

Kpàkpà timote 1:3

Ɛ̀ yɛ́ Efɛzɛ̀n anmàn hán ɔmu le mɛ̀n wá tán mɛ́n, ɛnvra léyi mɛ́n dù mɛ hɔ́n Maseduanɛ̀n kpɔsɔ wú nɔn. Nanvrɛn lɔ anwrɔn dù ke yé anhyɔ̀n wɔ ankà kɩ ke ji le ɛ̀ wá tán, yɔ kɛ́n ɔmùan yɔ hɛ́n.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Anhyrɛmɛ̀n timote 2:1

Vɛ́n m'ɛnẅì, è bɩ́ ecüì, nboafɔ̀n léyi dú Zhezü Krisì yri vá cɔ́ bɔ̀ nɔn n'ɛmɛ̀n.

1 Piɛrɛ̀n 1:15

Tɛ́n nyɛ́n dú prɔnprɔn ny'esùnan lɔ fɛn mɛ̀n, hán ɔmu le Ɔwɔ léyi bi nyɛ̀n nɔn dú prɔnprɔn.

2 Piɛrɛ̀n 1:3

N'Ɔwɔ kɔrɛ̀srɔn mɛ̀n lɔ, Ɛẅɛnwrɔn tán bɔ̀ eci lɔ fɛn léyi ke ji, ô bɔ́ ɛwúvà kè dú Ɔwɔ mɛ̀n; nɛ̀n hán bɔ̀, bo nyri ɔwrɔn léyi bi bɔ̀, bɔ̀ và dú nɛ́n dùku n'eci-zrɔ mán n'ɛzrɔ lɔ mɛ̀n.

Ɔwɔ-mɛ̀n-yrikàn 22:21

Ɛẅɛnwrɔn Zhezü boafɔ̀n ke dú nyɛ lɛ fɛn ɛmɛ̀n.