Galasi anmàn-bɔ̀ 1:5 - Ɛmɛẅi ankà ankrànkràn 2003

⁵ Ɛmrɛ́n kè dú Ɔwɔ tɛn ɛnvra lɔ fɛn! Kè dú ɔmu lɔ.

Galasi anmàn-bɔ̀ 1:5 Iomraidhean Croise

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Lükɛ̀n 2:14

“Eci-zrɔ dú ɛwú anhobɩ́ Wɔ tɛn, kɩ n'anwɔwɔ dú ɛnu ɛnhi anwrɔn hɔ̀n léyi nɛ cüɛ̀n nɔn tɛn!”

Rɔmɛ̀n-anmàn-bɔ̀ 11:36

Ɔmuhi eci lɔ fɛn dú n'eyri và, eci lɔ fɛn dú nɛ̀n ɛmɛ̀n kɩ dú nɛ tɛn. Eci-zrɔ kè dú Ɔwɔ tɛn ɛnvra lɔ fɛn! Kè dú ɔmu lɔ.

Rɔmɛ̀n-anmàn-bɔ̀ 16:27

Ɔwɔ zri léyi dú ankà-nyri-wrɔn nɔn eci-zrɔ kè dú nɛ tɛn, Zhezü Krisì bɩmɛ̀n, ɛnvra lɔ fɛn! Kè dú ɔmu lɔ.

1 Korɛntɛ̀n anmàn-bɔ̀ 8:13

Hɩ le kruhú de, ke dú kɛ ɛci-zî tɔ̀n ke sɩ́ nmàn-ẅì ɛzrɛ́n mɛ̀n, mɛ́n sɩ̀ vru rá ɔnɔ̀n-ẅia mrìmrì, ô nmàn-ẅì ke bɩ́ dú ɛzrɛ́n mɛ̀n.

Efɛzɛ̀n anmàn-bɔ̀ 1:12

Bɔ̀ mrɛ́n Ɔwɔ vrisì lɔ, bɔ́ léyi bɔ̀ dú ɛnvrakpà-bɔ̀, bɔ̀ bɩ́ bɔ́ esɛ́ bɔ̀ wá Krisì mɛ̀n nɔn!

Filipɛ̀n anmàn-bɔ̀ 4:20

Eci-zrɔ kè dú bɔ́ Zi Ɔwɔ tɛn ɛnvra lɔ fɛn. Kè dú ɔmu lɔ.

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Anhyrɛmɛ̀n timote 4:18

Ɛẅɛnwrɔn ke le vru kè bɩ́ mɛ̀n kè die, kɩ nɛ lɛ hán mɛ̀n me le bru anwɔwɔ mɛ̀n, n'Anhobɩ́ Nɛ̀ncüì-dúyri lɔ. Ɛmrɛ́n kè dú nɛ tɛn ɛnvra lɔ fɛn! Kè dú ɔmu lɔ.

Ebre-bɔ̀ 13:21

Ɔwɔ ndɔ lɔ kɛ̀ srɔ nyɛ̀n eci-ankrankran-hán-bɔ̀, ô nyɛ́n hán n'ɛkɔrɛ̀-zì ci; nɛ̀n wá bɔ́ ɛnbɔrɛ lɔ mɛ̀n eci léyi nɛ cüɛ̀n nɔn, Zhezü Krisì bɩmɛ̀n, nɛ́n léyi eci-zrɔ dú nɛ tɛn ɛnvra lɔ fɛn! Kè dú ɔmu lɔ.

1 Piɛrɛ̀n 5:11

Ɛkɔrɛ̀srɔn dú nɛ tɛn ɛnvra lɔ fɛn! Kè dú ɔmu lɔ.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.

Zhüdɛ̀n 1:25

Ɔwɔ zri, bɔ́ bɩdie-wrɔn, Zhezü-Krisì bɔ́ Ẅɛnwrɔn bɩmɛ̀n, eci-zrɔ, evrisì, ɛkɔrɛ̀srɔn mán ɛkɔrɛ̀levri dú nɛ tɛn, ɛnkrubɔmɛ̀n, zɛtɛ̀ mán ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 14:7

Nɛ dɔ́ esùva cüìcüìemɛ̀n le: “Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n zrɔ nɛ̀n eci! Ɔmuhi, ɛnvra léyi ne le ci anwrɔnẅì ɛmrɛ̀n nɔn ncɔ̀a. Nyɛ́n cüe ɔwrɔn léyi hán anhobɩ́, ɛnhi, ecüe mán ɛnshi-bɛ́ hɔ̀n nɔn, ankɔrɛ̀ ezìwúɛ!”

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”

Ɔwɔ-mɛ̀n-yrikàn 7:12

kɩ yɔ dɔ̀ le: “Kè dú ɔmu lɔ! Hɛ̀ɛ̀, ɛmrɛ́n, ecizrɔ, ankà-nyrì, ɛnyri-kùɛn-tán, evrisì, ɛkɔrɛ̀srɔn mán ecüì dú b'Ɔwɔ tɛn ɛnvra lɔ fɛn! Kè dú ɔmu lɔ.”