Galasi anmàn-bɔ̀ 1:23 - Ɛmɛẅi ankà ankrànkràn 2003

²³ Yɔ yá yɛ dɔ̀ le: “Ɔwrɔn léyi kɛ kɔ́n bɔ̀ anhà ɛnbiɛhɛ́n nɔn, zɛtɛ̀ lɔ kɛ dɔ́ ankaẅì-bùtan léyi nɛ̀n ji ɛjrɛ́-yri nɔn yi ankà zɛtɛn.”

Galasi anmàn-bɔ̀ 1:23 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 19:13

Zhüifɛ̀n-bɔ̀ jan léyi ke ci ɛyriyri, ô kɛ̀ wrɔ́ anhɛ́n gbàngbàn ɛnlɔẅiɛ-bɔ̀ domɛ̀n nɔn, ke ji ke bɩ́ Ɛẅɛnwrɔn Zhezü bi lɔ kɛ̀ wrɔ́ anhɛ́n gbàngbàn kɛ̀ nyan. Yɔ dɔ́ anhɛ́n gbangbàn hɔ̀n lɔ le: “Mɛ wá tán nyɛ̀n le Zhezü bi léyi Pɔlɛ̀n ke bɩ kɛ dɔ́ Ɔwɔ ankà nɔn n'ebɩ́mɛ̀n, nyɛ́n srɔ ɛntrɛ!”

Ɔkɔ̀hɔ̀n-wá-bɔ̀ kɔ̀hɔ̀n hán 6:7

Ɔwɔ ankà-dɔ̀ lɔ kɛ sán bonyi ɛyri lɔ fɛn. Ɛsɛ̀nkɛn-bɔ̀ lɔ kɛ sán cüɛn Zherüzalɛmɛ̀n anmàn, kɩ Ɔwɔ-bɔ̀ bobrebe sɩ́ y'edomɛ̀n ɛnhi tán ankaẅì-bùtan, Zhezü bɩmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 9:13

Ananiasɛ̀n mrɛ́n ɔmùan le: “Ɛẅɛnwrɔn, anwrɔn bobrebe dɔ́ mɛ̀n ɔwrɔn ndɔ lɔ ankà kɩ dɔ́ mɛ̀n ɛgbàn lɔ fɛn léyi nɛ̀n hán v'ɛsɛ̀nkɛn-bɔ̀ Zherüzalɛmɛ̀n anmàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:20

Nɛ̀n bukru kpatakpata lɔ nɛ dɔ́ Ɔwɔ ankà Ɔwɔ-sɛ́n-wɔn hɔ̀n lɔ mɛ̀n kɩ nɛ dɔ̀ le Zhezü dú Ɔwɔ Ẅì.

Ɔkɔ̀hɔ̀n-wá-bɔ̀ kɔ̀hɔ̀n hán 9:21

Anwrɔn hɔ̀n léyi kɛ yá n'ankà-dɔ̀ lɔ nɔn dú anvɛmɛ̀n-frɛ́n mɛ̀n kɩ ke yrɛ le: “Kɛ̂ kè sɩ̀ dù ɔwrɔn ndɔ lɔ de Zherüzalɛmɛ̀n anmàn lɔ kɛ hán anwrɔn hɔ̀n léyi ke bɩ́ Zhezü bɩ́, ɛgbàn shishi nɛ́n? Kɛ̂ nɛ̀n sɩ̀ kàn bìhì nɛ̀n và ɛnu lɔ, ô nɛ̀n ẅɛ̀n yɔ nɛ̀n hɔ̀n sɩ̀ Ɔwɔ-cice-bɔ̀ cüìcüì hɔ̀n lɔa?”

Ɔkɔ̀hɔ̀n-wá-bɔ̀ kɔ̀hɔ̀n hán 9:26

Ɛnvra léyi Sɔlɛ̀n bru Zherüzalɛmɛ̀n anmàn nɔn, ne ji ɛyri ô nɛ̀n hɔ̀n cɔ́ ɛsɛ̀nkɛn-bɔ̀ lɔ; tɛ́n yɔ lɔ fɛn yɔ dú ɛnjansuemɛ̀n, ɔmuhi yɔ sɩ́ bú tán ankaẅì le, Sɔlɛ̀n dú ɛsɛ̀nkɛn-wrɔn annanwɔrɛ tɔ̀n nɔn.

Galasi anmàn-bɔ̀ 6:10

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.