Galasi anmàn-bɔ̀ 1:21 - Ɛmɛẅi ankà ankrànkràn 2003

²¹ Zɛtɛn, mɛ̀n hɔ́n ɔkpɔsɔ hɔ̀n léyi dú Siri mán Silisi wú.

Galasi anmàn-bɔ̀ 1:21 Iomraidhean Croise

Matie 4:24

Yɛ yá n'ankà Siri ɛnhi wú anmàn kɩ ye bɩ́ anwrɔn hɔ̀n léyi kɛ kán ɛnlɔẅiɛ mɛ̀ntɛ mɛ̀ntɛ gbàn: yɔ hɔ̀n léyi anhɛ́n gbàngbàn dú edomɛ̀n, eci-gɔ́n-lɔẅiɛ-bɔ̀ mán ɔkpɔ̀cɔ-bɔ̀, yɛ vá sɩ́ nɛ̀n. Kɩ Zhezü kɛ kɔrɛ yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 13:1

Antiɔshɛ̀n anmàn Wɔ-fɛcüè-bɔ̀ mɛ̀n lɔ, Ɔwɔ-mùanwú-ankà-dɔ́-bɔ̀ mán ankà-yé-bɔ̀ ndù: Barnabasɛ̀n, Simeɔn léyi ye bi Ɔwrɔn yɔwɔ nɔn, Lüsiüsɛ̀n (Sirɛnɛ̀n anmàn-wrɔn) Manaɛ́n léyi nɛ́n mán Herɔdɛ̀n mɛhi yɛ wá yɔ ɛcɛmɛ̀n, kɩ Herɔdɛ̀n ẅɛn ɛyri Galile kpɔsɔ wú, mán Sɔlɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 15:23

Nyàn owrú léyi yɔ merɛ́n yɔ tán yɔ, yɔ hɔ̀n nɔn: “Ɔkɔ̀hɔ̀n-wá-bɔ̀, mán ɛcüìcüì-bɔ̀, nyɛ́n muan-ẅì hɔ̀n ke bi nyɛ̀n nyan; nyɛ́n léyi nyɛ́n sɩ̀ dù Zhüifɛ̀n-bɔ̀, hɩ nyɛ́n dú Antiɔshɛ̀n anmàn, Siri mán Silisi kpɔsɔ wú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:41

Yɔ ci Siri mán Silisi hi-nan wú kɩ yɔ wá Ɔwɔ-fɛcüè-bɔ̀ ecüì edù, ô ankaẅì-bùtan kɛ̀ ẅɛn yɔ ecüì.

Ɔkɔ̀hɔ̀n-wá-bɔ̀ kɔ̀hɔ̀n hán 18:18

Pɔlɛ̀n vru yɛ́ Korɛntɛ̀n anmàn nmɔɛ̀n. Zɛtɛn nɛ́n teze anwrɔn-nɛ́n-muan-ẅì hɔ̀n lɔ kɩ nɛ̀n bɩ́ ɛhɛ̀ nɛ hɔ́n Siri kpɔsɔ wú, nɛ́n mán Prisilɛ̀n mán Akilasɛ̀n mɛhi. Ɛnkrubɔmɛ̀n lɔ, nɛ̀n hán yɛ wán nɛ̀n ɛnkru Sankre anmàn ɔmuhi nɛ̀n wá ɔmùan nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 21:3

Ɛnvra léyi bɔ̀ kán Shiprɛ̀n shi vúta lɔ nɔn, bɔ̀ ci nɛ̀n ecüemɛ̀n hɔ́nan kɩ bɔ̀ hɔ́n Siri kpɔsɔ wú. Bɔ̀ kɛ́ Tirɛ̀n, ɔmuhi ɛnhyàbri-hɛ̀ lɔ ke cüe n'ɛnlowrú lɔ nanvrɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 21:39

Pɔlɛ̀n mrɛ́n ɔmùan le: “Mɛ́n dú Zhüifɛ̀n-wrɔn, ye bî mɛ̀n Tarsɛ̀n anmàn, Silisi Kpɔsɔ wú, anmàn cüìcüì hi wú wrɔn. Ɛ̀ tán mɛ̀n ɛkɔrɛ̀-levri, mɛ sɛ́n mɛ́n, ô mɛ̀n dɔ́ fɛcüè ankà.”

Ɔkɔ̀hɔ̀n-wá-bɔ̀ kɔ̀hɔ̀n hán 22:3

“Mɛ̀n dú Zhüifɛ̀n-wrɔn, ye bî mɛ̀n Tarsɛ̀n anmàn Silisi kpɔsɔ wú; tɛ́n ɛnu Zherüzalɛmɛ̀n anmàn de yɛ wá mɛ̀n kɩ m'ankà-yé-wrɔn dú Gamaliɛlɛ̀n, nɛ́n de nɛ̀n hán mɛ̀n nyri, bɔ́ nancüì hɔ̀n nyànmàn lɔ nɔn. Me yɩ́ edù Ɔwɔ kɔ̀hɔ̀n-hán mɛ̀n, hán ɔmu le nyɛ́n lɛ fɛn nyɛ́n dú ɛnyɔnci lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 23:34

Govran krɛ́ owrú lɔ kɩ ke yrɛ Pɔlɛ̀n ɔkpɔsɔ wú léyi nɛ́n dù nɔn. Ɛnvra léyi nɛ́n nyrì le yi dú Silisi kpɔsɔ wú nɔn,

Ɔkɔ̀hɔ̀n-wá-bɔ̀ kɔ̀hɔ̀n hán 6:9

Zɛtɛn anwrɔn janbɔ̀ kɛ kɛ́n nɛ̀n ezì: yɔ dú ɛnvrakpà, Ɔwɔ-sɛ́n-wɔn-mɛ̀n mɛ̀n-bɔ̀, léyi ye bi “anwɔ̀n-bɔ̀ léyi cɔ́ ɔwrɔncüe nɔn”, hɩ vru dú Sirɛnɛ̀n mán Alɛksandri anmàn Zhüifɛ̀n-bɔ̀; anhyrɛmɛ̀n, Zhüifɛ̀n-bɔ̀ léyi dú Silisi mán Azi kpɔsɔ-wú-bɔ̀ nɔn. Yɔ mán Etiɛnɛ̀n mɛhi yɔ bukru yɔ wrɔ́n-ecüì.

Ɔkɔ̀hɔ̀n-wá-bɔ̀ kɔ̀hɔ̀n hán 9:30

Ɛnvra léyi nɛ́n mùan-ẅì hɔ̀n cɔ́ ankà lɔ yá nɔn, yɔ bɩ́ Sɔlɛ̀n yɔ hɔ́n Sezare anmàn, kɩ nanvrɛn lɔ, yɔ hán nɛ̀n, nɛ̀n hɔ́n Tarsɛ̀n anmàn.