Galasi anmàn-bɔ̀ 1:10 - Ɛmɛẅi ankà ankrànkràn 2003

¹⁰ Kɛ̂ ɔmu lɔ, anwrɔnẅì mrɛ́n de me ji nɛ́n? Hɔ̂, Ɔwɔ tɛn lɔ de me ji nɔn. Ɔmu lɔ anwrɔnẅì cüɛ̀n de me ji nɛ́n? Ke dú kɛ me vru me ji anwrɔnẅì cüɛ̀n hô, mɛ́n sɩ̀ dú Krisì ci-bɩtan-wrɔn.

Galasi anmàn-bɔ̀ 1:10 Iomraidhean Croise

Matie 22:16

Yɔ wá y'ɛsɛ̀nkɛn-bɔ̀ mán Herɔdɛ̀n zìwú bɔ̀ jan ɔkɔ̀hɔ̀n kɛ̀ hɔ̀n dɔ́ Zhezü le: “Ankà-yé-wrɔn, bɔ́ nyri ɔmu le ɛ dɔ́ ankàẅì ankà: E yé annànwɔrɛ ankà léyi Ɔwɔ ke ji nɔn, ɔwrɔn ankà ke sɩ́ ẅɛn mɛ́n ɛnjansù, kɩ e sɩ́ ci ɔwrɔn zriɛmɛ́n anvɛwú mrɛ̀n.

Matie 28:14

Kɩ ke dú kɛ govràn kɛ cɔ̀ kɛ yá hô, bɔ́ lɛ wɔ́ nɛ̀n ɛnbɔrɛ kɩ nyɛ́n sɩ̀ cɔ́ ankà n'antamɛ̀n.”

Matie 6:24

“Ɔwrɔn zriɛmɛ́n ke sɩ̀ dú ankà-yé-bɔ̀ anhyrɛ̀ ci-bɩtan-wrɔn rɔ́: ne le gbri ɔtɔ̀n kɩ nɛ lɛ cüɛn ɔtɔ̀n; ne le di ɔmùan zri tán ɔtɔ̀n kɩ ne le gbri ndɔ lɔ. Ɔwrɔn zriɛmɛ́n ke sɩ̀ dú Ɔwɔ mán ɔkùa ci-bɩtan-wrɔn rɔ́.”

Ɔkɔ̀hɔ̀n-wá-bɔ̀ kɔ̀hɔ̀n hán 12:20

Herɔdɛ̀n bɩ́ ɛmɛ̀nhyì vri ku Tirɛ̀n mán Sidɔn anmàn-bɔ̀ ɛwú. Yɔ anwrɔn ndɔ hɔ̀n lɔ, yɔ krɔn ɔmùan, ô yɔ srɔ Herɔdɛ̀n Zìwú. Yɔ kán Blastüsɛ̀n léyi dú ɛnnɛ̀ncüì wɔndà-mɛ̀n-ci-sanhɛ́n-wrɔn, wá yɔ ɛkɔrɛ̀, zɛtɛn yɔ hɔ́n kán Herɔdɛ̀n, ô angranmɛ̀n kɛ wɔ yɔ, ɔmuhi ɛnnɛ̀ncüì Herɔdɛ̀n hi-nan wú de yɔ hɔ̀n ye bɩ́ ɛci-zî nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:29

Piɛrɛ̀n mán ɔkɔ̀hɔ̀n-wá-bɔ̀ ndɔ hɔ̀n lɔ mrɛ́n ɔmùan le: “Ke ji le ye die Ɔwɔ nukù kɛ̀ vrán anwrɔnẅì.

Rɔmɛ̀n-anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.

Rɔmɛ̀n-anmàn-bɔ̀ 2:29

Tɛ́n Zhüifɛ̀n-wrɔn annanwɔrɛ lɔ, dú nɛ́n léyi n'ɛnbɔrɛ lɔ mɛ̀n, nɛ̀n dú Zhüifɛ̀n-wrɔn, kɩ ye wi nɛ̀n wúcɔ̀-domɛ̀n n'ɛnbɔrɛ lɔ mɛ̀n, kɩ nɛ́n wúcɔ̀-domɛ̀n-wì lɔ dú Ɔwɔ Hɛ́n Prɔnprɔn mɛ̀n srɔ, kɩ kè sɩ̀ dù ɛnyànmàn léyi ye merɛ́n nɔn mɛ̀n. Zhüifɛ̀n-wrɔn annanwɔrɛ ndɔ lɔ, kɛ cɔ́ n'ɛmrɛ́n Ɔwɔ yri, tɛ́n ke sɩ̀ dù anwrɔnẅì yri.

Rɔmɛ̀n-anmàn-bɔ̀ 2:8

Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn.

1 Korɛntɛ̀n anmàn-bɔ̀ 10:33

Nyɛ́n hán eci kɛ̀ hán mɛ̀n hɔ́: mɛ hán kèkrèmɛ̀n mɛ̀n cüɛn anwrɔn lɔ fɛn ɛvɛ̀ eci lɔ fɛn hán mɛ̀n; mɛ́n sɩ́ ji mɛ́n dùku m'anvrɛn, tɛ́n anwrɔn bobrebe hɔ̀n tɛn, ô yɔ cɔ́ ebɩdie.

2 Korɛntɛ̀n anmàn-bɔ̀ 12:19

Kale nyɛ́n tro ɛnvra sheshemɛ̀n le, bɔ́ ji ɛyri bɔ̀ cɔ́ ankà-zrɔ ny'ezìwuɛ? Hɔ̂! Bɔ́ mán Krisì mɛhi bɔ́ dɔ́ ankà, ɔbɔ̀sɔ mɛ̀n Ɔwɔ zìwú, kɩ bɔ̀ dɔ́ nyɛ̀n ankà ndɔ lɔ fɛn, anwrɔn-nɛ́n-muan-ẅì hɔ̀n, ô nyɛ́n nán esù nyɛ́n hɔ́n ezì ankaẅì-bùtan-ẅɛn mɛ̀n.

Efɛzɛ̀n anmàn-bɔ̀ 6:6

Nyɛ́n bɩ́ hán nɛ̀n tɛ̀kɩ ɔmuhi yɔ nán nyɛ̀n, ô nyɛ́n cüɛn yɔ ɛvɛ̀ kɩ, tɛ́n nyɛ́n hán Ɔwɔ kɔrɛ̀-zì-ci ny'ɛnbɔrɛ lɔ fɛn mɛ̀n kɛ̀ hán Krisì ci-bɩtan-bɔ̀ hɔ́.

Filipɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

Kɔlɔsèn anmàn-bɔ̀ 3:22

Anwɔ̀n-bɔ̀, eci lɔ fɛn mɛ̀n, nyɛ́n wá ny'ankà-yé-bɔ̀ léyi dú ɛnu ɛnhibù wú nɔn. Nyɛ́n bɩ́ hán eci lɔ ɛnvra léyi yɛ nán nyɛ̀n nɔn kɩ, ô yɔ cüɛn nyɛ̀n; tɛ́n nyɛ́n hán nɛ̀n ɛnbɔrɛ zri mɛ̀n anvrɛnvrɛn mɛ̀n, ɛwá léyi nyɛ́n ẅɛn Ɛẅɛnwrɔn wú nɔn, hɩ kruhú.

1 Tesalonikɛ̀n anmàn-bɔ̀ 2:4

Tɛ́n, ɛnvra lɔ fɛn bɔ́ dɔ́ ankà kɛ hán ɔmu le Ɔwɔ ke ji nɔn, ɔmuhi nɛ̀n ẅɛn bɔ́ esɛ́ kɩ nɛ̀n tán bɔ̀ n'Ɛmɛẅi ankà Ankrankran lɔ nɔn. Bɔ́ sɩ́ ji anwrɔnẅì cüɛ̀n, tɛ́n Ɔwɔ cüɛ̀n léyi kɛ wɔɛn bɔ́ ɛnbɔrɛmɛ̀n ankà-tro hɔ̀n lɔ nɔn.

Zhakɛ̀n 4:4

Anmùan-anhyrɛ̀-bɔ̀ léyi de dú nyɛ̀n nɔn! Nyɛ́n sɩ̀ nyrì ɔmu le, e dú ɛnhibù nɛ́n nyran hô, è dú Ɔwɔ gbri-wrɔn hàn? Ɔwrɔn léyi ke ji ke dú ɛnhibù nɛ́n nyran nɔn, nɛ srɔ Ɔwɔ gbri-wrɔn.

1 Zhan 3:9

Ɔwrɔn totɔtɔ̀n léyi kɛ kɛ́n ɛgbàn-hán hɛ́n nɔn nɛ̀n dú Ɔwɔ ẅì, ɔmuhi ɛwúvà kɔrɛ̀srɔn léyi dú Ɔwɔ yri và nɔn, dú nɛ̀n ɛmɛ̀n; ɔmuhi Ɔwɔ dú nɛ́n Zi, nɛ́n sɩ̀ vru dú ɛgbàn-hán mɛ̀n hàn.