Efɛzɛ̀n anmàn-bɔ̀ 6:9 - Ɛmɛẅi ankà ankrànkràn 2003

⁹ Nyɛ́n, anwrɔn-ẅɛn-bɔ̀, nyɛ́n hán eci kɛ̀ cá ny'anwɔ̀n-bɔ̀ hɔ́; nyɛ́n bɩ́ wɔnwran yɔ. Kè bru nyɛ̀n le, nyɛ́n mán ny'anwɔ̀n-bɔ̀ mɛhi nyɛ́n ẅɛn Ɛẅɛnwrɔn zri anhobɩ́ anmàn, kɩ nɛ́n sɩ́ hán eci kɛ vɛ́n ɔwrɔnwrɔn tɛ̀sɛ̀n.

Efɛzɛ̀n anmàn-bɔ̀ 6:9 Iomraidhean Croise

Matie 22:10

Ɛci-bɩtan-bɔ̀ lɔ, hɔ́n *andrɛnmɔɛ́n lɔ fɛn mɛ̀n kɩ borɛ anwrɔn lɔ fɛn léyi yɛ cɔ̀ nɔn ɛkru, angbàngbàn hɔ̀n mán ankrànkràn hɔ̀n; kɩ ɔmu lɔ, ɛci-zî-yri lɔ anwrɔn yɩ̀.

Matie 22:8

Zɛtɛn nɛ dɔ́ n'ɛci-bɩtan-bɔ̀ lɔ le: ‘Eyrì-koran ci-zî lɔ krɔn kpehɛ́n, tɛ́n anwrɔn hɔ̀n léyi ye bi ɛci nɔn, ke sɩ̀ vɛ́n yɔ.

Matie 24:48

Tɛ́n ke dú kɛ ɔwrɔn ndɔ lɔ dú eci-bɩtan-wrɔn gbàngbàn, nɛ lɛ dɔ̀ le: ‘Ankà-yé-wrɔn ke sɩ̀ vá zɛtɛ̀ lɔ’,

Matie 24:51

nɛ lɛ wrɔ́ eci-bɩtan-wrɔn lɔ, kɩ nɛ lɛ hán yi ke le di anmùan-anhyrɛ̀-bɔ̀ gbàn wɔɛ̀n, ɛyri léyi eyú-wù mán ɛhnyî rá dù nɔn.”

Matie 7:12

Eci léyi nye ji le yɛ hán yɛ tán nyɛ̀n nɔn, nyɛ́n mán nyɛ́n hán nyɛ́n tán nyɛ́n nyran hɔ̀n: ndɔ lɔ de Mohizì mán Ɔwɔ-mùanwú-ankà-dɔ́-bɔ̀ wrú hɔ̀n lɔ kɛ wá tán le yɛ hán nɔn.”

Lükɛ̀n 6:31

Eci léyi ɛ cüɛ̀n le yɛ hán yɛ tán mɛ́n nɔn, ɛ̀ hán eci zri lɔ, ɛ̀ tán ɛnyran mán.

Zhan 13:13

Nye bi mɛ̀n “Ankà-yé-wrɔn” mán “Ɛẅɛnwrɔn” kɩ ny'ankà zrɔ, ɔmuhi mɛ̀n dú Ankà-yé-wrɔn mán Ɛẅɛnwrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 10:34

Zɛtɛn Piɛrɛ̀n bɩ́ ankà-dɔ̀ kɩ dɔ̀ le: “Zɛtɛ̀ lɔ, me nyri annanwɔrɛ le Ɔwɔ ke sɩ́ hán eci kɛ vɛ́n ɔwrɔn zriɛmɛ́n tɛ̀sɛ̀n:

Rɔmɛ̀n-anmàn-bɔ̀ 2:11

ɔmuhi Ɔwɔ ke sɩ́ mrɛ́n ɔwrɔn zriɛmɛ́n ke teze hɛ̀ nɔn.

1 Korɛntɛ̀n anmàn-bɔ̀ 1:2

Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn:

1 Korɛntɛ̀n anmàn-bɔ̀ 7:22

Ɔmuhi ɔwɔ̀n-wrɔn léyi Ɛẅɛnwrɔn bi nɔn, nɛ̀n srɔ ɔwrɔn kora léyi dú Ɛẅɛnwrɔn tɛn nɔn; ɔmu zri lɔ, ɔwrɔn kora léyi Krisì bi nɔn, nɛ̀n dú Krisì wɔ̀n-wrɔn.

Kɔlɔsèn anmàn-bɔ̀ 3:25

Tɛ́n ɔwrɔn léyi kɛ hán eci gbàngbàn nɔn kɛ lɛ cɔ́ ɛgbàn-wɔ̀ɛn-dì, ɔmuhi Ɔwɔ ke sɩ́ cüɛn ɔwrɔn zriɛmɛ́n kɛ vrán nɛ́n nyran nɔn.

Kɔlɔsèn anmàn-bɔ̀ 4:1

Ankà-yé-bɔ̀ nyɛ́n ẅɛn ny'anwɔ̀n-bɔ̀ anvrɛnvrɛn mɛ̀n mán ɛnyrɔnnan mɛ̀n. Kè bru nyɛ̀n le, nyɛ́n mán nyɛ́n ẅɛn Ankà-yé-wrɔn tɔ̀n dú anhobɩ́.

Zhakɛ̀n 2:13

Ɔmuhi, Ɔwɔ mán ke sɩ̀ nyrí ɔwrɔn léyi ke sɩ́ nyrí nɛ́n nyran ɛnhyɔ̀bɔ̀ nɔn; tɛ́n ɛnhyɔ̀bɔ̀-nyrì kɔ́nká ɛmrɛ̀n-cì.

Zhakɛ̀n 2:8

Ankaẅì, nyɛ hán eci anvrɛnvrɛn, ke dú kɛ nyɛ ẅɛn Anhobɩ́ Nɛ̀ncüì-dúyri nyanmàn kɔrɛ̀zì-ci nyɛ hɛ́n, hán ɔmu le Owrú Prɔnprɔn yé nɔn: “Ɛ̀ cüɛ́n ɛnyran-wrɔnẅì kɛ̀ hán vɛ́n mumù hɔ́.”

Zhakɛ̀n 5:4

Nyɛ́n krɔ nyɛ́n sɩ̀ dì ɔkɔ̀hɔ̀n-hán-bɔ̀ léyi dú nyɛ̀n ankɛ̀tɛ mɛ̀n nɔn ɔwɔɛ̀n. Ndɔ lɔ dú ɛnyrɔnnan gbàngbàn ci-hán. Anwrɔn hɔ̀n léyi ke bɩ́ ny'antɛ̀-ẅì sɩ́ ɛbemɛ̀n nɔn, yɔ bobo-dì bru Ɔwɔ nukùemɛ̀n, ɛnhi mumù Ẅɛnwrɔn.