Efɛzɛ̀n anmàn-bɔ̀ 6:8 - Ɛmɛẅi ankà ankrànkràn 2003

⁸ Kè bru nyɛ̀n le, ɔwrɔnwrɔn, ɔwɔ̀n-wrɔn dú mɛ́n hô, ɔwrɔn kora dú mɛ́n hô, ɛ lɛ cɔ́ anjakpà Ɛẅɛnwrɔn yri, eci léyi ɛ lɛ hán nɔn hɩ wú.

Efɛzɛ̀n anmàn-bɔ̀ 6:8 Iomraidhean Croise

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Matie 20:7

Yɔ mrɛ́n ɔmùan le: ‘Ɔmuhi ɔwrɔn zriɛmɛ́n ke sɩ̀ bɩ́ bɔ̀ ɔkɔ̀hɔ́n hán mɛ̀n nɔn.’ Nɛ dɔ́ yɔ le: ‘Kɛ zrɔ, nyɛ́n mán nyɛ́n hɔ̀n nyɛ́n hán ɔkɔ̀hɔ́n m'ɛkɛ̀tɛ̀ lɔ mɛ̀n.’

Matie 5:12

Pɔ̀püɛ̀ kɛ̀ brá nyɛ̀n, nyɛ́n dú ɛnbɔrɛbruemɛ̀n, ɔmuhi anjakpà vri dú anhobɩ́ kɛ vrá nyɛ̀n nɔn. Ɔmu lɔ de annànwɔrɛ mɛ̀n, yɛ hán Ɔwɔ-mùanwú-ankà-dɔ́-bɔ̀ lɔ di ejüe yakɛ cɔ́ ny'ɛnvra lɔ nɔn.”

Matie 6:1

“Nyɛ́n wá esùva, ke sɩ́ ji le nyɛ́n sɛ́n Ɔwɔ fɛcüè zìwú nyɛ́n tán anwrɔn kɛ̀ kàn. Ke dú kɛ nyɛ hán ɔmu lɔ hô, nyɛ́n sɩ̀ cɔ́ anjakpà nyɛ́n Zi léyi dú anhobɩ́ nɔn yri.

Matie 6:4

ô eci léyi ɛ̀ tán nɔn, kè dú ɛbán mɛ̀n; kɩ Ɔwɔ, léyi dú e Zi kɛ kán eci léyi ɛ̀ hán ɛbán mɛ̀n nɔn, ke le bó mɛ́n anjakpà.”

Lükɛ̀n 14:14

E le dú ɛnbɔrɛ-bruemɛ̀n, ɔmuhi yɔ sɩ̀ wɔrɛ̀ tán mɛ́n rɔ́ nɔn. Ɔwɔ kɛ lɛ wɔrɛ̀ tán mɛ́n ɛnvra léyi yɔ hɔ̀n léyi hán anvrɛn nɔn, ke le dú owúemɛ̀n kɛ̀ wɔrɛ̀ vá ɔkɔrɛ-bɔ̀ mɛ̀n nɔn.”

Lükɛ̀n 6:35

Tɛ́n mɛ dɔ́ nyɛ̀n le, nyɛ́n cüɛ́n ny'egbri-bɔ̀, nyɛ́n hán yɔ anvrɛn, nyɛ́n vɛ́n eci, ô nyɛ́n bɩ́ vrá ɔwɔrɛ̀tan. Nyɛ lɛ cɔ́ anjakpà vri, kɩ nye le dú Ɔwɔ léyi dú anhobɩ́ nɔn, n'ɛẅì hɔ̀n, ɔmuhi nɛ cüɛ́n anwrɔn hɔ̀n léyi kè sɩ̀ nyrì anvrɛn mán anbɔrɛ-bɔ̀ nɔn.

1 Korɛntɛ̀n anmàn-bɔ̀ 12:13

Kɩ bɔ́ lɛ fɛn lɔ, Zhüifɛ̀n-bɔ̀ hô, kè sɩ̀ dù Zhüifɛ̀n-bɔ̀ hô, anwɔ̀n-bɔ̀ hô, anwrɔn kora hɔ̀n hô, yɛ wá bɔ̀ ɛnshi ɛnkru, ô bɔ̀ dú edùwrú zri, Ɛnhɛ́n Prɔnprɔn zri lɔ mɛ̀n, kɩ bɔ́ lɛ fɛn lɔ, bɔ̀ cɔ́ Ɛnhɛ́n Prɔnprɔn zri ndɔ lɔ n'ɛnshi bò mì.

2 Korɛntɛ̀n anmàn-bɔ̀ 5:10

Ɔmuhi ke ji le bɔ́ lɔ fɛn bɔ̀ srɔ Krisì zìwú, ô nɛ̀n ci bɔ̀ ɛmrɛ̀n; zɛtɛn ɔwrɔnwrɔn kɛ lɛ cɔ́ eci léyi dú nɛ tɛn, n'ɛwúvà ankrankran mán angbàngbàn ẅɛn mɛ̀n, n'ɛnu ɛnhi wúvà lɔ mɛ̀n nɔn.

Galasi anmàn-bɔ̀ 3:28

Ke dú kɛ bɔ̀ dú Zhüifɛ̀n-wrɔn, kɩ bɔ̀ sɩ̀ dù Zhüifɛ̀n-wrɔn mán, bɔ̀ dú ɔwɔ̀n-wrɔn, kɩ bɔ̀ dú ɔwrɔn kora mán, bɔ̀ dú ɛnconwrɔn, kɩ bɔ̀ dú ɛnnyɔnwrɔn mán, vɔ̀nshɛ́-ci bàda nɛ̀n ɛmɛ̀n; annanwɔrɛ mɛ̀n lɔ, nyɛ lɛ fɛn nyɛ́n dú eci zri, Krisì mɛhi ny'ɔbɔ̀sɔ̀ lɔ mɛ̀n.

Kɔlɔsèn anmàn-bɔ̀ 3:11

Ke sɩ̀ vrù dù vɔ̀nshɛ́ ci ke dú kɛ ye dú Zhüifɛ̀n-wrɔn, kɩ ye sɩ̀ dù Zhüifɛ̀n-wrɔn, kɩ ye wi mɛ́n wúcɔ̀-domɛ̀n, kɩ ye sɩ̀ wì mɛ́n wúcɔ̀-domɛ̀n, kɩ è dú owrú-kán-wrɔn, kɩ è sɩ̀ dù owrú-kán-wrɔn, kɩ è dú ɔwɔ̀n-wrɔn, kɩ è dú ɔwrɔn kora, tɛ́n ndɔ lɔ fɛn, hɩ le ẅɛn vɔ̀nshɛ́ nɔn, dú Krisì léyi dú bɔ̀ ɛmɛ̀n eci lɔ fɛn mɛ̀n nɔn.

Kɔlɔsèn anmàn-bɔ̀ 3:24

Kè bru nyɛ̀n le, Ɛẅɛnwrɔn ke le bó nyɛ̀n anjakpà: nyɛ lɛ cɔ́ anvrɛn hɔ̀n léyi nɛ̀n hɛ́n n'anwrɔn hɔ̀n nɔn. Ɔmuhi Ankà-yé-wrɔn annanwɔrɛ léyi nye bɩ́ eci tán nɔn, dú Krisì.

Kɔlɔsèn anmàn-bɔ̀ 3:25

Tɛ́n ɔwrɔn léyi kɛ hán eci gbàngbàn nɔn kɛ lɛ cɔ́ ɛgbàn-wɔ̀ɛn-dì, ɔmuhi Ɔwɔ ke sɩ́ cüɛn ɔwrɔn zriɛmɛ́n kɛ vrán nɛ́n nyran nɔn.

Ebre-bɔ̀ 10:35

Nyɛ́n bɩ́ teze ny'esɛ́ lɔ kɛ zrɛ́n hán: anjakpà vri ndù hɛ́n kɛ vrá nyɛ̀n.

Ebre-bɔ̀ 11:26

Nɛ cüɛn ɔmu le ye gbri nɛ̀n kɛ̀ hán ebɩdie-wrɔn hɔ́, kɩ ndɔ lɔ ẅɛn vɔ̀nshɛ́ vri vrán Ezhiptɛ̀n nɛ̀ncüì-di-ci hɔ̀n lɔ fɛn, ɔmuhi n'anvɛ̀ dú anjakpà léyi dú ezì kɛ và nɔn wú.