Efɛzɛ̀n anmàn-bɔ̀ 6:6 - Ɛmɛẅi ankà ankrànkràn 2003

⁶ Nyɛ́n bɩ́ hán nɛ̀n tɛ̀kɩ ɔmuhi yɔ nán nyɛ̀n, ô nyɛ́n cüɛn yɔ ɛvɛ̀ kɩ, tɛ́n nyɛ́n hán Ɔwɔ kɔrɛ̀-zì-ci ny'ɛnbɔrɛ lɔ fɛn mɛ̀n kɛ̀ hán Krisì ci-bɩtan-bɔ̀ hɔ́.

Efɛzɛ̀n anmàn-bɔ̀ 6:6 Iomraidhean Croise

Matie 12:50

Ɔmuhi ɔwrɔn léyi kɛ hán eci léyi Dade léyi dú anhobɩ́ ke ji nɔn, dú nmàn cɔnwrɔn-ẅì, nmàn nyɔnwrɔn-ẅì mán nmàn.”

Matie 7:21

“Kè sɩ̀ dù anwrɔn lɔ fɛn léyi kɛ dɔ́ mɛ̀n le: ‘Ɛẅɛnwrɔn, Ɛẅɛnwrɔn’, de ke le bru Anhobɩ́-Nɛ̀ncüì-dúyri lɔ nɔn, tɛ́n yɔ léyi yɔ hán Dade léyi dú anhobɩ́ nɔn n'ɛkɔrɛ̀zì-ci.

Markɛ̀n 3:35

ɔwrɔn totɔtɔ̀n léyi kɛ hán eci léyi Ɔwɔ ke ji nɔn dú nmàn cɔnwrɔn-ẅì, nmàn nyɔnwrɔn-ẅì ɛnvra tɔ̀n hô nmàn.”

Rɔmɛ̀n-anmàn-bɔ̀ 6:17

Tɛ́n Ɔwɔ kɛ̀ cɔ́ ɛmrɛ́n: nyɛ́n léyi nyɛ́n gɔ̀ dú ɛgbàn wɔ̀n-bɔ̀ nɔn, zɛtɛ̀ lɔ nyɛ́n bɩ́ ny'ɛnbɔrɛ lɔ fɛn nyɛ́n wá ankà-yé léyi nyɛ́n cɔ̀ nɔn wú.

1 Korɛntɛ̀n anmàn-bɔ̀ 7:22

Ɔmuhi ɔwɔ̀n-wrɔn léyi Ɛẅɛnwrɔn bi nɔn, nɛ̀n srɔ ɔwrɔn kora léyi dú Ɛẅɛnwrɔn tɛn nɔn; ɔmu zri lɔ, ɔwrɔn kora léyi Krisì bi nɔn, nɛ̀n dú Krisì wɔ̀n-wrɔn.

Galasi anmàn-bɔ̀ 1:10

Kɛ̂ ɔmu lɔ, anwrɔnẅì mrɛ́n de me ji nɛ́n? Hɔ̂, Ɔwɔ tɛn lɔ de me ji nɔn. Ɔmu lɔ anwrɔnẅì cüɛ̀n de me ji nɛ́n? Ke dú kɛ me vru me ji anwrɔnẅì cüɛ̀n hô, mɛ́n sɩ̀ dú Krisì ci-bɩtan-wrɔn.

Efɛzɛ̀n anmàn-bɔ̀ 5:17

Nyɛ́n bɩ́ srɔ ɔbrɔ̀sà-bɔ̀, tɛ́n nyɛ́n hán kèkrèmɛ̀n, ô nyɛ́n nyri eci léyi Ɛẅɛnwrɔn kɛ vrá ny'antamɛ̀n nɔn.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,

Kɔlɔsèn anmàn-bɔ̀ 1:9

Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

Kɔlɔsèn anmàn-bɔ̀ 4:12

Epafrasɛ̀n léyi dú nɛ́n mán ny'ɛmɛ̀n-wrɔn tɔ̀n nɔn, ke bi nyɛ̀n nyan; Zhezü Krisì ci-bɩ̀tan-wrɔn ndɔ lɔ dú nyɛ́n Ɔwɔ-sɛ̀n-tán mɛ̀n ɛnvra lɔ fɛn edùyiemɛ̀n, ô nyɛ́n nyɔn ɛshishiemɛ̀n ɛnhɛ́n mɛ̀n mán ɛsɔ́mɛ̀n, nyɛ́n krɔn kpehɛ́n nyɛ́n hán Ɔwɔ kɔrɛ̀-zì-ci.

1 Tesalonikɛ̀n anmàn-bɔ̀ 2:4

Tɛ́n, ɛnvra lɔ fɛn bɔ́ dɔ́ ankà kɛ hán ɔmu le Ɔwɔ ke ji nɔn, ɔmuhi nɛ̀n ẅɛn bɔ́ esɛ́ kɩ nɛ̀n tán bɔ̀ n'Ɛmɛẅi ankà Ankrankran lɔ nɔn. Bɔ́ sɩ́ ji anwrɔnẅì cüɛ̀n, tɛ́n Ɔwɔ cüɛ̀n léyi kɛ wɔɛn bɔ́ ɛnbɔrɛmɛ̀n ankà-tro hɔ̀n lɔ nɔn.

1 Tesalonikɛ̀n anmàn-bɔ̀ 4:3

Nyàn eci léyi dú Ɔwɔ kɔrɛ̀-zì-ci-hán nɔn: ke ji le nyɛ́n dú prɔnprɔn mɛ̀n, ô nyɛ́n wá ny'edomɛ̀n esùva eci-gbangbàn-hán tɛ̀sɛ̀n.

Ebre-bɔ̀ 10:36

Ɛnbɔrɛ-ẅɛn-hɛ́n kè dú ny'eci, ô nyɛ́n hán Ɔwɔ kɔrɛ̀zì-ci, ô ɔmu lɔ nyɛ́n cɔ́ n'ɔmùan-wá-ci lɔ.

Ebre-bɔ̀ 13:21

Ɔwɔ ndɔ lɔ kɛ̀ srɔ nyɛ̀n eci-ankrankran-hán-bɔ̀, ô nyɛ́n hán n'ɛkɔrɛ̀-zì ci; nɛ̀n wá bɔ́ ɛnbɔrɛ lɔ mɛ̀n eci léyi nɛ cüɛ̀n nɔn, Zhezü Krisì bɩmɛ̀n, nɛ́n léyi eci-zrɔ dú nɛ tɛn ɛnvra lɔ fɛn! Kè dú ɔmu lɔ.

1 Piɛrɛ̀n 2:15

Annanwɔrɛ mɛ̀n lɔ, eci léyi Ɔwɔ ke ji nɔn, dú hɩ le ke ji le bɔ̀ hán anvrɛn kɔ̀hɔ̀n, ô ɔbrɔ̀sà-bɔ̀ mán yɔ hɔ̀n léyi kè sɩ̀ ẅɛ̀n ɛnkruemɛ̀n nɔn, bɔ̀ kɛ́n yɔ ɔmùan bɔ̀ hɛ́n.

1 Piɛrɛ̀n 4:2

Bukru zɛtɛ̀ lɔ nɔn, ke ji le ny'ɛwúvà léyi wɔrɔ dú nyɛ̀n ɛnu hi nɔn, kè dú Ɔwɔ-ci-hán bɔ̀sɔ mɛ̀n, tɛ́n ke bɩ́ dú anwrɔnẅì ankàtro mɛ̀n.

1 Zhan 2:17

Ɛnhibù dú ɛvàciemɛ̀n, nɛ́n mán ɛci hɔ̀n lɔ fɛn léyi anwrɔnẅì kɛ cüɛ̀n nɔn; tɛ́n ɔwrɔn léyi kɛ hán Ɔwɔ kɔrɛ̀zì-ci nɔn, nɛ̀n dú ɛwúvà mɛ̀n ɛnvra lɔ fɛn.