Efɛzɛ̀n anmàn-bɔ̀ 6:5 - Ɛmɛẅi ankà ankrànkràn 2003

⁵ Anwɔ̀n-bɔ̀, nyɛ́n wá ny'ɛẅɛn-bɔ̀ léyi dú ɛnu ɛnhi nɔn, edomɛ̀n ɛnhisɩemɛ̀n, ɛwá mɛ̀n, ɛnbɔrɛ zri anvrɛnvrɛn mɛ̀n, kè dù kɛ̀ hán ɔmu le nyɛ́n dú Krisì ci-bɩ̀tan-bɔ̀ nɔn.

Efɛzɛ̀n anmàn-bɔ̀ 6:5 Iomraidhean Croise

Matie 6:22

“Anvɛ̀ ndù hán edùwrú kɛniɛn hɔ́: ke dú kɛ v'anvɛ̀ ke dú anvrɛnvrɛn mɛ̀n, v'edùwrú mumù lɔ fɛn ke dú ɛyri-kán mɛ̀n;

Matie 6:24

“Ɔwrɔn zriɛmɛ́n ke sɩ̀ dú ankà-yé-bɔ̀ anhyrɛ̀ ci-bɩtan-wrɔn rɔ́: ne le gbri ɔtɔ̀n kɩ nɛ lɛ cüɛn ɔtɔ̀n; ne le di ɔmùan zri tán ɔtɔ̀n kɩ ne le gbri ndɔ lɔ. Ɔwrɔn zriɛmɛ́n ke sɩ̀ dú Ɔwɔ mán ɔkùa ci-bɩtan-wrɔn rɔ́.”

Matie 8:9

Mɛ́n mumù mán anwrɔn ẅɛn mɛ̀n kɩ mɛ̀n ẅɛn gɔliɛ-bɔ̀ dú m'ɛkɔrɛ̀levri wú. Mɛ dɔ́ ɛnzri le: ‘Hɔ̀n!’ Kɩ nɛ hɔ̀n; mɛ dɔ́ ɛnyàntɛn le: ‘Và!’ Kɩ nɛ và; kɩ mɛ dɔ́ m'eci-bɩtan-wrɔn le: ‘Ɛ̀ hán eci ndɔ lɔ!’ Kɩ nɛ hán.”

Ɔkɔ̀hɔ̀n-wá-bɔ̀ kɔ̀hɔ̀n hán 2:46

Ɛnbì lɔ fɛn, ɛnvra zri lɔ mɛ̀n, yɔ borɛkru Ɔwɔ-cice-wɔn lɔ mɛ̀n, yɔ zî ɛci ɛyri zri y'anwɔn hɔ̀n lɔ mɛ̀n, kɩ y'ɛci-zî lɔ ke dú pɔpüɛ mɛ̀n mán ɛnbɔrɛ cɛ mɛ̀n.

Rɔmɛ̀n-anmàn-bɔ̀ 9:3

Mɛ cüɛn ɔmu le mɛ́n mumù mɛ̀n dú Ɔwɔ ẅìɛ-dà lɔ mɛ̀n, ô yɛ mrɛ́n mɛ̀n yɛ sɔhɔ́ Krisì cüɛ̀n lɔ mɛ̀n, nmàn-ẅì hɔ̀n, ɛnbrɛ̀-zri-bɔ̀ anvrɛn kruhú.

1 Korɛntɛ̀n anmàn-bɔ̀ 2:3

Hɩ le kruhú de ɛjɛmɛ̀n mán ɛnjansuemɛ̀n, mɛ̀n srɔ ny'ezìwú;

1 Korɛntɛ̀n anmàn-bɔ̀ 7:22

Ɔmuhi ɔwɔ̀n-wrɔn léyi Ɛẅɛnwrɔn bi nɔn, nɛ̀n srɔ ɔwrɔn kora léyi dú Ɛẅɛnwrɔn tɛn nɔn; ɔmu zri lɔ, ɔwrɔn kora léyi Krisì bi nɔn, nɛ̀n dú Krisì wɔ̀n-wrɔn.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 7:15

Kɩ ɔmu lɔ, ɛcüɛ̀n léyi nɛ̀n ẅɛn ny'ɛwú vru sevri, ɛnvra léyi ke bru nɛ̀n le, nyɛ lɛ fɛn nyɛ́n ẅɛn n'ɔwá mán ɔmu le nyɛ́n hán nyɛ́n bɩ́ nɛ̀n edòmɛ̀n ɛnhisɩemɛ̀n, mán ɔwá mɛ̀n mɛhi.

Efɛzɛ̀n anmàn-bɔ̀ 5:22

Wúyɔ̀, nyɛ́n sɩ́ ny'edomɛ̀n ɛnhi nyɛ́n tán nyɛ́n cüì hɔ̀n, hán ɔmu le nyɛ hán Ɛẅɛnwrɔn tɛ̀sɛ̀n nɔn.

Efɛzɛ̀n anmàn-bɔ̀ 6:24

Ɔwɔ boafɔn kè dú anwrɔn lɔ fɛn léyi kɛ cüɛn annanwɔrɛ mɛ̀n bɔ́ Ɛẅɛnwrɔn Zhezü Krisì nɔn mɛ̀n.

Filipɛ̀n anmàn-bɔ̀ 2:12

Ɔmu lɔ de, annyran anvrɛn hɔ̀n, nyɛ́n ẅɛn m'ɛwá ɛnvra léyi me dú nyɛ̀n ɛtɛ̀sɛ̀n nɔn. Zɛtɛn, nyɛ́n hán eci-zri lɔ zɛtɛ léyi mɛ̀n sɩ̀ dù nyɛ̀n ɛmɛ̀n nɔn. Nyɛ́n ji anvrɛnvrɛn mɛ̀n ny'ɛnkrukɔrɛ̀ lɔ edomɛ̀n ɛnhi-sɩ́emɛ̀n, ɛwá mɛ̀n,

Filemɔn 1:16

Ɔmuhi zɛtɛ̀ lɔ nɛ̀n sɩ̀ vrù dù ɔwɔ̀n-wrɔn hán; tɛ́n nɛ̀n vrán ɔwɔ̀n-wrɔn tɔ̀n: nɛ̀n dú ɔwrɔn-nɛ̀n-muanẅì léyi ẅɛn anhàn nɔn. Nɛ̀n dú m'anhàn shishi ci, tɛ́n ke ji le nɛ̀n ẅɛn anhàn bobrebe nɛ̀n tán mɛ́n, kè dú n'ɔwɔ̀n-wrɔn wúvà lɔ mɛ̀n kɛ̀ hán ɔwrɔn-nɛ́n-muanẅì Krisì sɛ̀nkɛn-wrɔn hɔ́.

1 Piɛrɛ̀n 3:2

ke ji le yɔ kán ɔmu le ny'esùnàn nfì, kɩ ẅɛn ɔwá nɔn.