Efɛzɛ̀n anmàn-bɔ̀ 6:21 - Ɛmɛẅi ankà ankrànkràn 2003

²¹ Tishikɛ̀n léyi dú bɔ́ muan-ẅì ankrankran mán ɔmùan-zri-di-wrɔn kɔrɛ̀-wá-wrɔn, Ɛẅɛnwrɔn ci-bɩtan kɔ̀hɔ́n lɔ mɛ̀n nɔn, kɛ lɛ tán nyɛ̀n m'ɛmɛẅi ankà lɔ fɛn, ô nyɛ́n nyri eci léyi mɛ̀n srɔ nɔn.

Efɛzɛ̀n anmàn-bɔ̀ 6:21 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 20:4

Pirüsɛ̀n ẅì, ye bi Sopatɛrɛ̀n, nɛ̀n dú Bere anmàn-wrɔn, hɔ́n sɩ́ nɛ̀n, nɛ́n mán nɛ́n nyran hɔ̀n léyi dú: Aristarkɛ̀n mán Sekɛndüsɛ̀n, yɔ dú Tesalonikɛ̀n-bɔ̀, Gahiüsɛ̀n dú Derbɛ̀n anmàn-wrɔn, Timote, Tishikɛ̀n mán Trofimɛ̀n, yɔ dú Azi kpɔsɔ wú bɔ̀, yɔ lɔ fɛn yɔ hɔ́n sɩ́ nɛ̀n.

1 Korɛntɛ̀n anmàn-bɔ̀ 4:17

Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.

Filipɛ̀n anmàn-bɔ̀ 1:12

Anwrɔn-nɛ́n-muan-ẅì hɔ̀n, me ji le nyɛ́n nyri eci léyi wá tán mɛ̀n hɩ annanwɔrɛ mɛ̀n lɔ, mɛ̀n hán Ɛmɛẅi ankà Ankrankran lɔ n'ɔkɔhɔ̀n nán esù hɔ́n ezì nɔn.

Kɔlɔsèn anmàn-bɔ̀ 1:7

Epafrasɛ̀n léyi dú bɔ́ nyran anvrɛn, bɔ́ eci-bɩtan-kɔ̀hɔ̀n-hán lɔ mɛ̀n nɔn de tán nyɛ̀n ankà-yé ndɔ lɔ nɔn; nɛ hán ɔkɔ̀hɔ̀n tán nyɛ̀n kɛ hán Krisì ci-bɩ̀tan-wrɔn léyi ke di ɔmùan-zri nɔn.

Kpàkpà timote 4:6

Ke dú kɛ e yé anwrɔn nɛ́n muan-ẅì hɔ̀n ankà ndɔ hɔ̀n lɔ hô, e le dú Zhezü Krisì ci-bɩ̀tan-wrɔn ankrankran tɔ̀n, e le yé tán le ankaẅìbùtan ankà-dɔ̀ mán ankà-yé annanwɔrɛ léyi ɛ kɛ́n ɛsɛ̀n nɔn, dú v'ɛcizî.

Anhyrɛmɛ̀n timote 4:12

Mɛ̀n hán Tishikɛ̀n hɔ́n Efɛzɛ̀n anmàn.

Titɛ̀n 3:12

Ɛnvra léyi mɛ lɛ hán Artemasɛ̀n mán Tishikɛ̀n, anwrɔn anhyrɛ̀ lɔ ɔtɔ̀n kɛ̀ và cɔ́ mɛ́n nɔn, ɛ̀ hán kèkrèmɛ̀n ɛ̀ srɔ́n mɛ̀n ɛsù Nikopolisɛ̀n anmàn, ɔmuhi mɛ̀n wá le me le bɩ́ ɛbanshi nanvrɛn lɔ nɔn.

Filemɔn 1:16

Ɔmuhi zɛtɛ̀ lɔ nɛ̀n sɩ̀ vrù dù ɔwɔ̀n-wrɔn hán; tɛ́n nɛ̀n vrán ɔwɔ̀n-wrɔn tɔ̀n: nɛ̀n dú ɔwrɔn-nɛ̀n-muanẅì léyi ẅɛn anhàn nɔn. Nɛ̀n dú m'anhàn shishi ci, tɛ́n ke ji le nɛ̀n ẅɛn anhàn bobrebe nɛ̀n tán mɛ́n, kè dú n'ɔwɔ̀n-wrɔn wúvà lɔ mɛ̀n kɛ̀ hán ɔwrɔn-nɛ́n-muanẅì Krisì sɛ̀nkɛn-wrɔn hɔ́.

1 Piɛrɛ̀n 5:12

Mɛ̀n merɛ́n nyɛ̀n owrú buri ndɔ lɔ, mɛ̀n mán Silasɛ̀n kɔrɛ̀-wá mɛ̀n, nɛ́n léyi me bɩ́ nɛ̀n mɛ hán ɔwrɔn-nɛ́n-muanẅì tɔ̀n léyi ke di ɔmùan zri nɔn. Mɛ̀n hán eci ndɔ lɔ, ô mɛ̀n yí nyɛ̀n edù, mɛ̀n hán tán nyɛ̀n nyɛ́n nyrì le, Ɔwɔ nboafɔ̀n annanwɔrɛ mɛ̀n de nyɛ́n dù nɔn.

2 Piɛrɛ̀n 3:15

Nyɛ́n nyri ɔmu le Ɛẅɛnwrɔn bɔrɛ-ẅɛ̀n-hɛ́n ci-hán kɛ tán nyɛ̀n ɛkɔrɛ̀levri nyɛ́n cɔ́ ebɩdie, hán ɔmu le bɔ́ muanẅì ankrankran Pɔlɛ̀n, merɛ́n nyɛ̀n n'owrú, ankanyrì léyi Ɔwɔ tán nɛ̀n nɔn hɩ mɛ̀n.