Efɛzɛ̀n anmàn-bɔ̀ 6:18 - Ɛmɛẅi ankà ankrànkràn 2003

¹⁸ Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Efɛzɛ̀n anmàn-bɔ̀ 6:18 Iomraidhean Croise

Matie 17:21

Tɛ́n Ɔwɔ sɛ́n mɛ̀n mán kìshe bɩ́ mɛ̀n de yɛ lɛ hán ɛnhɛ́n ndɔ lɔ kɛ̀ srɔ ɛntrɛ nɔn.]”

Matie 26:41

Nyɛ́n kpri ɛvɛ̀, nyɛ́n sɛ̀n, ô nyɛ́n bɩ́ bru ɔwɔɛ̀nnyan mɛ̀n. Ɔwrɔnẅì hɛ́n ẅɛn edùyì, tɛ́n n'anẅia ẅɛn ɛjɛ̀.”

Markɛ̀n 13:33

Nyɛ́n wá esùva ndà ke bɩ́ wri nyɛ̀n, ɔmuhi nyɛ́n sɩ̀ nyrì ɛnvra léyi ɛnbì lɔ kɛ lɛ cɔ̀ nɔn.

Markɛ̀n 14:38

Nyɛ́n kpri ɛvɛ̀, nyɛ́n sɛ́n Ɔwɔ, ô nyɛ́n bɩ́ bore ɔwɔɛ̀nnyan mɛ̀n. Ɔwrɔnẅì hɛ́n ẅɛn biakpá, tɛ́n n'edùwrú ẅɛn ɛjɛ̀.”

Lükɛ̀n 21:36

Nyɛ́n bɩ́ di ndà, nyɛ́n sɛ́n ɛnvra lɔ fɛn, ô nyɛ́n cɔ́ ecüì nyɛ́n di ɛci hɔ̀n lɔ kɛ và nɔn anta, ô nyɛ́n tɔhú nyɛ́n nyɔn ɔwrɔnẅì Ẅì zìwúɛ.”

Lükɛ̀n 22:46

Nɛ dɔ́ yɔ le: “Cɛci kruhú kɛ, nyɛ dí ndà? Nyɛ́n tɔhú, nyɛ́n sɛ́n Ɔwɔ, ô nyɛ́n bɩ́ bore ɔwɔɛ̀n-nyan mɛ̀n.”

Lükɛ̀n 3:26

Nagahi nɛ́n zi dú Maatɛ̀n, Maatɛ̀n nɛ́n zi dú Matatiasɛ̀n, Matatiasɛ̀n nɛ́n zi dú Semehin, Semehin nɛ́n zi dú Zhozɛkɛ̀n, Zhozɛkɛ̀n nɛ́n zi dú Zhoda,

Lükɛ̀n 3:37

Lamɛkɛ̀n nɛ́n zi dú Matüzala, Matüzala nɛ́n zi dú Henɔkɛ̀n, Henɔkɛ̀n nɛ́n zi dú Zharɛdɛ̀n, Zharɛdɛ̀n nɛ́n zi dú Maleleɛlɛ̀n, Maleleɛlɛ̀n nɛ́n zi dú Kahinan,

Ɔkɔ̀hɔ̀n-wá-bɔ̀ kɔ̀hɔ̀n hán 1:14

Yɔ lɔ fɛn yɔ borɛkru frɛfrɛ, yɔ sɛ́n Ɔwɔ, yɔ mán wúyɔ̀ hɔ̀n, mán Mari Zhezü nɛ́n muan mán Zhezü nɛ́n muan-ẅì hɔ̀n mɛhi.

Ɔkɔ̀hɔ̀n-wá-bɔ̀ kɔ̀hɔ̀n hán 10:2

Kɔrnɛyì dú ankaẅì-bùtan-wrɔn léyi kɛ sɛ́n Ɔwɔ ɛnvra lɔ fɛn, nɛ́n mán n'ɛmɛ̀n-bɔ̀ mɛhi, kɩ nɛ̀n dú Ɔwɔ-sɛ́n-kɔ̀hɔ̀n-hán mɛ̀n. Kɔrnɛyì kɛ wá ɛmian-bɔ̀ léyi dú Zhuifɛ̀n fɛcüè lɔ mɛ̀n nɔn ɛkɔrɛ̀ bobrebe kɩ nɛ sɛ́n Ɔwɔ ɛnvra lɔ fɛn.

Ɔkɔ̀hɔ̀n-wá-bɔ̀ kɔ̀hɔ̀n hán 12:5

Piɛrɛ̀n dú anwɔn-mɛ̀n-wá-wɔn mɛ̀n, tɛ́n Ɔwɔ-fɛcüè-bɔ̀ kɛ sɛ́n Ɔwɔ tán nɛ̀n edùyiemɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 6:4

Ɔmu lɔ, bɔ́ le bɩ́ bɔ́ ɛnvra lɔ fɛn, bɔ̀ dú Ɔwɔ sɛ́n mɛ̀n mán Ɔwɔ ankà-dɔ́ mɛ̀n.”

Rɔmɛ̀n-anmàn-bɔ̀ 12:12

Nyɛ́n dú pɔpüɛ̀-brá mɛ̀n, ny'esɛ́ léyi nyɛ́n ẅɛn nɔn hɩ kruhú, nyɛ́n ẅɛn ɛnbɔrɛ nyɛ́n hɛ́n ejüedì-gbànkán mɛ̀n; nyɛ́n sɛ́n Ɔwɔ ɔmùan-zri-diemɛ̀n.

Rɔmɛ̀n-anmàn-bɔ̀ 8:15

Ɔmuhi Ɛnhɛ́n léyi nyɛ́n cɔ̀ nɔn, kè sɩ̀ dù Ɛnhɛ́n léyi kɛ srɔ nyɛ̀n anwɔ̀n-bɔ̀ kɩ kɛ hán ɛnjansù ke vru ke yɩ́ ny'ɛnbɔrɛ lɔ; tɛ́n Ɛnhɛ́n Prɔnprɔn de kɛ srɔ nyɛ̀n Ɔwɔ-ẅì hɔ̀n kɩ kɛ hán bɔ̀ bɔ́ di bobo bɔ́ dɔ́ Ɔwɔ le: “Ô mɛ́n Dade!”

Galasi anmàn-bɔ̀ 4:6

Ɔwɔ hán n'Ɛnẅì Hɛ́n vá bɔ́ ɛnbɔrɛ hɔ̀n lɔ mɛ̀n, ô kè yé tán le nyɛ́n dú n'ɛẅì hɔ̀n annanwɔrɛ: Ɛnhɛ́n léyi ke di bobo le: “Abba, ô mɛ́n Dade!”

Efɛzɛ̀n anmàn-bɔ̀ 1:16

mɛ́n sɩ́ trɔ Ɔwɔ ɔkùɛn tán ny'ɛkruhú. Me tro ny'ankà m'Ɔwɔ-sɛ̀n hɔ̀n lɔ mɛ̀n

Efɛzɛ̀n anmàn-bɔ̀ 2:22

Nɛ́n mɛhi ny'ɔbɔ̀sɔ̀ lɔ mɛ̀n, nyɛ́n mán nyɛ́n dú ɔwɔn lɔ mɛ̀n, ô nyɛ́n mán nyɛ́n nyran hɔ̀n lɔ fɛn mɛhi nyɛ́n srɔ ɔwɔn léyi Ɔwɔ dú ɛmɛ̀n nɔn, n'Ɛnhɛ́n mɛ̀n.

Efɛzɛ̀n anmàn-bɔ̀ 3:18

ô nyɛ́n cɔ̀ nyɛ́n yá, nyɛ́n mán Ɔwɔ-fɛcüè mumù lɔ fɛn ɔmu le, Krisì cüɛ̀n lɔ, ɛntrɛ̀ kɩ gbɔ́, ci ɛwú, kɩ vrɛ́n nɔn.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Efɛzɛ̀n anmàn-bɔ̀ 6:19

nyɛ́n sɛ̀n nyɛ́n tán mɛ̀n mán, ô Ɔwɔ kɛ̀ tán mɛ̀n ɛnnyrɔnnan ankà-dɔ̀, ô mɛ̀n cɔ́ ɛkɔrɛ̀-levri mɛ̀n dɔ́ annanwɔrɛ mɛ̀n Ɛmɛẅi ankà Ankrankran lɔ, n'ankà-bán-ankà.

Filipɛ̀n anmàn-bɔ̀ 1:4

Ɛnvra hɔ̀n lɔ fɛn léyi mɛ sɛ́n tán nyɛ̀n nɔn, mɛ hán nɛ̀n pɔpüɛ̀ mɛ̀n,

Filipɛ̀n anmàn-bɔ̀ 4:6

Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.

Kɔlɔsèn anmàn-bɔ̀ 1:3

Bɔ́ tán Ɔwɔ ɔkùɛn ɛnvra lɔ fɛn léyi bɔ́ sɛ́n tán nyɛ̀n, nɛ́n léyi nɛ̀n dú bɔ́ Ɛẅɛnwrɔn Zhezü Krisì nɛ́n Zi nɔn.

Kɔlɔsèn anmàn-bɔ̀ 1:4

Annanwɔrɛ mɛ̀n lɔ, bɔ̀ yá ny'ankaẅì-bùtan-ẅɛn ankà Zhezü Krisì mɛ̀n mán ɛcüɛ̀n léyi nye yé ankaẅì-bùtan-ẅɛn-bɔ̀ lɔ fɛn nɔn.

Kɔlɔsèn anmàn-bɔ̀ 4:2

Nyɛ́n sɛ́n Ɔwɔ ɔmùan-zri-diemɛ̀n, ny'ɔwɔ-sɛ́n mɛ̀n lɔ, nyɛ́n nyɔn ɛshishiemɛ̀n mán enyri-kùɛn-tán mɛ̀n.

1 Tesalonikɛ̀n anmàn-bɔ̀ 5:17

nyɛ́n sɛ́n ɛnvra lɔ fɛn,

Kpàkpà timote 2:1

Ɛnvrapkà lɔ, mɛ wá tán le yɛ sán Ɔwɔ eci, yɛ sɛ́n nɛ̀n, ye wùbi nɛ̀n, ô yɛ tán nɛ̀n ɔkùɛn kè dú ɛci kɔrɛkɔrɛ lɔ fɛn tɛn.

Anhyrɛmɛ̀n timote 1:3

Mɛ tán Ɔwɔ ɔkùɛn, nɛ́n léyi mɛ̀n dú n'eci-bɩ̀tan-wrɔn wàwúyɛ fifiemɛ̀n, hán ɔmu le annancüì hɔ̀n hán nɔn. Mɛ tán nɛ̀n ɔkùɛn ɛnvra lɔ fɛn léyi, ɛnnyran mán ɛcɛ̀n, me tro v'ankà m'ɔwɔ-sɛ̀n hɔ̀n lɔ mɛ̀n nɔn.

Filemɔn 1:5

ɔmuhi mɛ yá yɛ dɔ́ ɛcüɛ̀n léyi ɛ̀ ẅɛn ankaẅìbùtan bɔ̀ wú, mán ankaẅìbùtan léyi dú mɛ́n Ɛẅɛnwrɔn Zhezü mɛ̀n nɔn.

Ebre-bɔ̀ 5:7

N'ɛnhiwú wúvà lɔ mɛ̀n, Zhezü sɛ́n Ɔwɔ, kɩ wú ɛnhyɔ̀bɔ̀, bobo cüìcüì diemɛ̀n, gbɛ́ anvɛshi tán Ɔwɔ léyi ẅɛn ɛkɔrɛ̀srɔn kɛ lɛ ẅɛn nɛ̀n owúemɛ̀n kɛ̀ sɔhɔ́ tɛ̀ nɔn. Kɩ Ɔwɔ yá n'Ɔwɔ-sɛ̀n lɔ, n'edomɛ̀n ɛnhi-sɩ́ kruhú.

1 Piɛrɛ̀n 4:7

Ɛci hɔ̀n lɔ fɛn y'ɔtrɔ vra bá ɛtɛ̀sɛ̀n: Zɛtɛn nyɛ́n dú ɛnkruemɛ̀n-ẅɛ̀n wúvà mɛ̀n, ɛnhɛ́n kè dú nyɛ̀n ɛvɛ̀ kpriemɛ̀n, ô nyɛ́n cɔ́ Ɔwɔ-sɛ́n yri.

Zhüdɛ̀n 1:20

Tɛ́n nyɛ́n, annyran anvrɛn hɔ̀n, ny'ɛwúvà kè dú ɛnvra lɔ fɛn ny'ankaẅìbùtan prɔnprɔn mɛ̀n. Nyɛ́n sɛ́n Ɔwɔ Ɛnhɛ́n Prɔnprɔn korɛ̀srɔn mɛ̀n.