Efɛzɛ̀n anmàn-bɔ̀ 6:11 - Ɛmɛẅi ankà ankrànkràn 2003

¹¹ Nyɛ́n bɩ kè dú ny'edomɛ̀n anhà-kɔ́n-ci hɔ̀n lɔ fɛn léyi Ɔwɔ kɛ tán nɔn, ô nyɛ́n nyɔn ɛshishiemɛ̀n anwa-wrɔn frɛ́n hɔ̀n lɔ fɛn zìwú.

Efɛzɛ̀n anmàn-bɔ̀ 6:11 Iomraidhean Croise

Markɛ̀n 13:22

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci bobrebe yɔ frɛ́n anwrɔn; nyɛ́n sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le dú ɛmɛ̀n.

Rɔmɛ̀n-anmàn-bɔ̀ 13:12

Ɛnnyran gɔ̀n bru ɛmɛ̀n, ɛcɛ̀n bá ɛtɛ̀sɛ̀n. Bɔ́ teze zɛtɛn eci-hán-ci hɔ̀n léyi yɛ hán ɛyri-yɔwɔ mɛ̀n nɔn, ô bɔ̀ bɩ́ anhà-kɔ́n-ci léyi yɛ wá edomɛ̀n ɛcɛ̀n yrikan mɛ̀n nɔn.

Rɔmɛ̀n-anmàn-bɔ̀ 13:14

Nyɛ́n ẅɛn edomɛ̀n, eci lɔ fɛn léyi Zhezü Krisì Ɛẅɛnwrɔn tán bɔ̀ nɔn, ô nyɛ́n bɩ́ vru teze ny'edomɛ̀n nyɛ́n tán nyɛ́n dukú ny'eci-gbàngbàn léyi nyɛ́n cüɛn n'ɛhán nɔn.

1 Korɛntɛ̀n anmàn-bɔ̀ 10:13

Ɔwɔ̀ɛn-nyan hɔ̀n léyi nyɛ́n nyrì nɔn, dú yɔ hɔ̀n léyi anwrɔnẅì kɛ kán ɛnbì lɔ fɛn nɔn. Ɔwɔ dú ɔmùan-zri-di-wrɔn n'ɔmùan-wá hɔ̀n lɔ mɛ̀n, kɩ nɛ́n sɩ̀ tán ɛkɔrɛ̀levri, ô ɔwɔ̀ɛn-nyan cüì kɛ̀ ká nyɛ̀n; tɛ́n, ɛnvra léyi ɔwɔ̀ɛn-nyan kɛ lɛ và nɔn, nɛ lɛ tán nyɛ̀n ecüì, ô nyɛ́n kɛ́n nɛ̀n hɛ́n, kɩ ɔmu lɔ, nyɛ́n cɔ́ ɛyri nyɛ́n dú nɛ̀n ɛmɛ̀n nyɛ́n srɔ ɛntrɛ.

2 Korɛntɛ̀n anmàn-bɔ̀ 10:4

B'anhà-kɔ́n mɛ̀n lɔ, bɔ́ sɩ́ bɩ́ anwrɔnẅìemɛ̀n anhà-kɔ́n-ci: Ɔwɔ kɔrɛ̀-srɔn anhà-kɔ́n-ci hɔ̀n léyi kɛ jrɛ́ ɛbùdrɛn ɛvrivri hɔ̀n nɔn, de bɔ́ bɩ nɔn. Bɔ́ jrɛ́ ɛyɔ̀n-ankà-tro hɔ̀n,

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

2 Korɛntɛ̀n anmàn-bɔ̀ 2:11

ô bɔ́ bí teze Anwa-wrɔn kɔrɛ̀ kɛ dɛ́ bɔ̀ ɛwúɛ; annanwɔrɛ mɛ̀n lɔ, bɔ̀ nyri n'ankà-tro hɔ̀n lɔ fɛn.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 6:7

bɔ́ annanwɔrɛ ankà-dɔ́ mɛ̀n mán Ɔwɔ kɔrɛ̀-srɔn mɛ̀n. B'anhà-kɔ́n-ci mán bɔ́ edùvra-ci dú hɩ le, ke ji le yɛ hán eci léyi nyrɔn Ɔwɔ zìwú nɔn.

Efɛzɛ̀n anmàn-bɔ̀ 4:14

Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn.

Efɛzɛ̀n anmàn-bɔ̀ 4:24

Nyɛ́n cɔ́ ɛwúvà wrù ceci léyi yɛ hán cá Ɔwɔ picɛ̀, hɩ ke yé n'edomɛ̀n ɛnyrɔnnan mán prɔnprɔn wúvà mɛ̀n, ɛwúvà léyi dú annanwɔrɛ ci nɔn.

Efɛzɛ̀n anmàn-bɔ̀ 6:13

Hɩ le kruhú de zɛtɛ lɔ, ke ji le nyɛ́n bɩ́ Ɔwɔ anhà-kɔ́n-ci hɔ̀n lɔ fɛn! Ɔmu lɔ de, ɛnvra léyi ɛnbì gbàngbàn lɔ kɛ lɛ và nɔn, nyɛ lɛ kɛ́n egbri-wrɔn lɔ ezì, kɩ anhà-kɔ̀n trɔ mɛ̀n lɔ, nye le vru nyɛ́n nyɔn ɛshishiemɛ̀n.

Kɔlɔsèn anmàn-bɔ̀ 3:10

kɩ nyɛ́n bɩ́ edù-ci wrù nyɛ́n ẅɛn edomɛ̀n: nyɛ́n dú ɛci wrù hɔ̀n léyi Ɔwɔ, bɔ́ ɛnhibù-hán-wrɔn, kɛ crɔn ɛnvra lɔ fɛn nɛ́n picɛ̀ mɛ̀n, ô nyɛ́n nyri nɛ̀n kokroho nɔn.

1 Tesalonikɛ̀n anmàn-bɔ̀ 5:8

Tɛ́n bɔ́ léyi, bɔ̀ dú ɛcɛ̀n pupu tɛn nɔn, ke ji le anvɛmɛ̀n kè cüe bɔ̀a. Bɔ̀ bɩ́ ankaẅì-bùtan mán ɛcüɛ̀n kè dú bɔ́ anhà-kɔ́n-ceci, kɩ bɔ́ ɛnkrukɔrɛ̀-sɛ́ kè dú bɔ́ ɛnkpro.

Ebre-bɔ̀ 7:25

Hɩ le kruhú de anwrɔn hɔ̀n léyi kɛ sɔnbá Ɔwɔ ɛtɛ̀sɛ̀n n'ebɩmɛ̀n nɔn, ne le bɩ́ yɔ tɛ̀ nɛ̀n die brɛzri, ɔmuhi nɛ̀n dú ɛnvra lɔ fɛn ankɔrɛkɔrɛ mɛ̀n, ô nɛ̀n sɛ́n Ɔwɔ nɛ̀n tán yɔ nɔn.

Zhakɛ̀n 4:7

Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n kɛ́n anwa-wrɔn ezì, kɩ nɛ lɛ srɛ́ cɔhɔ́ esùshe ny'ɛtɛ̀sɛ̀n.

1 Piɛrɛ̀n 5:8

Anvɛ̀ kè kpri nyɛ̀n, anvɛmɛ̀n kè bi nyɛ̀n! Ɔmuhi ny'egbriwrɔn anwawrɔn, kɛ gbrɛnkɛn ɔmùan kɛ hán gɔ̀ngɔ̀sɔvɛ̀ léyi esùvamɛ̀n ke shrì ke ji ɔwrɔn tɔ̀n kɛ̀ rá nɔn.

Zhüdɛ̀n 1:24

Ɔwrɔn léyi kɛ lɛ wá nyɛ̀n ɛkɔrɛ̀ ebore mɛ̀n, ô kɛ̀ hán nyɛ̀n nyɛ́n dú ɛfifiemɛ̀n nyɛ́n srɔ pɔpüɛ̀ vriemɛ̀n n'eci-zrɔ zìwú nɔn,

Ɔwɔ-mɛ̀n-yrikàn 12:9

Yɛ kɔ́n anwàn-lɛ̀brì vri lɔ ye ze ɛntrɛa. Nɛ́n de nɛ̀n dú ɛnlɛ̀brì gbànvri, léyi ye bi anwawrɔn cüìcüì, hɩ kɛ frɛ́n ɛnhibù mumù lɔ fɛn nɔn. Nɛ́n mán n'ɛkùyüre-bɔ̀ mɛhi yɛ kɔ́n yɔ cüe ɛnhi wú.

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.

Ɔwɔ-mɛ̀n-yrikàn 2:24

Tɛ́n nyɛ́n léyi, Tiatirɛ̀n anmàn lɔ, nyɛ́n sɩ̀ bɩ ɛyɔ̀n wɔ ankà ndɔ lɔ, kɩ nyɛ́n sɩ̀ shrì nyɛ́n bɩ eci léyi anwrɔn ke bi ‘Anwawrɔn ankà-bán-ankà vrɛn hɔ̀n’, nyàn ankà léyi mɛ dɔ̀ nɔn: mɛ́n sɩ̀ tán nyɛ̀n ɛnlowrú nyàntɛn.