Efɛzɛ̀n anmàn-bɔ̀ 5:8 - Ɛmɛẅi ankà ankrànkràn 2003

⁸ Ɛnbiɛhɛ́n lɔ nyɛ́n dú ɛyri-yɔwɔ mɛ̀n; tɛ́n zɛtɛ̀ lɔ, nyɛ́n mán Ɛẅɛnwrɔn mɛhi ny'ɔbɔ̀sɔ̀ lɔ mɛ̀n, nyɛ́n dú ɛyri-kán mɛ̀n. Hɩ le kruhú de ke ji le, nyɛ́n nán esù kɛ̀ hán anwrɔn hɔ̀n léyi dú ɛyri-kán kɔrɛ̀-levri wú,

Efɛzɛ̀n anmàn-bɔ̀ 5:8 Iomraidhean Croise

Matie 3:8

Nyɛ́n hán eci ke yé le nyɛ́n crɔn ɛnkruɛ,

Matie 4:16

Fɛcüè léyi dú ɛnshi-nyran mɛ̀n nɔn kɛ lɛ kán ɛyri-kàn vri tɔ̀n! Anwrɔn léyi dú owù-yri-yɔwɔ anmàn nɔn, ɛyri-kàn ke le dú yɔ tɛn!”

Lükɛ̀n 1:79

ô kɛ̀ tán yɔ hɔ̀n léyi yɛ́ ɛyri yɔwɔmɛ̀n, mán owù-wɔ̀n mɛ̀n nɔn, ɛyri-kàn, ô kɛ̀ nyrɔn bɔ́ esùnàn anwɔwɔ levri wú.”

Lükɛ̀n 16:8

Ankà-yé-wrɔn lɔ kɛ mrɛ́n ɛci-krɛ́-wrɔn gbàngbàn lɔ, ɔmuhi nɛ̀n ẅɛn anvɛmɛ̀n nɔn. Ɔmuhi anwrɔn hɔ̀n léyi dú ɛnu ɛnhi nɔn, ẅɛn anvɛmɛ̀n anhàn-zhrɛ́ mɛ̀n yɔ mán yɔ nyrán hɔ̀n mɛhi vrán yɔ hɔ̀n léyi dú ɛyri-kán mɛ̀n nɔn.”

Zhan 1:9

Ankà-dɔ̀ ndɔ lɔ dú annanwɔrɛ yri-kàn zri kpokpo, hɩ kɛ vá ɛnhibù wú ô kɛ̀ tán anwrɔnẅì lɔ fɛn ɛyri-kàn nɔn.

Zhan 12:35

Zhezü kɛ dɔ́ yɔ le: “Ɛyri-kàn vru dú nyɛ̀n ɛmɛ̀n, tɛ́n ne le dú ɛnvra cá mɛ̀n. Nyɛ́n nán esù, ɛnvra ɔmu lɔ, hɩ nyɛ́n dú ɛyri-kán mɛ̀n nɔn, ô ɛyri yɔwɔ ke bɩ́ ẅɛn nyɛ̀n nmù, ɔmuhi ɔwrɔn léyi kɛ nán esù ɛyri yɔwɔ mɛ̀n nɔn, nɛ́n sɩ́ nyri ɛyrí léyi nɛ hɔ̀n nɔn.

Zhan 12:36

Nyɛ́n bú ɛyri-kán ankà nyɛ́n tán ankaẅì, ɛnvra ɔmu lɔ, hɩ nɛ̀n dú nyɛ̀n ɛmɛ̀n nɔn, ô nyɛ́n srɔ ɛyri-kán ẅì hɔ̀n.” Ɛnvra léyi nɛ̀n dɔ́ ankà ndɔ hɔ̀n lɔ trɔ nɔ̀n, Zhezü hɔ́n esù she bán.

Zhan 12:46

Mɛ tɛn mɛ̀n vá ɛnhibù wú hán ɛyrikàn hɔ́, ô ɔwrɔn totɔtɔ̀n léyi ke bú m'ankà kɛ tán ankaẅì nɔn ke bɩ́ dú ɛyri yɔwɔ mɛ̀n.

Zhan 8:12

Zhezü vru bɩ́ ankà-dɔ̀ kɩ kɛ dɔ́ fɛcüè le: “Mɛ̀n dú ɛnhibù yri-kàn. Ɔwrɔn léyi kɛ kɛ́n mɛ̀n ɛsɛ̀n nɔn, kɛ lɛ cɔ́ ɔkɔrɛ̀ yri-kàn kɩ nɛ́n sɩ̀ nán esù ɛyri yɔwɔ mɛ̀n mrìmrì.”

Ɔkɔ̀hɔ̀n-wá-bɔ̀ kɔ̀hɔ̀n hán 17:30

Tɛ́n Ɔwɔ ke sɩ́ vru nyan ɛnvra hɔ̀n léyi anwrɔnẅì dú ɔbrɔ̀sà mɛ̀n, tɛ́n, ne bi yɔ zɛtɛ̀ lɔ, yɔ lɛ fɛn, ɛyri lɔ fɛn, yɔ crɔn y'eci-hán-ci.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 1:21

Yɔ nyri Ɔwɔ, tɛ́n yɔ sɩ̀ ẅɛ̀n n'ɔwa kɩ yɔ sɩ́ tán nɛ̀n ɔkùɛn kɛ hán ɔmu le ke ji le yɛ hán n'ɛtɛ̀sɛ̀n nɔn hɔ́. Tɛ́n y'ankà-tro srɔ eci fe kɩ y'ɔbrɔ̀sà hɛ́n dú ɛyri-yɔwɔ mɛ̀n.

Rɔmɛ̀n-anmàn-bɔ̀ 13:12

Ɛnnyran gɔ̀n bru ɛmɛ̀n, ɛcɛ̀n bá ɛtɛ̀sɛ̀n. Bɔ́ teze zɛtɛn eci-hán-ci hɔ̀n léyi yɛ hán ɛyri-yɔwɔ mɛ̀n nɔn, ô bɔ̀ bɩ́ anhà-kɔ́n-ci léyi yɛ wá edomɛ̀n ɛcɛ̀n yrikan mɛ̀n nɔn.

Rɔmɛ̀n-anmàn-bɔ̀ 2:19

e tro le è dú anvɛ̀-bɔyɛ-bɔ̀ kpamàn, anwrɔn hɔ̀n léyi dú ɛyri-yɔwɔ mɛ̀n nɔn y'eyri-kàn,

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

2 Korɛntɛ̀n anmàn-bɔ̀ 3:18

Bɔ́ lɛ fɛn ezì woro, bɔ́ yé Ɛẅɛnwrɔn ci-zrɔ lɔ; ɔmu lɔ, yɛ crɔn bɔ̀, ô bɔ̀ cá Ɛẅɛnwrɔn, kɩ bɔ́ dú eci-zrɔ tɔ̀n mɛ̀n, kɩ bó vru bó ci eci-zrɔ vri tɔ̀n mɛ̀n. Annanwɔrɛ mɛ̀n lɔ, nyàn eci léyi Ɛẅɛnwrɔn kɛ hán, nɛ́n léyi nɛ̀n dú Ɛnhɛ́n nɔn.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

2 Korɛntɛ̀n anmàn-bɔ̀ 6:14

Nyɛ́n bɩ́ hɔ́n nyɛ́n cɔ́ anwrɔn hɔ̀n léyi kè sɩ̀ ẅɛ̀n ankaẅì-bùtan nɔn, yɔ mɛhi nyɛ́n nyɔ́n ɛgbànkàn lowrú zri tɛ̀sɛ̀n, ɔbrɔ̀sà mɛ̀n. Annanwɔrɛ mɛ̀n lɔ, anwɔntan de, eci léyi nyrɔn mán eci gbàngbàn ke le dú ɔbɔ̀sɔ mɛ̀n nɛ́n? Anwɔntan de ɛyri-kàn mán ɛyri-yɔwɔ ke le dú ɔbɔ̀sɔ mɛ̀n nɛ́n?

Galasi anmàn-bɔ̀ 5:25

Ɛnhɛ́n Prɔnprɔn tán bɔ̀ ɛwúvà; bɔ̀ teze nɛ̀n, nɛ̀n nyrɔn bɔ́ esùnan lɔ.

Efɛzɛ̀n anmàn-bɔ̀ 2:2

Nyɛ hán ɛnu ɛnhi wúvà ci; nyɛ wá ɛnhɛ́n cüìcüì léyi ẅɛn ɛwú ɛkɔrɛ̀-srɔn, ɛnhɛ́n ndɔ léyi zɛtɛ̀ lɔ dú anwrɔn hɔ̀n léyi kɛ kɛ́n Ɔwɔ ezì nɔn edomɛ̀n.

Efɛzɛ̀n anmàn-bɔ̀ 4:18

Y'ɛnkruemɛ̀n-ẅɛ̀n dú ɛyri-yɔwɔ mɛ̀n; yɔ sɩ̀ ẅɛ̀n ɛwúvà léyi dú Ɔwɔ yri kɛ và nɔn ɛnzri mán, ɔmuhi y'ɔbrɔ̀sà lɔ sɛ́n nmù, kɩ ɛbɔrɛ sɔ́ yɔ hán obù hɔ́ nɔn.

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Efɛzɛ̀n anmàn-bɔ̀ 6:12

Ɔmuhi bɔ́ mán anwrɔnẅì mɛhi bɔ̀ sɩ̀ ẅɛ̀n anhà-kɔ̀n, tɛ́n bɔ́ mán ɛkɔrɛ̀-srɔn hɛ́n gbàngbàn hɔ̀n léyi dú anhobɩ́ anmàn nɔn, ɛkɔrɛ̀levri-bɔ̀ mán anwrɔn-ẅɛn-bɔ̀ léyi dú ɛnhibù yɔwɔ ndɔ lɔ wú nɔn de yɔ mɛhi bɔ̀ ẅɛn anhàkɔ̀n nɔn.

Kɔlɔsèn anmàn-bɔ̀ 1:12

Nyɛ́n tán Ɔwɔ Zi ɔkùɛn eci-zrɔ mɛ̀n: nɛ̀n hán tán nyɛ̀n ô nyɛ́n cɔ́ anvrɛn léyi nɛ̀n hɛ́n ɛnnɛ̀ncüì-dúyri yri-kàn lɔ mɛ̀n, ô kè dú anwrɔn hɔ̀n léyi dú nɛ tɛn nɔn tɛn.

Kɔlɔsèn anmàn-bɔ̀ 1:13

Annanwɔrɛ mɛ̀n lɔ, nɛ̀n mrɛ́n bɔ̀ nɛ̀n sɔhɔ́ ɛyri-yɔwɔ kɔrɛ̀srɔn lɔ mɛ̀n kɩ nɛ̀n hán bɔ̀ bɔ́ ci n'ɛcüɛn Ẅì nɛ̀ncüì-dúyri lɔ mɛ̀n.

Titɛ̀n 3:3

Ɔmuhi bɔ́ mán, ɛnkrubɔmɛ̀n lɔ bɔ̀ dú ɔbɔ̀rɛsà-bɔ̀, bɔ́ sɩ́ die ankà nukùɛ, kɩ bɔ̀ dú ɛzɛ́n mɛ̀n nɔn. Bɔ́ gɔ̀ dú ankà-tro mɛ̀ntɛ mɛ̀ntɛ mán pɔpüɛ̀-brà wɔ̀n-bɔ̀; bɔ̀ ẅɛn anbɔrɛ wúvà kɩ ɔwrɔn ci kɛ cüɛn bɔ̀ ɛvɛ̀; bɔ́ hán ye gbri bɔ̀ kɩ yɔ mán bɔ́ gbri bɔ́ edòmɛ̀n.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.