Efɛzɛ̀n anmàn-bɔ̀ 5:6 - Ɛmɛẅi ankà ankrànkràn 2003

⁶ Ɔwrɔn zriɛmɛ́n, ke bɩ́ hán nyɛ̀n nyɛ́n bore ankà-dɔ́ mɛ̀n, ô kɛ hán nyɛ̀n nyɛ́n zɛ́n hán: ɛgbàn ndɔ hɔ̀n lɔ de ke sɩ́ Ɔwɔ mɛ̀nhyì-bɩ̀ ku anwrɔn hɔ̀n léyi kɛ kɛ́n nɛ̀n ezì nɔn ɛwú.

Efɛzɛ̀n anmàn-bɔ̀ 5:6 Iomraidhean Croise

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Matie 24:4

Zhezü mrɛ́n yɔ ɔmùan le: “Nyɛ́n wá esùva, ô ɔwrɔn zriɛmɛ́n ke bɩ́ frɛ́n nyɛ̀n.

Markɛ̀n 13:22

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci bobrebe yɔ frɛ́n anwrɔn; nyɛ́n sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le dú ɛmɛ̀n.

Markɛ̀n 13:5

Zɛtɛn, Zhezü bukru kɛ dɔ́ yɔ le: “Nyɛ́n wá esùva, ô ɔwrɔn zriɛmɛ́n ke bɩ́ frɛ́n nyɛ̀n.

Rɔmɛ̀n-anmàn-bɔ̀ 1:18

Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n.

Kɔlɔsèn anmàn-bɔ̀ 2:18

Nyɛ́n bɩ́ teze anwrɔn kɛ bɔ́ nyɛ̀n nwù, yɔ léyi yɔ cüɛn ɛntrɛ ci-hán y'edomɛ̀n ɛnhisɩemɛ̀n, kɩ yɔ cüe Ɔwɔ-kùyüre-bɔ̀ ankɔrɛ̀ ezìwúɛ, kɩ yɔ bɩ́ y'ɔwɔ-mɛ̀n-yri-kàn lɔ yɛ srɔ vɔ̀nshɛ́-ci nɔn. Anwrɔn ɔmu hɔ̀n lɔ, tutre woro yɩ́ yɔ ɛmɛ̀n, y'anwrɔnẅì ankà-tro ci-hán mɛ̀n;

Kɔlɔsèn anmàn-bɔ̀ 2:4

Mɛ dɔ́ nyɛ̀n ankà ndɔ lɔ, ô Ɔwrɔn zriɛmɛ́n ke bɩ́ ci n'ɛfrɛ́n-ankà-dɔ̀ mrɛ́nmrɛ́n lɔ mɛ̀n kɛ hán nyɛ̀n nyɛ́n zɛ́n hán.

Kɔlɔsèn anmàn-bɔ̀ 2:8

Nyɛ́n wá esùva, ɔwrɔn zriɛmɛ́n ke bɩ́ jrɛ́ nyɛ̀n ɛnkruemɛ̀n ɛfrɛ́n-ankà-dɔ̀ léyi ɔwrɔnẅì ankà-nyrì woro kɩ dú ɛmɛ̀n nɔn: ankà-nyrì ndɔ lɔ dú anwrɔnẅìemɛ̀n ankà-nyrì, nɛ̀n vru nɛ̀n dú ɛnhibù ɛnhɛ́n mɛ̀n cüì, kɩ nɛ̀n sɩ̀ dù Krisì mɛ̀n.

Kɔlɔsèn anmàn-bɔ̀ 3:6

Ɛgbàn ndɔ hɔ̀n lɔ de ke sɩ́ Ɔwɔ mɛ̀nhyì-bɩ̀ ku anwrɔn hɔ̀n léyi kɛ kɛ́n nɛ̀n ezì nɔn ɛwú.

2 Tesalonikɛ̀n anmàn-bɔ̀ 2:3

Eci zriɛmɛ́n mán mɛ̀n, nyɛ́n bɩ́ teze ɔwrɔn zriɛmɛ́n kɛ frɛ́n nyɛ̀n. Ɔmuhi ɛnbì ndɔ lɔ ke sɩ̀ và ke dú kɛ Ɛmɛẅitrɔ zìkɛ̀n ankà lɔ mán anbɔrɛ ci-hán-wrɔn kɛ vá srɔ, nɛ́n léyi nɛ́n dú ɛjrɛ́ tɛn nɔn.

Ebre-bɔ̀ 13:9

Nyɛ́n bɩ́ teze ny'edomɛ̀n nyɛ́n tán Ɔwɔ ankà-dɔ̀ mɛ̀ntɛ mɛ̀ntɛ hɔ̀n léyi dú ɛyri nyantɛn nvà nɔn kɛ zrɛ́n nyɛ̀n. Zrɔ tán le bɔ̀ cɔ́ Ɛnhɛ́n mɛ̀n cüì Ɔwɔ nboafɔn mɛ̀n, kɩ kè sɩ̀ dù ɛcizî nyànmàn ci-hán; anwrɔn hɔ́n léyi kɛ ẅɛn ɛcizî nyanmàn ndɔ hɔ̀n lɔ kɛ hɛ́n nɔn, ɛnbì zriɛmɛ́n yɔ vá cɔ́ nɛ́n vɔ̀nshɛ́ tɔ̀n.

Ebre-bɔ̀ 3:19

Annanwɔrɛ mɛ̀n lɔ, bɔ́ kàn le yɔ sɩ̀ cɔ̀ brù ɛwrɔncüe yri ndɔ lɔ, ɔmuhi yɔ krɔ, yɔ sɩ̀ bù tàn ankaẅì nɔn.

1 Piɛrɛ̀n 2:8

Kɩ ɛyri nyantɛn ye vru yɛ dɔ̀ le: “Nɛ̀n dú ɔbù léyi ɛnvra léyi nɛ sɔ́n mɛ́n ɛnan nɔn, nɛ hán mɛ́n ɛ trɛnshɛn, ɔbù tɔ̀n léyi kɛ hán mɛ́n e bore.” Anwrɔn ndɔ hɔ̀n lɔ, ɔbù sɔ́n yɔ ɛnan, yɔ trɛnshɛn, yɔ krɔ, yɔ sɩ̀ die Ɔwɔ muan-ankà nukùɛ, kɩ eci-hán-ci ndɔ lɔ de yɛ wá yɛ hɛ́n yɔ nɔn.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.