Efɛzɛ̀n anmàn-bɔ̀ 5:5 - Ɛmɛẅi ankà ankrànkràn 2003

⁵ Nyɛ́n nyri anvrɛnvrɛn mɛ̀n le: eci-gbangbàn-hán-wrɔn zriɛmɛ́n, ɛnbrámɛ̀n-ci-hán-wrɔn zriɛmɛ́n mán kɔ̀tɛ́-wrɔn (ɔmuhi kɔ̀tɛ́ dú, antɛ̀-buri-ci-hán) ke sɩ̀ bru Krisì mán Ɔwɔ dúyri lɔ mrìmrì nɔn.

Efɛzɛ̀n anmàn-bɔ̀ 5:5 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 20:32

Kɩ zɛtɛ̀ lɔ, me bɩ́ nyɛ̀n mɛ wá Ɔwɔ mán nɛ́n boafɔn ankà-dɔ̀ tamɛ̀n. Nɛ̀n ẅɛn ɛkorɛ̀srɔn léyi kɛ lɛ hán ny'ankaẅì-bùtan lɔ kɛ̀ hɔ́n ezì kɩ nɛ lɛ tán nyɛ̀n ɛci hɔ̀n léyi nɛ̀n wá ɔmùan nɛ̀n hɛ́n anwrɔn hɔ̀n léyi dú nɛ tɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 8:21

È sɩ̀ ẅɛ̀n eci-dɛ́-ci zriɛmɛ́n hɩ ká kɛ́n ɛkɔrɛ-levri zriɛmɛ́n ankà ndɔ lɔ mɛ̀n, ɔmuhi ɛnbɔrɛ kè sɩ̀ nyrɔn mɛ́n Ɔwɔ zìwú nɔn.

Galasi anmàn-bɔ̀ 5:19

Ye nyri anvrɛnvrɛn mɛ̀n, ɔmu le bɔ́ mumù bɔ́ ɛwúvà-ci-hán ke yé n'edomɛ̀n nɔn: eci-gbangbàn-hán mɛ̀n, ɛnbrámɛ̀n-ci-hán mɛ̀n, mán ɛwúvà-gbangbàn-ẅɛ̀n mɛ̀n,

Galasi anmàn-bɔ̀ 5:21

ɛci kɛ cüɛn yɔ ɛvɛ̀, yɔ kɔ́n ɛntàn kɩ yɔ zî ɛci ɛvrivri, kɩ yɔ hán eci nyàntɛn ndɔ hɔ̀n kɛ cá. Me bi dɔ́ nyɛ̀n zɛtɛ̀ lɔ, hán ɔmu le mɛ́n gɔ̀ hán nɔn: anwrɔn hɔ̀n léyi kɛ hán ɔmu lɔ nɔn, ke sɩ̀ cɔ́ ɛyri Anhobɩ́ Nɛ̀ncüì-dúyri.

Efɛzɛ̀n anmàn-bɔ̀ 5:3

Nyɛ́n dú Ɔwɔ-fɛcüè tɛn, hɩ le Kruhú de kè sɩ̀ zrɔ̀ tàn le, eci-gbangbàn-hán mɛ̀ntɛ mɛ̀ntɛ zriɛmɛ́n, ɛnbrámɛ̀n-ci mán ɔwrɔn-ci-vɛ̀-cüɛ̀n ci-hán kè dú nyɛ̀n ɛmɛ̀n nɔn.

Kɔlɔsèn anmàn-bɔ̀ 1:13

Annanwɔrɛ mɛ̀n lɔ, nɛ̀n mrɛ́n bɔ̀ nɛ̀n sɔhɔ́ ɛyri-yɔwɔ kɔrɛ̀srɔn lɔ mɛ̀n kɩ nɛ̀n hán bɔ̀ bɔ́ ci n'ɛcüɛn Ẅì nɛ̀ncüì-dúyri lɔ mɛ̀n.

Kɔlɔsèn anmàn-bɔ̀ 3:5

Nyɛ́n hán ɛci hɔ̀n lɔ fɛn léyi dú ɛnhibù wú ci nɔn, kè wú ny'ɛmɛ̀n: ɛwúvà gbàngbàn, ɛnbrámɛ̀n-ci, afùyà hɔ̀n, ankà-tro gbàngbàn mán kɔ̀tɛ (ɔmuhi kɔ̀tɛ dú antɛ̀-buri-sɛ̀n) nɔn.

Kpàkpà timote 6:10

Ɔmuhi ɔkùa cüɛ̀n dú ɛgbànkàn mɛ̀ntɛ mɛ̀ntɛ lɔ fɛn y'annyràn nɔn. Anwrɔn janbɔ̀ ɔkùa-ji afuyà dú yɔ ɛnbɔrɛ mɛ̀n, hán tán kɩ yɔ dú ɛzrɛ́n mɛ̀n esù she, ankaẅìbùtan tɛ̀sɛ̀n kɩ yɔ bɩ́ ɛgbànkàn yɔ wá edòmɛ̀n.

Kpàkpà timote 6:17

Ɛ̀ wá tán anwrɔn hɔ̀n léyi ẅɛn ɛnhibù wú nɛ̀ncüì-di-ci hɔ̀n lɔ nɔn, yɔ bɩ́ hán tùtre ci; ɛ̀ dɔ́ yɔ yɔ bɩ́ bɩ́ y'esɛ́ lɔ yɔ wá ɛnnɛ̀ncüì-di-ci ndɔ hɔ̀n léyi dú eci vàcí ci nɔn mɛ̀n, tɛ́n Ɔwɔ mɛ̀n, nɛ́n léyi nɛ tán eci lɔ fɛn kɩ nɛ́n sɩ́ wɔɛn hán nɔn, ô bɔ́ dú ɛnbɔrɛbruemɛ̀n.

Ebre-bɔ̀ 13:4

Eyirì mùan-wá lɔ, eyiri-bɔ̀ lɔ fɛn kɛ̀ ẅɛn nɛ̀n kɛ̀ hɛ́n, ke ji le eyiri-bɔ̀ kè di ɔmùan zri tán y'edomɛ̀n. Ɔwɔ ke le ci anwrɔn hɔ̀n léyi kɛ ẅɛn ankàtro-gbàngbàn ci-hán mán yɔ hɔ̀n léyi kɛ hán ɛncɔnwrɔn-hi-bi-gbàn nɔn.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!