Efɛzɛ̀n anmàn-bɔ̀ 5:3 - Ɛmɛẅi ankà ankrànkràn 2003

³ Nyɛ́n dú Ɔwɔ-fɛcüè tɛn, hɩ le Kruhú de kè sɩ̀ zrɔ̀ tàn le, eci-gbangbàn-hán mɛ̀ntɛ mɛ̀ntɛ zriɛmɛ́n, ɛnbrámɛ̀n-ci mán ɔwrɔn-ci-vɛ̀-cüɛ̀n ci-hán kè dú nyɛ̀n ɛmɛ̀n nɔn.

Efɛzɛ̀n anmàn-bɔ̀ 5:3 Iomraidhean Croise

Matie 15:19

Ɔmuhi ankà-tro gbàngbàn hɔ̀n léyi ke dú ɔwrɔnẅì ɛnbɔrɛ mɛ̀n kɛ và nɔn de kɛ wá tán le ye wri ɔwrɔn, yɛ hán ɛnnyɔnwrɔn mán ɛncɔnwrɔn-bi-gbàn, yɛ hán eci gbàngbàn, ye yerɛ ɛci, yɛ ẅɛn ɛyɔ̀n ye ku ɔwrɔn ɛwú kɩ yɛ dɔ́ anwrɔn ankà gbàngbàn ɛmɛẅi.

Lükɛ̀n 12:15

Kɩ nɛ dɔ́ yɔ lɔ fɛn le: “Nyɛ́n wá esùva, nyɛ́n ẅɛn ny'edomɛ̀n nyɛ́n sɔhɔ́ ɛnnɛ̀ncüì-di-ankà wú, ɔmuhi, ɔwrɔnẅì wúvà annànwɔrɛ lɔ, ke sɩ̀ dù n'ɛci hɔ̀n léyi nɛ́n ẅɛ̀n nɔn hɩ wú, ke dú kɛ nɛ̀n di ɛnnɛ̀ncüì anvrɛnvrɛn mán.”

Lükɛ̀n 16:14

Ɔwɔ-nyanmàn-sùva-wá-bɔ̀ kɛ yá ankà ndɔ hɔ̀n léyi Zhezü kɛ dɔ̀ nɔn, kɩ yɔ hán nɛ̀n ɛnhyürɛ̀, ɔmuhi yɔ cüɛ́n ɔkùa nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:20

Tɛ́n bɔ̀ merɛ́n yɔ owrú bɔ̀ dɔ́ yɔ le, yɔ bɩ́ rá ɛnbramɛ̀n nɔ̀n léyi ye ce antɛ̀-buri-Wɔ nɔn, yɔ bɩ́ kɛ́n eci gbàngbàn ci-hán ɛsɛ̀n, ô yɔ bɩ́ rá annɔ̀n hɔ̀n léyi ye sɩ̀ wì esùva hɩ ye wri antamɛ̀n nɔn, yɔ bɩ́ mi ɔnɔ̀n krɛ̀ mán.

Ɔkɔ̀hɔ̀n-wá-bɔ̀ kɔ̀hɔ̀n hán 20:33

Ɔwrɔn ci: ɔkùa hô, ansɩ̀kɛ hô, edùku-ci hô, nzriɛmɛ́n kè sɩ̀ cüɛn mɛ̀n ɛvɛ̀.

Rɔmɛ̀n-anmàn-bɔ̀ 1:29

Ɛnyrɔn gbàngbàn mɛ̀ntɛ mɛ̀ntɛ yɩ́ y'edomɛ̀n, eci-gbangbàn-hán, ɔwrɔn ci ɛvɛ̀-cüɛ̀n, anbɔrɛ; ecüì-hi-kɔ̀n, ɔwrɔn wri ankà, ɛdrɛ̀-hán, anbrá-dì mán ɛfrɛ́n yɩ́ yɔ ɛnbɔrɛ mɛ̀n. Yɔ dɔ́ ɛyɔ̀n ankà

Rɔmɛ̀n-anmàn-bɔ̀ 16:2

Nyɛ́n ẅɛn nɛ̀n anvrɛnvrɛn Ɛẅɛnwrɔn bɩmɛ̀n, kɛ hán ɔmu le ke ji le yɛ hán ankaẅì-bùtan-ẅɛn-bɔ̀ granmɛ̀n, ô nyɛ́n wá nɛ̀n ɛkɔrɛ̀ eci lɔ fɛn mɛ̀n léyi ne ji ny'ɛkɔrɛ̀-wá nɔn. Ɔmuhi nɛ́n mumù mán, nɛ̀n wá anwrɔn bobrebe ɛkɔrɛ̀, annannan le mɛ̀n mán.

Rɔmɛ̀n-anmàn-bɔ̀ 6:13

Nyɛ́n bɩ́ vru bɩ́ ny'edùwrú yri hɔ̀n lɔ fɛn nyɛ́n wá ɛgbàn kɔ̀hɔ̀n-hán mɛ̀n. Tɛ́n nyɛ́n bɩ́ ny'edomɛ̀n nyɛ́n ce Ɔwɔ, kè dù kɛ̀ hán anwrɔn hɔ̀n léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô nyɛ́n bɩ́ ny'edùwrú mumù lɔ fɛn nyɛ́n wá ɔkɔ̀hɔ̀n léyi dú ɛnyrɔnnan-ci nɔn mɛ̀n.

1 Korɛntɛ̀n anmàn-bɔ̀ 10:8

Bɔ́ bɩ́ wá bɔ́ domɛ̀n wowie-kɔ̀hɔ̀n-hán mɛ̀n, hán ɔmu le y'ɛmɛ̀n lɔ ɛnjanbɔ̀ hán kɩ anwrɔn tɛ̀bru-kru-ɛẅia-anhɔ̀n bore ɛnbi zri kɩ nwù nɔn.

1 Korɛntɛ̀n anmàn-bɔ̀ 5:1

Yɛ yá yɛ dɔ́ ɛyri lɔ fɛn le, esùnan-gbàngbàn dú nyɛ̀n ɛmɛ̀n, esùnan-gbàngbàn vri tɔ̀n léyi anwrɔn hɔ̀n léyi kè sɩ̀ nyrì Ɔwɔ nɔn, ke sɩ̀ hán hɩ ci lɔ rɔ́: annanwɔrɛ mɛ̀n lɔ yɛ dɔ̀ le ny'ɛmɛ̀n lɔ, ɔwrɔn tɔ̀n mán nɛ́n zi hi mɛhi ndù!

1 Korɛntɛ̀n anmàn-bɔ̀ 6:13

Nye vru nyɛ dɔ̀ le: “Ɛci-zî dú ɛmɛ̀ntɛ̀ tɛn kɩ ɛmɛ̀ntɛ̀ dú ɛci-zî tɛn.” Hɛ̀ɛ̀, tɛ́n Ɔwɔ kɛ lɛ jrɛ́ yɔ lɔ fɛn. Tɛ́n ye sɩ̀ hàn edùwrú-ẅia, ô nɛ̀n dú ɛwúvà-gbàngbàn ci-hán mɛ̀n: nɛ̀n dú Ɛẅɛnwrɔn tɛn kɩ Ɛẅɛnwrɔn dú edùwrú tɛn.

1 Korɛntɛ̀n anmàn-bɔ̀ 6:18

Nyɛ́n srɛ́ cɔhɔ́ ɛwúvà-gbàngbàn-levri wú! Ɛgbàn nyàntɛn tɔ̀n léyi ɔwrɔn kɛ hán nɔn, ɛgbàn lɔ ke dú ɛntrɛ, tɛ́n ɔwrɔn léyi kɛ ẅɛn ɛwúvà-gbàngbàn nɔn, kɛ hán ɛgbàn ku nɛ́n dùku n'edùwru lɔ wú.

2 Korɛntɛ̀n anmàn-bɔ̀ 12:21

Mɛ ẅɛn ɛnjansù le m'ɛyri hɔ̀n lɔ mɛ̀n, m'Ɔwɔ kɛ lɛ trɔ mɛ̀n ezì ny'ezìwú, kɩ me le wú eyú mɛ̀n ku bobrebe hɔ̀n léyi dú ɛgbàn hán mɛ̀n nɔn ɛwú hán ɛnbiɛhɛ́n vra lɔ, kɩ yɔ sɩ̀ crɛ̀ ezì sɔhɔ́ ɛnbrá-ci-hán mɛ̀n, ɛwúvà gbàngbàn-ẅɛn mɛ̀n, mán ɛnkru-fé ci hɔ̀n léyi yɔ hán nɔn mɛ̀n.

Efɛzɛ̀n anmàn-bɔ̀ 5:12

Eci léyi anwrɔn janbɔ̀ kɛ hán ɛbán mɛ̀n nɔn, anvɛvrà ke sɩ́ tán n'anka-dɔ̀.

Efɛzɛ̀n anmàn-bɔ̀ 5:5

Nyɛ́n nyri anvrɛnvrɛn mɛ̀n le: eci-gbangbàn-hán-wrɔn zriɛmɛ́n, ɛnbrámɛ̀n-ci-hán-wrɔn zriɛmɛ́n mán kɔ̀tɛ́-wrɔn (ɔmuhi kɔ̀tɛ́ dú, antɛ̀-buri-ci-hán) ke sɩ̀ bru Krisì mán Ɔwɔ dúyri lɔ mrìmrì nɔn.

Filipɛ̀n anmàn-bɔ̀ 1:27

Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

Kɔlɔsèn anmàn-bɔ̀ 3:5

Nyɛ́n hán ɛci hɔ̀n lɔ fɛn léyi dú ɛnhibù wú ci nɔn, kè wú ny'ɛmɛ̀n: ɛwúvà gbàngbàn, ɛnbrámɛ̀n-ci, afùyà hɔ̀n, ankà-tro gbàngbàn mán kɔ̀tɛ (ɔmuhi kɔ̀tɛ dú antɛ̀-buri-sɛ̀n) nɔn.

1 Tesalonikɛ̀n anmàn-bɔ̀ 4:3

Nyàn eci léyi dú Ɔwɔ kɔrɛ̀-zì-ci-hán nɔn: ke ji le nyɛ́n dú prɔnprɔn mɛ̀n, ô nyɛ́n wá ny'edomɛ̀n esùva eci-gbangbàn-hán tɛ̀sɛ̀n.

1 Tesalonikɛ̀n anmàn-bɔ̀ 4:7

Ɔwɔ kè sɩ̀ bi bɔ̀, ô bɔ̀ dú ɛwúvà gbàngbàn-ẅɛn mɛ̀n, tɛ́n bɔ̀ dú prɔnprɔn mɛ̀n.

Kpàkpà timote 2:10

tɛ́n y'eci-hán kè dú anvrɛnvrɛn, kɛ̀ cá wúyɔ̀ hɔ̀n léyi ẅɛn Ɔwɔ wá nɔn.

Kpàkpà timote 3:3

ke sɩ́ ji le nɛ̀n dú ɛntàn-mi-wrɔn mán eji-kɔ́n-wrɔn, tɛ́n nɛ̀n dú ɛnbɔrɛ-wɔ-wrɔn, ô nɛ̀n hán anwɔwɔ kɔhɔ̀n; ɔkùa ke bɩ́ dú n'ɛvɛ̀-cüɛn-ci;

Kpàkpà timote 6:10

Ɔmuhi ɔkùa cüɛ̀n dú ɛgbànkàn mɛ̀ntɛ mɛ̀ntɛ lɔ fɛn y'annyràn nɔn. Anwrɔn janbɔ̀ ɔkùa-ji afuyà dú yɔ ɛnbɔrɛ mɛ̀n, hán tán kɩ yɔ dú ɛzrɛ́n mɛ̀n esù she, ankaẅìbùtan tɛ̀sɛ̀n kɩ yɔ bɩ́ ɛgbànkàn yɔ wá edòmɛ̀n.

Anhyrɛmɛ̀n timote 3:2

Annànwɔrɛ mɛ̀n lɔ, anwrɔnẅì kɛ lɛ ẅɛn kɔ̀tɛ́, yɔ lɛ srɔ ɔkùa nɛ́n nyran anvrɛn hɔ̀n, yɔ lɛ dú ɔmùan-gbú-bɔ̀ mán tùtre-bɔ̀; yɔ lɛ wɔra Ɔwɔ kɩ yɔ lɛ kɛ́n yɔ zi mán yɔ muan hɔ̀n ezì, yɔ sɩ̀ nyri anvrɛn, kɩ yɔ sɩ̀ ẅɛn eci prɔnprɔn wá;

Titɛ̀n 1:11

Ke ji le yɔ kɛ́n yɔ ankà-dɔ̀ anmùan mɛ̀n yɔ hɛ́n, ɔmuhi yɔ jrɛ́ ɛmɛ̀n bobrebe ɛnkruemɛ̀n kɩ yɔ yé ankà léyi ke sɩ́ ji le yɔ yé nɔn, kɩ yɔ hán ndɔ lɔ ɔkùa-yerɛ kɔ̀hɔ̀n kruhú.

Titɛ̀n 1:7

Annànwɔrɛ mɛ̀n lɔ Ɔwɔ-wrɔn cüìcüì dú Ɔwrɔn léyi kɛ bɔsɔ Ɔwɔ ci hɔ̀n lɔ fɛn anvrɛnvrɛn mɛ̀n; kɩ ke sɩ́ ji le yɛ cɔ́ eci-hán gbàngbàn zriɛmɛ́n n'ɛwú, nɛ́n bɩ́ hán ɛvrivri ci, nɛ́n dú ɛmɛ̀nhyɩ̀-bɩ́-wrɔn, nɛ́n dú ɛntàn-mi-wrɔn, nɛ́n dú eji-kɔ́n-wrɔn, nɛ́n dú ɔkùa-yerɛ kɔ̀hɔ̀n-hán-wrɔn.

Titɛ̀n 2:3

Ɔmu zri lɔ, ɛ̀ dɔ́ nɛ̀ngbànvri-wúyɔ̀ hɔ̀n le, y'esùnansù kè dú prɔnprɔn mɛ̀n. Ke sɩ́ ji le ye dú ɛdrɛ̀-hán-wúyɔ̀ mán ɛntàn wɔ̀n-hi hɔ̀n. Ke ji le yɔ woro ankà ankrankran yɔ yé anwrɔn,

Ebre-bɔ̀ 12:16

Ɔwrɔn zriɛmɛ́n ny'ɛmɛ̀n lɔ ke bɩ́ ẅɛn eci-hán gbàngbàn ankàtro, ɔwrɔn zriɛmɛ́n ke bɩ́ ẅɛn egbrì ɛci prɔnprɔn hɔ̀n wú, hán Ezàhü léyi ɛcizî zri kruhú hɛ́ n'ecüìcüì-dì lɔ nɔn.

1 Piɛrɛ̀n 5:2

nyɛ́n wá esùva kɛ̀ hán annɔn-kua-bɔ̀ léyi Ɔwɔ bɩ́ nɛ́n kɔ̀kɔ̀sɛ̀-kà wá antamɛ̀n nɔn, nyɛ́n wá nɛ̀n esùvá kɩ kè sɩ̀ dù kèkrèmɛ̀n, tɛ́n ɛnbɔrɛ ankrankran mɛ̀n, hán ɔmu le Ɔwɔ ke ji nɔn. Nyɛ́n hán eci ke bɩ́ dú ɔkùa jiemɛ̀n, tɛ́n ɛnbɔrɛ ankrankran mɛ̀n.

2 Piɛrɛ̀n 2:10

anwrɔn hɔ̀n léyi kɛ kɛ́n yɔ dùku y'ɛnbrá mɛ̀n ankàtro ɛsɛ̀n kɩ ke gbri Ɔwɔ kɔrɛ̀levri ci nɔn, nɛ lɛ hán yɔ ɛgbàn. Ɛyɔ̀n ankà-yé-bɔ̀ ndɔ hɔ̀n lɔ ẅɛn tùtre mán ɛgbugbu, yɔ sɩ̀ ẅɛ̀n ɔwá zriɛmɛ́n kè dù eci-zrɔ hɛ́n hɔ̀n léyi dú anhobɩ́ nɔn tɛn, tɛ́n yɔ wora anhɛ́n hɔ̀n lɔ.

2 Piɛrɛ̀n 2:14

Ɛncɔnwrɔn-hi-bi-gbàn yɩ́ y'anvɛ̀ lɔ mɛ̀n; ɛgbàn hán ke sɩ́ fɔ́n yɔ. Ɛjɛ-bɔ̀ ke bru y'antanwrɔn lɔ mɛ̀n. Ɔkùa cɔ́ ankà, wá ɛnhyà y'ɛnbɔrɛ lɔ mɛ̀n. Ɔwɔ ẅiɛ̀-dà dú yɔ ɛwú!

2 Piɛrɛ̀n 2:3

Ɔkua cüɛ̀n kruhú ɛyɔ̀n ankà-yé-bɔ̀ ndɔ hɔ̀n lɔ kɛ lɛ frɛ́n nyɛ̀n y'ɛyɔ̀n ankà dɔ́ mɛ̀n. Tɛ́n ɛnvra sheshe mɛ̀n de yɔ nwù-bɔ̀ krɔn kpehɛ́n hɛ́n, kɩ y'ɛjrɛ́ mán ke sɩ̀ mɔ̀ɛn!

Ɔwɔ-mɛ̀n-yrikàn 2:14

Tɛ́n, mɛ̀n ẅɛn ebrè jan me le di mɛ́n: ɛ̀ ẅɛn anwrɔn dú mɛ́n ɛbemɛ̀n kɛ hán Balaamɛ̀n wɔ kɔ̀hɔ̀n. Ɔwrɔn ndɔ lɔ kɛ wá balakɛ̀n ankà kɛ̀ krɔn Izraɛlɛ̀n ẅì hɔ̀n antawrɔn, ô yɔ rá ecice nɔ̀n léyi yɛ tán antɛ̀buri-wɔ, kɩ kɛ wá tán yɔ yɔ hán eci-gbàngbàn kɔ̀hɔ̀n.

Ɔwɔ-mɛ̀n-yrikàn 2:21

Mɛ̀n tán nɛ̀n ɛnvra, ô nɛ̀n crɔn n'eci-hán-ci, tɛ́n nɛ́n sɩ́ ji nɛ̀n crɛ́ ejüi nɛ̀n sɔ́n n'eci-gbàngbàn hán lɔ.

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!

Ɔwɔ-mɛ̀n-yrikàn 9:21

Yɔ sɩ̀ tezɛ̀ y'anwrɔn wrì ankà, yɔ seke kɔ̀hɔ̀n-hán, y'esùnan gbàngbàn ci-hán mán y'ɛci-yerɛ kɔ̀hɔ̀n-hán.