Efɛzɛ̀n anmàn-bɔ̀ 5:26 - Ɛmɛẅi ankà ankrànkràn 2003

²⁶ Nɛ̀n ji ɔmu lɔ hán, ô Ɔwɔ-fɛcüè kè dú Ɔwɔ tɛn annanwɔrɛ, ɛnvra léyi nɛ̀n bɩ́ ɛnshi mán ankà-dɔ̀ nɛ̀n fí yi edomɛ̀n nɔn;

Efɛzɛ̀n anmàn-bɔ̀ 5:26 Iomraidhean Croise

Zhan 13:10

Zhezü kɛ dɔ́ nɛ̀n le: “Ɔwrɔn léyi jrɔ́ ɛnshi nɔn, ke sɩ̀ vru jrɔ́ ɛnshiɛ, tɛ́n annan tɛ̀kɩ, ɔmuhi edomɛ̀n fi nɛ̀n ɛyri lɔ fɛn nɔn. Edomɛ̀n fi nyɛ̀n, tɛ́n ke sɩ̀ dù nyɛ lɛ fɛn.”

Zhan 15:3

Ankà hɔ̀n léyi mɛ̀n yé nyɛ̀n nɔn, gɔ́ srɔ nyɛ̀n anwrɔn fifi.

Zhan 15:8

Nyàn ɔmu le Dade ci-zrɔ lɔ ke yé n'edòmɛ̀n nɔn: ɛnvra léyi nye shi ɛẅì bobrebe kɩ nye yé le nyɛ́n dú m'ɛsɛnkɛn-bɔ̀ nɔn.

Zhan 17:7

Zɛtɛ̀ lɔ, yɔ nyri ɔmu le eci léyi ɛ̀ tán mɛ̀n nɔn v'eyri de ndù nvà nɔn,

Zhan 3:5

Zhezü mrɛ́n ɔmùan le: “Hɛ̀ɛ̀, mɛ dɔ́ mɛ́n annanwɔrɛ mɛ̀n le: ɔwrɔn zriɛmɛ́n ke sɩ̀ bru Anhobɩ́ Nɛ̀ncüì-dúyri ke dú kɛ ye sɩ̀ sàn bî nɛ̀n ɛnshiemɛ̀n mán Ɛnhɛ́n Prɔnprɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 22:16

Kɩ zɛtɛ̀ lɔ, cɛci kruhú kɛ è vru ɛ vrá? Tɔhú, è bɩ́ n'ebɩ lɔ, ɛ lɛ cɔ́ ɛnshi-kruwá, kɩ v'ɛgbàn hɔ̀n lɔ ke le juru sɔhɔ́ mɛ́n edomɛ̀n.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 10:8

Zɛtɛn ankà tán yɛ dɔ̀a? Ankà ndɔ lɔ: “Ankà-dɔ̀ nyɔn mɛ́n ɛtɛ̀sɛ̀n, v'anmùan mɛ̀n mán v'ɛnbɔrɛ mɛ̀n.” Ankà-dɔ̀ ndɔ lɔ dú ankaẅì-bùtan mɛẅi ankà léyi bɔ́ dɔ̀ nɔn.

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

2 Korɛntɛ̀n anmàn-bɔ̀ 11:2

Mɛ kɔ́n ecüì-hi ny'ɛwú ecüì-hi-kɔ̀n tɔ̀n léyi dú Ɔwɔ yri nvà nɔn: mɛ̀n wá nyɛ̀n eyiri-mùan ɛncɔnwrɔn zri yri, Krisì, kɩ me ji mɛ̀n bɩ́ nyɛ̀n mɛ̀n yé nɛ̀n kɛ hán ɛnnyrɔnẅì tɔ̀n léyi nfì, kè sɩ̀ nyrì ɛncɔnwrɔn ankà nɔn.

Efɛzɛ̀n anmàn-bɔ̀ 6:17

Nyɛ́n bɩ́ ɛnkrukɔrɛ̀ kè dú ny'ɛnkplo, ô Ɔwɔ mùan-ankà kè dú ny'anhà-kɔ́n-nyan she léyi Ɛnhɛ́n Prɔnprɔn tán nɔn.

Kɔlɔsèn anmàn-bɔ̀ 3:16

Ke ji le Krisì mùan-ankà-dɔ̀ mán n'ecüì-nɛ̀ncüì-dì lɔ fɛn, kɛ̀ sɔ́n ebɩ́ ny'ɛmɛ̀n. Nyɛ́n yé ny'edomɛ̀n ankà, ô nyɛ́n bi-dɔ́ ny'edomɛ̀n ankà-nyrì anvrɛnvrɛn mɛ̀n. Nyɛ́n bɩ́ ny'ɛnbɔrɛ lɔ fɛn mán ny'enyri-kùɛn-tán, nyɛ́n krɛ́ ɛmrɛ́n cɔ̀ mán eci-zrɔ cɔ̀ hɔ̀n léyi Ɛnhɛ́n Prɔnprɔn wá nyɛ̀n ɛnbɔrɛ mɛ̀n nɔn, nyɛ́n tán Ɔwɔ.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Ebre-bɔ̀ 10:10

Zhezü Krisì hán Ɔwɔ kɔrɛ̀zì-ci; nɛ̀n bɩ́ nɛ́n dùku n'edomɛ̀n nɛ̀n ce ɛdɛ̀n zri brɛzri, kɩ ɔmu lɔ de ye jru bɔ̀ ɛgbàn edomɛ̀n yɛ sɔhɔ́ nɔn.

Ebre-bɔ̀ 10:14

Ɔmu lɔ de ecice dɛ̀n zri mɛ̀n, nɛ̀n srɔ anwrɔnẅì anwrɔn ankrankran, kè dú ɛnvra lɔ fɛn, yɔ léyi nɛ̀n jru yɔ ɛgbàn edomɛ̀n nɛ̀n sɔhɔ́ nɔn.

Ebre-bɔ̀ 10:22

Zɛtɛn bɔ̀ sɔ̀nba Ɔwɔ ɛtɛ̀sɛ̀n ɛnbɔrɛ zriemɛ̀n mán esɛ́ mɛ̀n; bɔ̀ bɩ́ ɛnbɔrɛ fifi léyi ankàtro gbangbàn cɔhɔ́ ɛmɛ̀n, mán edùwru léyi ye bɩ́ ɛnshi fifi ye jru nɔn.

Ebre-bɔ̀ 10:29

Zɛtɛn, anhɔntan de kɛ lɛ hán kè dù tán ɔwrɔn léyi kɛ ẅɛn Ɔwɔ Ẅì gbrì, kɩ ke bɩ́ nɛ́n mìrɛ̀n-krɛ̀ léyi hɩ ɛmɛ̀n nɛ̀n cɔ́ edòmɛ̀n fí, kɩ kɛ wɔra Ɛnhɛ́n Prɔnprɔn léyi dú boafɔ̀n shibɛ́, hɩ ke bɩ́ nɛ̀n kɛ srɔ eci woro nɛ́n? Nyɛ́n ku anvɛ̀ nyɛ́n nyan ɛgbàn ẅɔ̀ɛn-dì vri shishi léyi ke le dú nɛ tɛn nɔn!

Ebre-bɔ̀ 13:12

Hɩ le kruhú de Zhezü mán wú anmàn mɛẅi, ô nɛ̀n fi fɛcüè edomɛ̀n nɛ́n dùku n'ɛnkrɛ̀ lɔ mɛ̀n.

Ebre-bɔ̀ 4:12

Annanworɛ mɛ̀n Ɔwɔ mùan ankà-dɔ̀ dú ankɔrɛkɔrɛ kɩ ẅɛn vɔ̀nshɛ́. Ne wì kɛ vrán anhà-kɔ́n-nyan-she totɔtɔ̀n léyi ẅɛn ezì anhyrɛ̀ nɔn. Nɛ hɔ̀n hàn mán nɛ cɔ́ ɛyri léyi nɛ gbɛ́ wàwúyɛ mán ɛnhɛ́n angranmɛ̀n, ɛsrú-yrí mán ɛnkru-shi-wɔ̀ mɛ̀n. Ne cí ɔwrɔnẅì cüɛn-ci hɔ̀n mán n'ɛnbɔrɛ mɛ̀n ankàtro hɔ̀n ɛmrɛ̀n.

Ebre-bɔ̀ 9:14

Ke dú ɔmu lɔ de ndù nɔn hô, andɛ̀n ɛ̀bɛ́ de Krisì krɛ̀ lɔ kɛ lɛ ẅɛn vɔnshɛ́! Ɛnhɛ́n léyi kè sɩ̀ ẅɛ̀n ɔtrɔ nɔn, n'ecüiemɛ̀n de nɛ̀n bɩ́ nɛ́n dùku n'edomɛ̀n nɛ̀n ce Ɔwɔ, dú nmù sà cice. N'ɛnkrɛ̀ ke le fi bɔ́ wàwúyɛ lɔ n'ɛci-hán gbàngbàn hɔ̀n lɔ mɛ̀n, ô Ɔwɔ kɔrɛkɔrɛ lɔ, bɔ́ dú n'eci-bɩ̀tan-bɔ̀.

Zhakɛ̀n 1:18

N'ɛnbɔrɛ ankrankran mɛ̀n, nɛ̀n tán bɔ̀ ɛwúvà-kɔrɛ̀, nɛ́n annanwɔrɛ ankà-dɔ́ mɛ̀n, ô bɔ̀ dú ɛnvrakpà-bɔ̀ n'ɛci lɔ fɛn léyi nɛ̀n hán nɔn mɛ̀n.

1 Piɛrɛ̀n 1:2

Ɔwɔ Zi mrɛ́n nyɛ̀n nbɩ hán ɔmu le nɛ́n gɔ̀ wá n'ankɔ́nda ci-hán mɛ̀n nɛ̀n hɛ́n; nɛ̀n mrɛ́n nyɛ̀n nɛ̀n hɛ́n ɔhɔ́nan, Ɛnhɛ́n Prɔnprɔn kɔrɛ̀levriemɛ̀n, ô nyɛ́n ẅɛn Zhezü Krisì wá, ô n'ɛnkrɛ̀ kè fi nyɛ̀n edomɛ̀n. Ɔwɔ kɛ̀ tán nyɛ̀n nboafɔ̀n mán anwɔwɔ bobrebe.

1 Piɛrɛ̀n 3:21

Ndɔ lɔ de ke yé bɔ̀ ɛnshi-kruwá picɛ̀ léyi kɛ tán bɔ̀ ebɩdie zɛtɛ̀ lɔ nɔn; ɛnshi-kru-wá ndɔ lɔ, kè sɩ̀ dù eci léyi ke jru bɔ̀ ɛnbrá edomɛ̀n nɔn, tɛ́n kɛ sán Ɔwɔ wàwúyɛ fifi. Ne bɩ́ bɔ̀ die Zhezü Krisì owúemɛ̀n-dùfrɔ́ lɔ n'ɛnboafɔ̀n mɛ̀n,

2 Piɛrɛ̀n 1:9

Tɛ́n ɔwrɔn léyi kè sɩ̀ ẅɛ̀n eci-hán ndɔ lɔ nɔn, anvɛ̀ ke sɩ́ kán nɛ̀n ɛyri esùshe, kɩ nɛ́n dù nɛ̀n hán anvɛ̀-boyɛ-wrɔn hɔ́; esùva yru nɛ̀n le, ye jru nɛ̀n ɛnbiɛhɛ́n gbàn edomɛ̀n yɛ sɔhɔ́.

1 Zhan 5:6

Zhezü Krisì dú ɔwrɔn léyi nvà nɔn; nɛ́n và nɛ́n mán n'ɛnshi-kruwa shi mán n'owú krɛ̀ mɛhi. Nɛ́n và, nɛ̀n sɩ̀ sɩ̀ ɛnshi zri kɩ, tɛ́n nɛ̀n sɩ́ ɛnshi mán ɛnkrɛ̀ mɛhi. Kɩ Ɛnhɛ́n Prɔnprɔn di dalɛfuɛ le, ndɔ lɔ dú annanwɔrɛ, ɔmuhi Ɛnhɛ́n dú ankà annawɔrɛ nɔn:

Zhüdɛ̀n 1:1

Ebinyan ndɔ lɔ dú Zhüdɛ̀n yri kɛ và, nɛ́n léyi nɛ̀n dú Zhezü Krisì ci-bɩ̀tan-wrɔn mán Zhakɛ̀n nɛ́n muanẅì nɔn. Ebinyan zri lɔ dú anwrɔn hɔ̀n léyi Ɔwɔ bi, hɩ nɛ́n Ɔwɔ Zi nɛ cüɛ̀n, kɩ Zhezü-Krisì kɛ wá yɔ esùva nɔn tɛn: