Efɛzɛ̀n anmàn-bɔ̀ 5:25 - Ɛmɛẅi ankà ankrànkràn 2003

²⁵ Wúcɔ̀, nyɛ́n cüɛ́n nyɛ́n hi hɔ̀n hán ɔmu le Krisì cüɛn Ɔwɔ-fɛcüè hàn mán bɩ́ n'ɛwúvà lɔ tán nɛ̀n nɔn.

Efɛzɛ̀n anmàn-bɔ̀ 5:25 Iomraidhean Croise

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Zhan 6:51

Mɛ̀n dú ɛci-zî kɔrɛkɔrɛ léyi dú anhobɩ́ kakɛ nɔn. Ke dú kɛ, ɔwrɔn ke zî ɛci ndɔ lɔ, ne le dú ɔkɔrɛ mɛ̀n ɛnvra lɔ fɛn. Ɛci-zî léyi mɛ lɛ tán nɔn dú m'edùwrú; mɛ tán ɛci-zî ndɔ lɔ hô, ɛnhibù ke dú ɔkɔrɛ mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Galasi anmàn-bɔ̀ 1:4

Krisì dùku bɩ́ n'edomɛ̀n tán, ô bɔ̀ cɔ́ ɛgbàn-bɩ̀-ce, ô nɛ̀n ẅɛn bɔ̀ ɛnhibù wú ci gbàngbàn kɔrɛ̀srɔn wú nɛ̀n sɔhɔ́, hán ɔmu le dú bɔ́ Zi Ɔwɔ kɔrɛ̀zì-ci nɔn.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Efɛzɛ̀n anmàn-bɔ̀ 5:24

Ke ji le, eci lɔ fɛn mɛ̀n, wúyɔ̀ kè sɩ́ y'edomɛ̀n ɛnhi kɛ̀ tán yɔ cüì hɔ̀n, hán ɔmu le Ɔwɔ-fɛcüè ke sɩ́ n'edomɛ̀n ɛnhi kɛ tán Krisì nɔn hɔ́.

Efɛzɛ̀n anmàn-bɔ̀ 5:28

Ke ji le wúcɔ̀ kɛ̀ cüɛn yɔ hi hɔ̀n hán ɔmu le yɔ cüɛn yɔ dùku y'edùwrú lɔ nɔn. Ɔwrɔn léyi kɛ cüɛn nɛ́n hi nɔn, nɛ cüɛn n'edòmɛ̀n.

Efɛzɛ̀n anmàn-bɔ̀ 5:33

Tɛ́n kɛ crɛ nyán nyɛ́n mán: ke ji le ɛncɔnwrɔn kɛ̀ cüɛn nɛ́n hi kɛ hán nɛ́n dùku hɔ́, ô ɛnnyɔnwrɔn mán kɛ wá nɛ́n cüì.

Kɔlɔsèn anmàn-bɔ̀ 3:19

Wúcɔ̀, nyɛ́n cüɛn nyɛ́n hi hɔ̀n, ô nyɛ́n bɩ́ yé yɔ ezì gbàngbàn.

Kpàkpà timote 2:6

léyi srɔ n'edomɛ̀n anwɔba-ci, ô nɛ̀n srú bɔ́ lɛ fɛn nɛ̀n die. Ɔmu lɔ de ɛnvra léyi yɛ wá nɔn, nɛ̀n yé tán le, Ɔwɔ ke ji le anwrɔnẅì lɔ fɛn kɛ̀ cɔ́ ebɩdie nɔn.

1 Piɛrɛ̀n 3:7

Nyɛ́n mán, wúcɔ̀, nyɛ́n yɛ́ nyɛ́n mán nyɛ́n hi hɔ̀n mɛhi, ô nyɛ́n nyri ɔmu le y'edùwru lɔ dú ɔbɔ̀sɔ-ci; nyɛ́n hán yɔ eci ɔwá mɛ̀n, ɔmuhi yɔ mán nyɛ́n mɛhi nyɛ lɛ cɔ́ ɛkɔrɛwá léyi dú annanwɔrɛ wúvà léyi Ɔwɔ kɛ tán nɔn mɛ̀n. Nyɛ́n hán ɔmu lɔ, ô eci zriɛmɛ́n ke bɩ́ wá ny'Ɔwɔ-sɛ̀n hɔ̀n lɔ ejüe.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.