Efɛzɛ̀n anmàn-bɔ̀ 5:24 - Ɛmɛẅi ankà ankrànkràn 2003

²⁴ Ke ji le, eci lɔ fɛn mɛ̀n, wúyɔ̀ kè sɩ́ y'edomɛ̀n ɛnhi kɛ̀ tán yɔ cüì hɔ̀n, hán ɔmu le Ɔwɔ-fɛcüè ke sɩ́ n'edomɛ̀n ɛnhi kɛ tán Krisì nɔn hɔ́.

Efɛzɛ̀n anmàn-bɔ̀ 5:24 Iomraidhean Croise

Lükɛ̀n 10:17

Ɔkɔhɔ̀n-wá-bɔ̀ ɛkoẅi-anhɔ̀n mán ɛẅì ɛvà-anhyrɛ̀ lɔ vru ɛmɛẅí và pɔpüɛ̀ kɛ brà kɩ kɛ dɔ̀ le: “Ɛẅɛnwrɔn, anhɛ́n gbangbàn hɔ̀n mán ke die bɔ̀ nukù, ɛnvra léyi bɔ̀ wá ɛnyanmàn tán yɔ v'ebɩmɛ̀n nɔn!”

Efɛzɛ̀n anmàn-bɔ̀ 5:23

Ɔmuhi ɛncɔnwrɔn dú nɛ́n hi fra-wrɔn, hán ɔmu le Krisì dú Ɔwɔ-fɛcüe-bɔ̀ fra-wrɔn hɔ́ nɔn. Krisì dú annanwɔrɛ mɛ̀n lɔ, Ɔwɔ-fɛcüè léyi dú n'edùwrú nɔn, n'ebɩ̀die-wrɔn.

Efɛzɛ̀n anmàn-bɔ̀ 5:25

Wúcɔ̀, nyɛ́n cüɛ́n nyɛ́n hi hɔ̀n hán ɔmu le Krisì cüɛn Ɔwɔ-fɛcüè hàn mán bɩ́ n'ɛwúvà lɔ tán nɛ̀n nɔn.

Efɛzɛ̀n anmàn-bɔ̀ 5:33

Tɛ́n kɛ crɛ nyán nyɛ́n mán: ke ji le ɛncɔnwrɔn kɛ̀ cüɛn nɛ́n hi kɛ hán nɛ́n dùku hɔ́, ô ɛnnyɔnwrɔn mán kɛ wá nɛ́n cüì.

Kɔlɔsèn anmàn-bɔ̀ 3:20

Ɛẅì hɔ̀n, eci lɔ fɛn mɛ̀n, nyɛ́n wá nyɛ́n zi hɔ̀n mán nyɛ́n muan hɔ̀n, ɔmuhi nyàn eci léyi Ɛẅɛnwrɔn kɛ cüɛ̀n nɔn.

Kɔlɔsèn anmàn-bɔ̀ 3:22

Anwɔ̀n-bɔ̀, eci lɔ fɛn mɛ̀n, nyɛ́n wá ny'ankà-yé-bɔ̀ léyi dú ɛnu ɛnhibù wú nɔn. Nyɛ́n bɩ́ hán eci lɔ ɛnvra léyi yɛ nán nyɛ̀n nɔn kɩ, ô yɔ cüɛn nyɛ̀n; tɛ́n nyɛ́n hán nɛ̀n ɛnbɔrɛ zri mɛ̀n anvrɛnvrɛn mɛ̀n, ɛwá léyi nyɛ́n ẅɛn Ɛẅɛnwrɔn wú nɔn, hɩ kruhú.

Titɛ̀n 2:7

Vɛ́n dùku mán ke ji le è dú sɛnpò v'eci-ankrànkràn-hán mɛ̀n. V'eci-yé kè dú ɔmùan-zri mán anvrɛnvrɛn.

Titɛ̀n 2:9

Ke ji le anwɔ̀n-bɔ̀ kè die y'ɛẅɛn-bɔ̀ nukùɛ eci lɔ fɛn mɛ̀n, ô yɔ hán eci kɛ̀ zrɔ y'ɛẅɛn-bɔ̀. Ke sɩ́ ji le yɔ tú yɔ ɔmùan,