Efɛzɛ̀n anmàn-bɔ̀ 5:23 - Ɛmɛẅi ankà ankrànkràn 2003

²³ Ɔmuhi ɛncɔnwrɔn dú nɛ́n hi fra-wrɔn, hán ɔmu le Krisì dú Ɔwɔ-fɛcüe-bɔ̀ fra-wrɔn hɔ́ nɔn. Krisì dú annanwɔrɛ mɛ̀n lɔ, Ɔwɔ-fɛcüè léyi dú n'edùwrú nɔn, n'ebɩ̀die-wrɔn.

Efɛzɛ̀n anmàn-bɔ̀ 5:23 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

1 Korɛntɛ̀n anmàn-bɔ̀ 6:13

Nye vru nyɛ dɔ̀ le: “Ɛci-zî dú ɛmɛ̀ntɛ̀ tɛn kɩ ɛmɛ̀ntɛ̀ dú ɛci-zî tɛn.” Hɛ̀ɛ̀, tɛ́n Ɔwɔ kɛ lɛ jrɛ́ yɔ lɔ fɛn. Tɛ́n ye sɩ̀ hàn edùwrú-ẅia, ô nɛ̀n dú ɛwúvà-gbàngbàn ci-hán mɛ̀n: nɛ̀n dú Ɛẅɛnwrɔn tɛn kɩ Ɛẅɛnwrɔn dú edùwrú tɛn.

Efɛzɛ̀n anmàn-bɔ̀ 4:15

Tɛ́n, annanwɔrɛ ankà-dɔ́ mɛ̀n mán ɛcüɛn mɛ̀n, bɔ́ lɛ sɔ́ eci lɔ fɛn mɛ̀n, Krisì léyi dú ɛnkru nɔn n'ɛtɛ̀sɛ̀n hɔ́n mɛ̀n.

Efɛzɛ̀n anmàn-bɔ̀ 5:24

Ke ji le, eci lɔ fɛn mɛ̀n, wúyɔ̀ kè sɩ́ y'edomɛ̀n ɛnhi kɛ̀ tán yɔ cüì hɔ̀n, hán ɔmu le Ɔwɔ-fɛcüè ke sɩ́ n'edomɛ̀n ɛnhi kɛ tán Krisì nɔn hɔ́.

Kɔlɔsèn anmàn-bɔ̀ 1:18

Ɔwɔ-fɛcüè-bɔ̀ léyi ndù hán edùwrú hɔ́ nɔn, nɛ̀n dú y'ɛnkru; n'ɛmɛ̀n de ɛwúvà wrù kɛ bukru nɔn, nɛ̀n dú ɛnvrapkà-bî-ẅì, ɛnvrapkà-wrɔn léyi vru vá ɔkɔrɛ-bɔ̀ mɛ̀n, ô eci lɔ fɛn mɛ̀n lɔ nɛ̀n ẅɛn ɛnvrapkà yɛ́yri.

1 Tesalonikɛ̀n anmàn-bɔ̀ 1:10

Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

Ɔwɔ-mɛ̀n-yrikàn 19:7

Pɔpüɛ̀ kɛ̀ brá bɔ̀, ô bɔ̀ dú ɛnbɔrɛbruemɛ̀n, bɔ̀ tán nɛ̀n eci-zrɔ! Ɔmuhi Ɔwɔ Kɔ̀kɔ̀sɛ̀-ẅì yiri-koran-ci-zî vrá cɔ̀a, kɩ nɛ́n hi krɔn kpehɛ́n.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.