Efɛzɛ̀n anmàn-bɔ̀ 5:21 - Ɛmɛẅi ankà ankrànkràn 200321 Nyɛ́n sɩ́ ny'edomɛ̀n ɛnhi nyɛ́n tán ny'edomɛ̀n, Krisì wá léyi nyɛ́n ẅɛ̀n nɔn hɩ kruhú. Faic an caibideil |
Tɛ́n, nyɛ tɛn, anwrɔn-nɛ́n-muan-ẅì hɔ̀n, ye bi nyɛ̀n ô nyɛ́n ẅɛn ny'edomɛ̀n. Tɛ́n nyɛ́n bɩ bɩ́ ny'edomɛ̀n-ẅɛ̀n ndɔ lɔ nyɛ́n srɔ ɛkɔrɛ̀-levri ci, ô nyɛ́n hán ny'ɛnkruemɛ̀n ci léyi ny'ɛwúvà mumù lɔ ke ji nɔn. Tɛ́n nyɛ́n teze ny'edomɛ̀n nyɛ́n tán ɛcüɛ̀n, ô nyɛ́n dú nyɛ́n dùku ny'eci-bɩ̀tan kɔhɔ̀n mɛ̀n.
Nyɛ́n die ny'ɛnyrɔnnan-bɔ̀ nukùɛ, ô nyɛ́n sɩ́ ny'edomɛ̀n ɛnhi nyɛ́n tán yɔ. Annanwɔrɛ mɛ̀n lɔ, yɔ dú bɔ́ ɛnán mɛ̀n ɛnbì lɔ fɛn, ɔmuhi yɔ ẅɛn eci-krɛ̀ yɔ mán Ɔwɔ mɛhi nɔn. Nyɛ́n hán tán, ô yɔ cɔ́ y'ɔkɔ̀hɔ̀n lɔ n'ɛhán-yri pɔpüɛ̀ mɛ̀n, kɩ ke bɩ́ dú obòto mɛ̀n, eci-hán ndɔ lɔ ke sɩ̀ sɩ́ nyɛ̀n vɔ̀nshɛ́ zriɛmɛ́n.
Ɔmu zri lɔ, sùgban-bɔ̀, nyɛ́n sɩ́ ny'edomɛ̀n ɛnhi nyɛ́n tán anwrɔn hɔ̀n léyi dú nyɛ̀n ɛcüìcüì nɔn. Kɩ nyɛ lɛ fɛn lɔ nyɛ́n ẅɛn edomɛ̀n-hi-sɩ́ ci edomɛ̀n nyɛ́n mán nyɛ́n nyran hɔ̀n mɛhi ny'ankà-dɔ́ mɛ̀n, ɔmuhi Owrú Prɔnprɔn kɛ dɔ̀ le: “Ɔwɔ kɛ kɛ́n tùtre-bɔ̀ ezì, tɛ́n nɛ̀n ẅɛn ɛnbɔrɛ wɔwɔ edomɛ̀n-hi-sɩ́-bɔ̀ tɛsɛ̀n.”