Efɛzɛ̀n anmàn-bɔ̀ 5:20 - Ɛmɛẅi ankà ankrànkràn 2003

²⁰ Nyɛ́n tán Ɔwɔ Zi ɔkùɛn ɛnvra lɔ fɛn mán eci lɔ fɛn mɛ̀n, bɔ́ Ɛẅɛnwrɔn Zhezü Krisì bɩmɛ̀n.

Efɛzɛ̀n anmàn-bɔ̀ 5:20 Iomraidhean Croise

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:41

Ɔkɔ̀hɔ̀n-wá-bɔ̀ lɔ cɔhɔ́ ankà-dɔ̀-trɔ-bɔ̀ mrɛ̀ncì zìwú, yɔ dú pɔpüɛ̀-brá mɛ̀n, ɔmuhi Ɔwɔ ci yɔ ɛmrɛ̀n le, yɔ kán ɛgbàn Zhezü bɩmɛ̀n nɔn.

Rɔmɛ̀n-anmàn-bɔ̀ 1:8

Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn.

1 Korɛntɛ̀n anmàn-bɔ̀ 1:4

Mɛ tán m'Ɔwɔ ɔkùɛn ɛnvra lɔ fɛn ny'ɛkruhú, nboafɔ̀n léyi nɛ̀n tán nyɛ̀n Zhezü Krisì bɩmɛ̀n nɔn.

1 Korɛntɛ̀n anmàn-bɔ̀ 15:24

Zɛtɛn ɛmɛẅitrɔ vra kɛ lɛ cɔ̀: Krisì kɛ lɛ jrɛ́ ɛkɔrɛ̀levri lɔ fɛn, ɛkɔrɛ̀levri-yri-ẅɛ̀n lɔ fɛn mán ɛnhɛ́n mɛ̀n kɔrɛ̀srɔn lɔ fɛn, kɩ ne le bɩ́ Ɛnnɛ̀ncüì-dúyri lɔ nɛ̀n wá nɛ́n Zi Ɔwɔ antamɛ̀n.

Efɛzɛ̀n anmàn-bɔ̀ 5:4

Kè sɩ̀ zrɔ̀ tán le nyɛ́n vru nyɛ́n dɔ́ ankà hɔ̀n léyi dú ɛnbrámɛ̀n-ci-hán ankà hɩ ẅɛn nyrànnyràn nɔn. Zrɔ tán le nyɛ́n hán ɛnyri-kùɛn-tán Wɔ-sɛ̀n.

Filipɛ̀n anmàn-bɔ̀ 1:3

Mɛ tán m'Ɔwɔ ɔkùɛn ɛnvra totɔtɔ̀n léyi me tro ny'ankà nɔn.

Filipɛ̀n anmàn-bɔ̀ 4:6

Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.

Kɔlɔsèn anmàn-bɔ̀ 3:17

Eci lɔ fɛn léyi nyɛ hán, ankà-dɔ́ mɛ̀n, eci-hán mɛ̀n, nyɛ́n hán nɛ̀n Ɛẅɛnwrɔn Zhezü bɩmɛ̀n, ô ny'Ɔwɔ kùɛn-tán kè ci n'eyri.

1 Tesalonikɛ̀n anmàn-bɔ̀ 3:9

Anwɔntan de bɔ́ lɛ hán bɔ̀ tán b'Ɔwɔ ɔkùɛn anvrɛnvrɛn ny'ɛwú, ɔmuhi nyɛ́n tán bɔ̀ pɔpüɛ̀-brà lɔ fɛn n'ezìwú nɛ́n?

1 Tesalonikɛ̀n anmàn-bɔ̀ 5:18

nyɛ́n tán Ɔwɔ ɔkùɛn eci lɔ fɛn mɛ̀n. Nyàn eci léyi Ɔwɔ ke ji ny'ɛmɛ̀n, ny'ɛwúvà lɔ mɛ̀n nyɛ́n mán Zhezü Krisì mɛhi nɔn.

2 Tesalonikɛ̀n anmàn-bɔ̀ 1:3

Ke ji le ɛnvra lɔ fɛn bɔ̀ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n. Zrɔ tán le bɔ̀ hán ɔmu lɔ, ɔmuhi ny'ankaẅì-bùtan ke shi ɛẅì bobrebe kɩ ɛcüɛ̀n léyi nyɛ lɛ fɛn nyɛ́n ẅɛn ny'edomɛ̀n nɔn, ke sevri ɛnvra lɔ fɛn.

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

Ebre-bɔ̀ 13:15

Zhezü bɩmɛ̀n lɔ, ɛnvra lɔ fɛn bɔ́ yé Ɔwɔ bɔ́ ɛmrɛ́n, ke dù kɛ hán ecice léyi ke dú b'ɔmuanwru wú kɛ mrɛ́n n'ebɩ́ lɔ nɔn.

1 Piɛrɛ̀n 2:5

Nyɛ́n mán nyɛ́n bɩ́ ɛyri kè dù kɛ̀ hán ɛbù kɔrɛkɔrɛ hɔ̀n léyi srɔ ɛnhɛ́n cice wɔn bù nɔn. Nyɛ lɛ wá Ɔwɔ cice-bɔ̀ kpɔsɔ krumù, yɛ lɛ wá ɛnzhì ɛnkru yɛ tán Ɔwɔ, nye le ce nɛ̀n ɛnhɛ́n mɛ̀n ci léyi kɛ lɛ cüɛn nɛ̀n ɛvɛ̀, Zhezü Krisì bɩmɛ̀n nɔn.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.