Efɛzɛ̀n anmàn-bɔ̀ 5:18 - Ɛmɛẅi ankà ankrànkràn 2003

¹⁸ Nyɛ́n bɩ́ kɔ́n ɛntàn: ɛntàn-kɔ̀n kɛ lɛ jrɛ́ ny'ɛwúvà lɔ; tɛ́n Ɛnhɛ́n Prɔnprɔn kè yɩ́ nyɛ̀n ɛmɛ̀n.

Efɛzɛ̀n anmàn-bɔ̀ 5:18 Iomraidhean Croise

Matie 23:25

Muzhie dú nyɛ tɛn, ɛnyànmàn-gbànvri-ankà-yé-bɔ̀ mán ɛnyànmàn-sùva-wá-bɔ̀, anmùan-anhyrɛ̀-bɔ̀! Nyɛ́n juru grashɛ̀n mán ɛci-zî kpokpo edomɛ̀n, tɛ́n ny'ɛci-yerɛ-ci mán ny'ankà-tro gbàngbàn yɩ́ grashɛ̀n mán pkopko mɛ̀n.

Matie 24:49

kɩ ne le bukru nɛ̀n kɔ́n ɛci-bɩtan-bɔ̀ nyàntɛn hɔ̀n léyi yɛ wá nɛ̀n antamɛ̀n nɔn ejì, ne le zî ɛci kɩ ne le mi ɛntàn, nɛ́n mán ɛntàn-kɔ́n-bɔ̀ mɛhi.

Lükɛ̀n 1:15

Ɔmuhi ɛnẅì lɔ kɛ le dú ɔwrɔn vri Ɛẅɛnwrɔn zìwú nɔn. Nɛ́n sɩ̀ mi ɛntàn wɔnsɛ́n, mán ɛntàn shishi zriɛmɛ́n. Ɛnhɛ́n Prɔnprɔn kɛ le dú nɛ̀n edomɛ̀n nɛ́n muan mɛ̀ntɛ̀ mɛ̀n hán hɛ́n.

Lükɛ̀n 11:13

Anwrɔn gbangbàn hɔ̀n léyi dú nyɛ̀n nɔn, nye nyri tán ny'ɛẅì hɔ̀n ɛci ankrànkràn. Andɛ̀n ɛbɛ de bɔ́ Zi léyi dú anhobɩ́ nɔn, ke sɩ̀ tán n'Ɛnhɛ́n Prɔnprɔn lɔ, anwrɔn hɔ̀n léyi kɛ sán nɛ̀n nɔn!”

Lükɛ̀n 12:45

Tɛ́n, ke dú kɛ eci-bɩ̀tan-wrɔn ndɔ lɔ kɛ dɔ́ n'edomɛ̀n le: ‘M'Ankà-yé-wrɔn kɛ mɔ̀ɛn ke sɩ́ vá’, kɩ ke gorɛ ɛci-bɩ̀tan-bɔ̀ wúcɔ̀ mán wúyɔ̀, ne zî ɛci, ne mi shi, kɩ nɛ kɔ́n ɛntàn,

Lükɛ̀n 21:34

“Nyɛ́n wá esùva! Nyɛ́n bɩ́ teze nyɛ́n hɛ́n lɔ kɛ srɔ́n ɛkoran mɛ̀n mán ɛntàn-kɔ́n mɛ̀n mán ɛnhibù wúvà ankà-trɔ lɔ mɛ̀n, ke dú ɔmu lɔ hô, ɛmrɛ̀n-ci bì lɔ kɛ lɛ ẅɛn nyɛ̀n nmù kprú

Zhan 2:10

kɩ kɛ dɔ́ nɛ̀n le: “Anwrɔn lɔ fɛn, eyri-koran lɔ fɛn mɛ̀n, yɛ gɔ́ tán yɔ ɛntàn ankrànkràn ye mì, zɛtɛn, ɛnvra léyi anwrɔn ke mi ɛntàn kɛ fɔ́n yɔ nɔn, ye sɩ́ ɛntàn léyi ecüì bàda ɛmɛ̀n nɔn ɛntrɛ. Vɛ tɛn, è bɩ́ ɛntàn anvrɛnvrɛn lɔ ɛ̀ hɛ́n, hàn mán cɔ́ zɛtɛ̀ lɔ!”

Ɔkɔ̀hɔ̀n-wá-bɔ̀ kɔ̀hɔ̀n hán 11:24

Annànwɔrɛ mɛ̀n lɔ Barnabasɛ̀n dú ɔwrɔn anvrɛnvrɛn léyi Ɛnhɛ́n Prɔnprɔn yɩ́ edomɛ̀n, hɩ ẅɛn ankaẅì-bùtan nɔn. Anwrɔn bobrebe shri bɩ́ Ɛẅɛnwrɔn ankà lɔ.

Rɔmɛ̀n-anmàn-bɔ̀ 13:13

Bɔ̀ nyrɔn bɔ́ edomɛ̀n ɛwá mɛ̀n, hán ɔmu le ke ji le bɔ̀ hán ɛcɛ̀n-yri-kàn mɛ̀n nɔn. Bɔ̀ wá bɔ́ edomɛ̀n esùva ɛci-cüì-zîemɛ̀n, ɛntàn-kɔ́n mɛ̀n, esù-gbàngbàn-nán mɛ̀n mán ɛwúvà-gbàngbàn-ẅɛn mɛ̀n, ɛdrɛ̀-hán mɛ̀n mán ecüi-hi-kɔ́n mɛ̀n.

1 Korɛntɛ̀n anmàn-bɔ̀ 11:21

annanwɔrɛ mɛ̀n lɔ, ɛnvra léyi nyɛ yɛ́ tɛbrɛ̀ wú nɔn, ɔwrɔnwrɔn ke cüi-edù ke zî nɛ́n dùku n'ɛci, kɛ hán tán kɩ anwrɔn ndɔ hɔ̀n ɔmùanwù kɛ ẅɛ̀n, tɛ́n ndɔ hɔ̀n kɛ kɔ́n ɛntàn.

1 Korɛntɛ̀n anmàn-bɔ̀ 5:11

Me ji mɛ̀n dɔ́ nyɛ̀n le nyɛ́n bɩ́ ẅɛn ɔbɔ̀sɔ̀ nyɛ́n mán ɔwrɔn tɔ̀n léyi kɛ tán n'edomɛ̀n ebɩ́ Krisì-sɛ̀nkɛn-wrɔn, hɩ ke le dú esùnàn gbàngbàn ci-hán-wrɔn, kɛ lɛ wá nɛ́n nyran ci ɛvɛ̀-ɛwú, ke le dú antɛ̀-buri-sɛ́n-wrɔn, ɛyɔ̀n-wrɔn, ɛntàn-kɔ́n-wrɔn mán ɛci-yerɛ-wrɔn nɔn. Ke sɩ́ ji le, ɔwrɔn ɔmu lɔ, nɛ́n mán nyɛ́n mɛhi nyɛ́n zî ɛci ɛyri zri.

1 Korɛntɛ̀n anmàn-bɔ̀ 6:10

ɛci-yerɛ-bɔ̀, anwrɔn-ankà-yɔ-bɔ̀, ɛntàn-kɔ́n-bɔ̀, ɛyɔ̀n-ankà-dɔ́-bɔ̀ mán ɛfrɛ́n-bɔ̀ ke sɩ̀ cɔ́ ɛyri Anhobɩ́ Nɛ̀ncüì-dúyri.

1 Tesalonikɛ̀n anmàn-bɔ̀ 5:7

Ndà-dá-bɔ̀ lɔ, ɛnnyran de yɔ di ndà, kɩ ɛntàn-mi-bɔ̀ lɔ, ɛnnyran de yɔ kɔ́n ɛntàn nɔn.

Titɛ̀n 1:6

Ɔwɔ-wrɔn cüìcüì dú ɔwrɔn léyi eci-hán gbàngbàn bàdà edomɛ̀n, ke ji le nɛ̀n yiri ɛnnyɔnwrɔn zri, ô n'ɛẅì hɔ̀n lɔ kɛ̀ ẅɛn ankàẅì-bùtan, ô ke bɩ́ hán eci gbàngbàn zriɛmɛ́n.