Efɛzɛ̀n anmàn-bɔ̀ 5:17 - Ɛmɛẅi ankà ankrànkràn 2003

¹⁷ Nyɛ́n bɩ́ srɔ ɔbrɔ̀sà-bɔ̀, tɛ́n nyɛ́n hán kèkrèmɛ̀n, ô nyɛ́n nyri eci léyi Ɛẅɛnwrɔn kɛ vrá ny'antamɛ̀n nɔn.

Efɛzɛ̀n anmàn-bɔ̀ 5:17 Iomraidhean Croise

Zhan 7:17

Ɔwrɔn léyi krɔn kpehɛ́n kɛ̀ hán Ɔwɔ kɔrɛzì-ci nɔn, ke le nyrì ke dú kɛ m'ankà-yé lɔ dú Ɔwɔ yri và, kàle mɛ́n dùku de mɛ dɔ́ m'ɛkɔrɛ̀levri ankà nɔn.

Rɔmɛ̀n-anmàn-bɔ̀ 12:2

Ɛnhibù wú dùci hɔ̀n lɔ ke bɩ́ dú ny'eci-hán-ci, tɛ́n nyɛ́n teze Ɔwɔ kɛ crɔn nyɛ̀n, ô kɛ̀ tán nyɛ̀n ɛnkruemɛ̀n-wɛ̀n wrù. Zɛtɛn nyɛ lɛ cɔ̀ nyɛ́n nyri eci léyi Ɔwɔ ke ji nɔn: eci léyi zrɔ, eci léyi dú n'ɛvɛ̀-cüɛn-ci mán eci léyi fì nɔn.

Efɛzɛ̀n anmàn-bɔ̀ 5:15

Ɔmu lɔ, nyɛ́n wá esùva anvrɛnvrɛn ny'ɛwúvà ẅɛn mɛ̀n. Nyɛ́n bɩ́ nán esù kɛ hán ɔbrɔ̀sà-bɔ̀ hɔ́, tɛ́n kɛ̀ hán ankà-nyri-bɔ̀ hɔ́.

Kɔlɔsèn anmàn-bɔ̀ 1:9

Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

Kɔlɔsèn anmàn-bɔ̀ 4:5

Ny'esùnàn lɔ kè dú ankà-nyriemɛ̀n kɛ̀ tán anwrɔn hɔ̀n léyi ke sɩ̀ dù Krisì-sɛ̀nkɛn-bɔ̀ nɔn, ny'eci totɔtɔ̀n léyi nyɛ lɛ hán nɔn mɛ̀n.

1 Tesalonikɛ̀n anmàn-bɔ̀ 5:18

nyɛ́n tán Ɔwɔ ɔkùɛn eci lɔ fɛn mɛ̀n. Nyàn eci léyi Ɔwɔ ke ji ny'ɛmɛ̀n, ny'ɛwúvà lɔ mɛ̀n nyɛ́n mán Zhezü Krisì mɛhi nɔn.

1 Piɛrɛ̀n 4:2

Bukru zɛtɛ̀ lɔ nɔn, ke ji le ny'ɛwúvà léyi wɔrɔ dú nyɛ̀n ɛnu hi nɔn, kè dú Ɔwɔ-ci-hán bɔ̀sɔ mɛ̀n, tɛ́n ke bɩ́ dú anwrɔnẅì ankàtro mɛ̀n.