Efɛzɛ̀n anmàn-bɔ̀ 5:16 - Ɛmɛẅi ankà ankrànkràn 2003

¹⁶ Eci lɔ fɛn mɛ̀n lɔ, nyɛ́n hán eci anvrɛnvrɛn, ɔmuhi ɛnbì hɔ̀n léyi bɔ̀ dú ɛmɛ̀n nɔn krɛfɔn.

Efɛzɛ̀n anmàn-bɔ̀ 5:16 Iomraidhean Croise

Matie 25:17

Anhyrɛmɛ̀n-wrɔn léyi cɔ́ ɛkoẅi-ɛvà nɔn, mán zhrɛ́ anhàn kɩ cɔ́ ɛkoẅi-ɛvà kɛ́n ɛwú.

Zhan 12:35

Zhezü kɛ dɔ́ yɔ le: “Ɛyri-kàn vru dú nyɛ̀n ɛmɛ̀n, tɛ́n ne le dú ɛnvra cá mɛ̀n. Nyɛ́n nán esù, ɛnvra ɔmu lɔ, hɩ nyɛ́n dú ɛyri-kán mɛ̀n nɔn, ô ɛyri yɔwɔ ke bɩ́ ẅɛn nyɛ̀n nmù, ɔmuhi ɔwrɔn léyi kɛ nán esù ɛyri yɔwɔ mɛ̀n nɔn, nɛ́n sɩ́ nyri ɛyrí léyi nɛ hɔ̀n nɔn.

Rɔmɛ̀n-anmàn-bɔ̀ 13:11

Nyɛ́n ẅɛn ankà ndɔ lɔ ɛshishiemɛ̀n nyɛ́n hɛ́n hán ɔmu le nyɛ́n nyri ɛnvra léyi bɔ̀ dú ɛmɛ̀n nɔn: Ɛnvra léyi ke ji, ô nyɛ́n dú ɛndà dá mɛ̀n nyɛ́n tɔhú nɔn, ncɔ̀a. Annànwɔrɛ mɛ̀n lɔ, ɛnkru-kɔrɛ̀ bá bɔ̀ ɛtɛ̀sɛ̀n zɛtɛ̀ lɔ, vrán ɛnvra léyi bɔ̀ bukru bɔ́ ẅɛn ankàẅì-bùtan nɔn.

1 Korɛntɛ̀n anmàn-bɔ̀ 7:26

Ɛnvra ndɔ lɔ mɛ̀n jüedì lɔ, nyàn ankà léyi me tro nɔn: zrɔ tán le ɔwrɔnwrɔn kè dù kɛ̀ hán ɔmu le nɛ́n dù nɔn.

Galasi anmàn-bɔ̀ 1:4

Krisì dùku bɩ́ n'edomɛ̀n tán, ô bɔ̀ cɔ́ ɛgbàn-bɩ̀-ce, ô nɛ̀n ẅɛn bɔ̀ ɛnhibù wú ci gbàngbàn kɔrɛ̀srɔn wú nɛ̀n sɔhɔ́, hán ɔmu le dú bɔ́ Zi Ɔwɔ kɔrɛ̀zì-ci nɔn.

Galasi anmàn-bɔ̀ 6:10

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.

Efɛzɛ̀n anmàn-bɔ̀ 6:13

Hɩ le kruhú de zɛtɛ lɔ, ke ji le nyɛ́n bɩ́ Ɔwɔ anhà-kɔ́n-ci hɔ̀n lɔ fɛn! Ɔmu lɔ de, ɛnvra léyi ɛnbì gbàngbàn lɔ kɛ lɛ và nɔn, nyɛ lɛ kɛ́n egbri-wrɔn lɔ ezì, kɩ anhà-kɔ̀n trɔ mɛ̀n lɔ, nye le vru nyɛ́n nyɔn ɛshishiemɛ̀n.

Efɛzɛ̀n anmàn-bɔ̀ 6:15

ny'edùyì, Ɛmɛẅi ankà Ankrànkràn dɔ̀, kè dú ny'annanwrú.

Kɔlɔsèn anmàn-bɔ̀ 4:5

Ny'esùnàn lɔ kè dú ankà-nyriemɛ̀n kɛ̀ tán anwrɔn hɔ̀n léyi ke sɩ̀ dù Krisì-sɛ̀nkɛn-bɔ̀ nɔn, ny'eci totɔtɔ̀n léyi nyɛ lɛ hán nɔn mɛ̀n.