Efɛzɛ̀n anmàn-bɔ̀ 5:15 - Ɛmɛẅi ankà ankrànkràn 2003

¹⁵ Ɔmu lɔ, nyɛ́n wá esùva anvrɛnvrɛn ny'ɛwúvà ẅɛn mɛ̀n. Nyɛ́n bɩ́ nán esù kɛ hán ɔbrɔ̀sà-bɔ̀ hɔ́, tɛ́n kɛ̀ hán ankà-nyri-bɔ̀ hɔ́.

Efɛzɛ̀n anmàn-bɔ̀ 5:15 Iomraidhean Croise

Matie 10:16

“Nyɛ́n die nukùɛ! Mɛ wá nyɛ̀n ɔkɔ̀hɔ̀n, kɩ nyɛ́n dù nyɛ́n hán kɔ̀kɔ̀sɛ̀ hɔ̀n léyi dú ovú lɛ̀tù hɔ̀n wanzi nɔn hɔ́. Nyɛ́n wá ny'edomɛ̀n esùva kɛ̀ hán ɛnlɛ̀brì hɔ̀n hɔ́, nyɛ́n dù nyɛ́n hán brɛndre hɔ̀n hɔ́, ô nyɛ́n bɩ́ di ankà mɛ̀n ebɩ́.

Matie 25:2

Ɛnrì dú yɔ ɛmɛ̀n kè sɩ̀ ẅɛ̀n ɛnkruemɛ̀n, tɛ́n ɛnrì ndɔ lɔ dú ɛnkruemɛ̀n-ẅɛn-wúyɔ̀.

Matie 27:24

Ɛnvra léyi Pilatɛ̀n kán ɔmu le nɛ́n sɩ̀ hán eci zriɛmɛ́n rɔ́ nɔn, tɛ́n bobo-dì lɔ kɛ sán kɛ́n ɛwú, nɛ̀n bɩ́ ɛnshi nɛ̀n juru ankɔ̀rɛ̀ fɛcüè zìwú kɩ nɛ dɔ̀ le: “Ɔwrɔn ndɔ lɔ mɛ̀n sɩ̀ dù n'owú-ankà lɔ mɛ̀n! Ny'ankà dú hɩ lɔ!”

Matie 27:4

Nɛ dɔ́ yɔ le: “Mɛ̀n hán ɛgbàn, mɛ̀n bɩ́ ɛnyrɔnnan-wrɔn mɛ̀n tán ye di owúemɛ̀n!” Tɛ́n yɔ mrɛ́n nɛ̀n ɔmùan le: “Ecitan kɛ lɛ hán bɔ̀a? V'ankà dú hɩ lɔ!”

Matie 8:4

Zɛtɛn Zhezü kɛ dɔ́ nɛ̀n le: “È die nukù anvrɛnvrɛn: e bɩ́ dɔ́ ɔwrɔn zriɛmɛ́n ankà lɔ. Tɛ́n ɛ̀ hɔ̀n yé Ɔwɔ-wrɔn ɔmu le ɛ̀ kɔrɛ̀ e dù nɔn, zɛtɛn è ce eci kɛ̀ hán ɔmu le Mohizì wá tán, ô ye nyrì le ɛ kɔrɛ̀a.”

Lükɛ̀n 24:25

Zɛtɛn Zhezü kɛ dɔ́ yɔ le: “Ɛkruemɛ̀n-woro-bɔ̀, ny'ankaẅɩ̀-bùtan sùnàn kɛ moɛ́n Ɔwɔ-mùanwú-ankà-dɔ́-bɔ̀ tɛsɛ̀n!

1 Korɛntɛ̀n anmàn-bɔ̀ 14:20

Anwrɔn-nɛ́n-muan-ẅì hɔ̀n nyɛ́n bɩ́ tro ankà kɛ hán ɛẅì hɔ̀n hɔ́; nyɛ́n srɔ ɛẅì hɔ̀n ɛgbàn tɛ̀sɛ̀n, tɛ́n nyɛ́n srɔ anwrɔn cüìcüì hɔ̀n ny'ankà-tro mɛ̀n.

Galasi anmàn-bɔ̀ 3:1

Galasi anmàn-bɔ̀, ɔbrɔ̀sà-bɔ̀! Antɔnwrɔn de wá nyɛ̀n anwa ɛnkruemɛ̀n nɛ́n? Tɛ́n, Zhezü Krisì wù lɔ cehɛ́n de ye yé nyɛ̀n ɛgbàn-hán-tɛ̀ wú nɔn.

Galasi anmàn-bɔ̀ 3:3

Ɔbrɔ̀sà tán de nyɛ́n ẅɛn ɔmu lɔ nɛ́n? Ɔkɔ̀hɔ̀n léyi nyɛ́n bukru Ɔwɔ Hɛ́n kɔrɛ̀levri mɛ̀n, nye ji nyɛ́n trɔ nɛ̀n ɛhán zɛtɛ̀ lɔ nyɛ́n dùku ny'ecüiemɛ̀n hàn?

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Efɛzɛ̀n anmàn-bɔ̀ 5:33

Tɛ́n kɛ crɛ nyán nyɛ́n mán: ke ji le ɛncɔnwrɔn kɛ̀ cüɛn nɛ́n hi kɛ hán nɛ́n dùku hɔ́, ô ɛnnyɔnwrɔn mán kɛ wá nɛ́n cüì.

Filipɛ̀n anmàn-bɔ̀ 1:27

Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

Kɔlɔsèn anmàn-bɔ̀ 1:9

Hɩ le kruhú de bɔ́ sɩ́ kɛ́n ɛkɔrɛ̀ bɔ́ hɛ́n ny'ɔwɔ-sɛ̀n tán mɛ̀n, bukru ɛnbì léyi bɔ̀ yá yɛ dɔ́ ny'ankà nɔn. Bɔ́ sán Ɔwɔ kɛ̀ hán tán nyɛ̀n nyɛ́n nyri n'ɛkɔrɛ̀-zì-ci-hán kokroho, n'Ɛnhɛ́n Prɔnprɔn ankà-nyrì mán n'ɛnkruemɛ̀n-ẅɛ̀n cüì léyi nɛ tán nɔn mɛ̀n.

Kɔlɔsèn anmàn-bɔ̀ 4:5

Ny'esùnàn lɔ kè dú ankà-nyriemɛ̀n kɛ̀ tán anwrɔn hɔ̀n léyi ke sɩ̀ dù Krisì-sɛ̀nkɛn-bɔ̀ nɔn, ny'eci totɔtɔ̀n léyi nyɛ lɛ hán nɔn mɛ̀n.

1 Tesalonikɛ̀n anmàn-bɔ̀ 5:15

Nyɛ́n wá esùva ô ɔwrɔn zriɛmɛ́n ke bɩ́ bɩ́ ɛgbàn ke dí ɛgbàn-wɔ̀ɛn, tɛ́n nyɛ́n ji ɛnvra lɔ fɛn anvrɛn-hán ny'edomɛ̀n mán anwrɔn lɔ fɛn tɛ̀sɛ̀n.

Kpàkpà timote 6:9

Tɛ́n anwrɔn hɔ̀n léyi ke ji kè di ɛnnɛ̀ncüì nɔn, ke bru ɔwɔɛ̀n-nyan mɛ̀n, kɩ kɛ hán tán, yɔ bru ɔbrɔ̀sà ankà-tro gbàngbàn brobebe tanwrɔn mɛ̀n, kɩ ke sɩ́ anwrɔnẅì ɛmian mɛ̀n mán ɛzrɛ́n mɛ̀n.

Ebre-bɔ̀ 12:25

Zɛtɛn nyɛ́n wá esùva! Nyɛ́n díe ɔwrɔn léyi kɛ dɔ́ nyɛ̀n ankà nɔn nukùɛ. Anwrɔn hɔ̀n léyi krɔ kɩ kè sɩ̀ dìe ankà-bi-dɔ́-wrɔn nukù ɛnu ɛnhibù wú nɔn, ɛgbàn-wɔ̀ɛndì lɔ, kè sɩ̀ vɔ́n yɔ ɛwú. Annànnàn le, ɛgbàn-wɔ̀ɛndì n'd'o lɔ, ke sɩ̀ vɔ́n bɔ̀ ɛwú ke dú kɛ bɔ́ crɛ ejüí bɔ́ sɔ́n ɔwrɔn léyi dú anhobɩ́ kɛ dɔ́ bɔ̀ ankà nɔn.

Zhakɛ̀n 3:13

Ny'ɛmɛ̀n lɔ ɔwrɔn tɔ̀n ke tro le nɛ̀n dú ankà-nyri-wrɔn hán? Nɛ̀n hán tán yɔ kán n'esù ankrankran nàn, n'eci-hán, n'edomɛ̀n ɛnhi-sɩ́ mán n'ankà-nyrì-ẅɛn mɛ̀n.

1 Piɛrɛ̀n 1:22

Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.