Efɛzɛ̀n anmàn-bɔ̀ 5:14 - Ɛmɛẅi ankà ankrànkràn 2003

¹⁴ n'ɛwú lɔ, eci lɔ fɛn léyi ye sɩ́ ɛyri-kán mɛ̀n kokroho nɔn, nɛ́n mán nɛ srɔ ɛyri-kàn. Hɩ le kruhú de yɛ dɔ̀ le: “Gbɛ́ ɛvɛ̀, vɛ́n léyi ɛ di ɛndà nɔn, dú owú-bɔ̀ mɛ̀n tɔhú, kɩ Krisì kɛ lɛ tán mɛ́n ɛyri-kàn.”

Efɛzɛ̀n anmàn-bɔ̀ 5:14 Iomraidhean Croise

Lükɛ̀n 1:78

B'Ɔwɔ lɔ dú ɛnbɔrɛ-wɔ̀ Wɔ, mán ɛcüɛ̀n Wɔ: nɛ lɛ hán ɛyri-kàn tɔ̀n ke le dú ɛwú kɛ lɛ gbrɛ́n ku bɔ̀ ɛwú, ke le dù kɛ lɛ cá ɛsɔrɔ bri yri-kàn hɔ́,

Lükɛ̀n 15:24

ɔmuhi, m'ɛnẅì léyi nyɛ kàn nɔn nwù, kɩ nɛ̀n vru nɛ̀n vá ɔkɔrɛ-bɔ̀ mɛ̀n, nɛ̀n zrɛ́n kɩ mɛ̀n cɔ́ nɛ̀n.’ Kɩ ɔkoran bukru.

Zhan 8:12

Zhezü vru bɩ́ ankà-dɔ̀ kɩ kɛ dɔ́ fɛcüè le: “Mɛ̀n dú ɛnhibù yri-kàn. Ɔwrɔn léyi kɛ kɛ́n mɛ̀n ɛsɛ̀n nɔn, kɛ lɛ cɔ́ ɔkɔrɛ̀ yri-kàn kɩ nɛ́n sɩ̀ nán esù ɛyri yɔwɔ mɛ̀n mrìmrì.”

Zhan 9:5

Ɛnvra ɔmu léyi mɛ̀n dú ɛnhibù wú nɔn, mɛ̀n dú ɛnhibù wú yri-kàn.”

Ɔkɔ̀hɔ̀n-wá-bɔ̀ kɔ̀hɔ̀n hán 13:47

Nyàn eci léyi Ɛẅɛnwrɔn wá tán bɔ̀ nɔn: ‘Mɛ̀n wá mɛ́n e dù ɛ̀ hán, ɛnhi wú anmàn hɔ̀n yrikàn, ô è bɩ́ ɛwúvà-kɔrɛ̀ ɛ̀ hɔ̀n, hàn mán ɛ̀ cɔ́ ɛnhibù kru trɔ!’ ”

Rɔmɛ̀n-anmàn-bɔ̀ 6:13

Nyɛ́n bɩ́ vru bɩ́ ny'edùwrú yri hɔ̀n lɔ fɛn nyɛ́n wá ɛgbàn kɔ̀hɔ̀n-hán mɛ̀n. Tɛ́n nyɛ́n bɩ́ ny'edomɛ̀n nyɛ́n ce Ɔwɔ, kè dù kɛ̀ hán anwrɔn hɔ̀n léyi dú owú-bɔ̀ mɛ̀n vru vá ɔkɔrɛ-bɔ̀ mɛ̀n, ô nyɛ́n bɩ́ ny'edùwrú mumù lɔ fɛn nyɛ́n wá ɔkɔ̀hɔ̀n léyi dú ɛnyrɔnnan-ci nɔn mɛ̀n.

1 Korɛntɛ̀n anmàn-bɔ̀ 15:34

Nyɛ́n vru ɛmɛẅi nyɛ́n vá ankà-nyriemɛ̀n, hán ɔmu le ke ji le kè dù nɔn hɔ́, ô nyɛ́n bɩ́ vru hán ɛgbàn. Mɛ dɔ́ ankà lɔ ny'anvɛvrà kruhú: ny'ɛmɛ̀n lɔ anwrɔn ndɔ hɔ̀n kè sɩ̀ nyrì Ɔwɔ.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

Efɛzɛ̀n anmàn-bɔ̀ 2:1

Ɛnbiɛhɛ́n lɔ, nyɛ́n wú ɛnhɛ́n mɛ̀n, ny'ɛfɔ̀ndɔ̀n mán ny'ɛgbàn hɔ̀n lɔ kruhú.

Efɛzɛ̀n anmàn-bɔ̀ 2:5

kɩ ɛnvra léyi bɔ̀ wú ɛnhɛ́n mɛ̀n, bɔ̀ ɛgbàn hɔ̀n lɔ kruhú nɔn, nɛ̀n hán bɔ̀, bɔ́ dú ɔkɔrɛ mɛ̀n bɔ́ mán Krisì mɛhi. Ɔwɔ boafɔ̀n mɛ̀n de nyɛ́n cɔ́ ebɩ̀die nɔn.

Kɔlɔsèn anmàn-bɔ̀ 3:1

Nyɛ́n mán Krisì mɛhi nyɛ́n dú owú-bɔ̀ mɛ̀n nyɛ́n vá ɔkɔrɛ-bɔ̀ mɛ̀n. Zɛtɛn, nyɛ́n ji ɛci hɔ̀n léyi dú anhobɩ́ ci, ɛyri léyi Krisì yɛ́ Ɔwɔ ezì-kɔrɛ̀a nɔn.

1 Tesalonikɛ̀n anmàn-bɔ̀ 5:6

Ɔmu lɔ, bɔ́ bɩ́ di ndà kɛ hán anwrɔn ndɔ hɔ̀n hɔ́; tɛ́n bɔ̀ kpri ɛvɛ̀, anvɛmɛ̀n kè cüe bɔ̀a.

Anhyrɛmɛ̀n timote 1:10

tɛ́n nɛ̀n yé bɔ̀ nboafɔ̀n ndɔ lɔ zɛtɛ̀ lɔ ɛnvra léyi bɔ́ Ebɩdiewrɔn Zhezü Krisì nvà nɔn. Nɛ́n de nɛ̀n trɔ owù kɔrɛ̀srɔn lɔ kɩ, Ɛmɛẅi ankà Ankrankran bɩmɛ̀n lɔ, nɛ̀n yé ɛwúvà léyi ke sɩ́ trɔa nɔn.

Anhyrɛmɛ̀n timote 2:26

Zɛtɛn yɔ lɛ cɔ́ y'ɛnkruemɛ̀n ankà-yrì, kɩ yɔ lɛ cɔhɔ́ anwa-wrɔn tanwrɔn hɔ̀n léyi ẅɛn yɔ hɛ́n n'ɛkɔrɛ̀levri wú nɔn mɛ̀n.