Efɛzɛ̀n anmàn-bɔ̀ 5:11 - Ɛmɛẅi ankà ankrànkràn 2003

¹¹ Nyɛ́n bɩ́ ẅɛn eci zriɛmɛ́n ke dú eci-hán-ci woro hɔ̀n léyi yɛ hán ɛyri-yɔwɔ mɛ̀n nɔn; nyɛ́n sɩ́ yɔ ɛntrɛ kpràkprà.

Efɛzɛ̀n anmàn-bɔ̀ 5:11 Iomraidhean Croise

Matie 18:15

“Ke dú kɛ ɔmuan-ẅì kɛ hán mɛ́n eci gbàngbàn, ɛ̀ hɔ̀n cɔ́ nɛ̀n, ô è yé nɛ̀n eci gbàngbàn léyi nɛ̀n hán nɔn, tɛ́n nɛ́n mán vɛ́n mɛhi kɩ nyɛ́n dɔ̀. Ke dú kɛ ne die mɛ́n nukùɛ, ɛ̀ cɔ́ ɔmuan-ẅì lɔa.

Lükɛ̀n 3:19

Tɛ́n, Zhan gbá anvɛ̀ wá Herɔdɛ̀n léyi dú Govran nɔn, ɔmuhi nɛ̀n bɩ́ Hérodiadɛ̀n, nɛ́n muan-ẅì hi, nɛ́n yrì kɩ nɛ hán ɛci gbangbàn bobrebe ndɔ hɔ̀n mán.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 13:12

Ɛnnyran gɔ̀n bru ɛmɛ̀n, ɛcɛ̀n bá ɛtɛ̀sɛ̀n. Bɔ́ teze zɛtɛn eci-hán-ci hɔ̀n léyi yɛ hán ɛyri-yɔwɔ mɛ̀n nɔn, ô bɔ̀ bɩ́ anhà-kɔ́n-ci léyi yɛ wá edomɛ̀n ɛcɛ̀n yrikan mɛ̀n nɔn.

Rɔmɛ̀n-anmàn-bɔ̀ 16:17

Mɛ dɔ́ nyɛ̀n, anwrɔn-nɛ́n-muan-ẅì hɔ̀n, nyɛ́n wá ny'edomɛ̀n esùva anwrɔn hɔ̀n léyi ke sɩ́ ɛsɔ̀nvoyan nɔn y'ɛtɛ̀sɛ̀n, yɔ léyi yɔ kɛ́n ankà-yé léyi ankaẅì-bùtan-ẅɛn-bɔ̀ ncɔ̀ nɔn ezì, kɩ kɛ hán yɔ, yɔ bru ɛzɛ́n mɛ̀n nɔn. Nyɛ́n cɔhɔ́ y'ɛtɛ̀sɛ̀n,

Rɔmɛ̀n-anmàn-bɔ̀ 6:21

Zɛtɛn zɛtɛ̀ lɔ, ecitan de nyɛ́n cɔ́ ny'anvɛvrà ci-gbàngbàn hɔ̀n lɔ hán mɛ̀n nɛ́n? Eci-hán-ci ndɔ hɔ̀n lɔ ke sɩ́ owúemɛ̀n!

Galasi anmàn-bɔ̀ 6:8

Ke dú kɛ nɛ tɛ́ eci léyi nɛ́n dùku n'antà dùwrú kɛ cüɛ̀n nɔn hô, antɛ̀-ẅì léyi nɛ lɛ küɛ nɔn dú owù; tɛ́n ke dú kɛ nɛ tɛ́ eci léyi Ɛnhɛ́n Prɔnprɔn kɛ cüɛ̀n nɔn hô, antɛ̀-ẅì léyi nɛ lɛ küɛ nɔn dú ɛwúvà léyi ke sɩ́ trɔa nɔn.

Efɛzɛ̀n anmàn-bɔ̀ 4:22

Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn.

Efɛzɛ̀n anmàn-bɔ̀ 5:12

Eci léyi anwrɔn janbɔ̀ kɛ hán ɛbán mɛ̀n nɔn, anvɛvrà ke sɩ́ tán n'anka-dɔ̀.

Efɛzɛ̀n anmàn-bɔ̀ 5:7

Anwrɔn ndɔ hɔ̀n lɔ, yɔ mɛhi nyɛ́n bɩ́ ẅɛn eci zri.

Kɔlɔsèn anmàn-bɔ̀ 1:12

Nyɛ́n tán Ɔwɔ Zi ɔkùɛn eci-zrɔ mɛ̀n: nɛ̀n hán tán nyɛ̀n ô nyɛ́n cɔ́ anvrɛn léyi nɛ̀n hɛ́n ɛnnɛ̀ncüì-dúyri yri-kàn lɔ mɛ̀n, ô kè dú anwrɔn hɔ̀n léyi dú nɛ tɛn nɔn tɛn.

1 Tesalonikɛ̀n anmàn-bɔ̀ 5:7

Ndà-dá-bɔ̀ lɔ, ɛnnyran de yɔ di ndà, kɩ ɛntàn-mi-bɔ̀ lɔ, ɛnnyran de yɔ kɔ́n ɛntàn nɔn.

2 Tesalonikɛ̀n anmàn-bɔ̀ 3:14

Ke dú kɛ ɔwrɔn tɔ̀n ke sɩ́ wá ɛnyànmàn hɔ̀n léyi bɔ́ tán owrú ndɔ lɔ mɛ̀n nɔn, nyɛ́n wá ndɔ lɔ owrúemɛ̀n, ô nyɛ́n cɔhɔ́ nɛ̀n ɛtɛ̀sɛ̀n, ô anvɛvrà kè dú nɛ tɛn.

2 Tesalonikɛ̀n anmàn-bɔ̀ 3:6

Anwrɔn-nɛ́n-muan-ẅì hɔ̀n, bɔ́ sán nyɛ̀n ndɔ lɔ Ɛẅɛnwrɔn Zhezü Krisì bɩmɛ̀n: nyɛ́n mrɛ́n ny'edomɛ̀n nyɛ́n sɔhɔ́ anwrɔn-nɛ́n-muan-ẅì hɔ̀n ɛjɛ-bɔ̀ lɔ y'ɛtɛ̀sɛ̀n, yɔ léyi yɔ sɩ́ hán ankà-yé léyi bɔ̀ tán yɔ nɔn hɩ ci.

Kpàkpà timote 5:20

Ke dú kɛ ɔwrɔn tɔ̀n kɛ hán eci-gbàngbàn tɔ̀n, ɛ dɔ́ nɛ̀n ankà anwrɔn mɛ̀n, ô anwrɔn ndɔ lɔ mán kɛ ẅɛn ɛnjansù.

Kpàkpà timote 5:22

E bɩ́ cüi edù, e di ɔwrɔn tɔ̀n ankɔrɛ̀ ɛwú, ô ɛ wá nɛ̀n ecüìcüì, Ɔwɔ-fɛcüè mɛ̀n. E bɩ́ bru anwrɔn nyantɛn hɔ̀n gbàn-hán lɔ mɛ̀n: è dú ɛfifiemɛ̀n.

Kpàkpà timote 6:5

mán ecüìwrɔn léyi kè sɩ̀ ẅɛ̀n ɛnkrutrɔ hɩ dú anwrɔn hɔ̀n léyi ẅɛn ɛyɔ̀n hɛ́n dú angranmɛ̀n, kɩ ankaẅì annànwɔrɛ ankà zrɛ́n yɔ ɛnkruemɛ̀n nɔn. Yɔ tro le, Ɔwɔ mɛ̀n ankaẅì-bùtan ẅɛ̀n lɔ, dú eci léyi kɛ tán ɛnnɛncüì-dì nɔn.

Anhyrɛmɛ̀n timote 3:5

yɔ lɛ di ankaẅìbùtan-ẅɛn-bɔ̀, tɛ́n yɔ lɛ kɔ́n n'ɛkɔrɛ̀srɔn lɔ yɔ ze. Ɛ̀ crɛ ejüi ɛ̀ sɔ́n anwrɔn ɔmu hɔ̀n lɔ!

Anhyrɛmɛ̀n timote 4:2

ɛ̀ dɔ́ Ɔwɔ mùan ankà lɔ edù ke bɩ́ ká mɛ́n, ɛnvra totɔtɔ̀n lɔ fɛn mɛ̀n; ɛnkruemɛ̀n kè cüe mɛ́n, ke dú kɛ ɛkɔrɛ̀levri ke dù, kɩ badà mán, ɛ̀ dɔ́ ebrè di ankà mán edùyi ankà ɛ̀ tán anwrɔn, ô è yé ankà ɛnbɔrɛ-ẅɛ̀n-hɛ́n mɛ̀n anvrɛnvrɛn.

Titɛ̀n 2:15

Nyàn eci léyi ke ji le è yé, ô è bɩ́ v'ecüì kɔrɛ̀levri lɔ fɛn è yɩ́ vɛ́n nukù-die-bɔ̀ edù, kɛ wá tán hô, è di yɔ ebrè. E bɩ́ teze ɔwrɔn zriɛmɛ́n y'ɛmɛ̀n lɔ kɛ ẅɛn v'egbrì.

Ɔwɔ-mɛ̀n-yrikàn 18:4

Zɛtɛn mɛ̀n yá esùva nyàntɛn tɔ̀n dú anhobɩ́ và, kɩ kɛ dɔ̀ le: “Nyɛ́n cɔhɔ́ n'anwanzi, mɛ́n fɛcüè, ô nyɛ́n bɩ́ srɔ n'ɛkɔrɛ̀wa-wrɔn n'ɛgbàn hɔ̀n lɔ hán mɛ̀n, ô nyɛ́n bɩ́ cɔ́ ɛgbàn-hán-ci léyi kɛ lɛ và ke gorɛ nɛ̀n nɔn.