Efɛzɛ̀n anmàn-bɔ̀ 4:6 - Ɛmɛẅi ankà ankrànkràn 2003

⁶ Ɔwɔ zri kɩ ndù, anwrɔnẅì lɔ fɛn yɔ Zi, n'ɛyri-ẅɛ̀n dú eci lɔ fɛn wú, nɛ hán eci anwrɔn lɔ fɛn mɛ̀n kɩ nɛ̀n dú anwrɔn lɔ fɛn mɛ̀n.

Efɛzɛ̀n anmàn-bɔ̀ 4:6 Iomraidhean Croise

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Matie 6:9

Nyàn ɔmu le ke ji le nyɛ́n sɛ̀n nɔn: ‘Bo Zi léyi dú anhobɩ́ nɔn, ke ji le v'ebɩ́ lɔ kè dú prɔnprɔn,

Zhan 14:23

Zhezü mrɛ́n nɛ̀n ɔmùan le: “Ɔwrɔn léyi kɛ cüɛn mɛ̀n nɔn, nɛ lɛ wá m'ɔmùan ankà-dɔ̀. Dade kɛ lɛ cüɛn nɛ̀n, kɩ Dade mán mɛ̀n, bɔ́ lɛ vá n'eyri, kɩ bɔ́ le sɔ́n ebɩ́ n'ebɩ́ lɔ mɛ̀n.

Zhan 17:26

Mɛ̀n hán yɔ, yɔ nyri mɛ́n, kɩ me le vru mɛ̀n hán yɔ, yɔ nyri mɛ́n, ô ɛcüɛ̀n léyi ɛ̀ ẅɛn m'ɛwú nɔn, kè dú yɔ ɛmɛ̀n, ô mɛ́n mumù mán mɛ̀n dú yɔ ɛmɛ̀n.”

Zhan 20:17

Zhezü kɛ dɔ́ nɛ̀n le: “E bɩ ẅɛn mɛ̀n ɛ hɛ́n hàn, ɔmuhi mɛ vá hɔ́n Dade yri nɔn. Tɛ́n ɛ̀ hɔ̀n dɔ́ nmàn ẅì hɔ̀n le mɛ hɔ́n Dade yri, nɛ́n léyi nɛ̀n dú nyɛ́n zi mán nɔn, mɛ hɔ́n Ɔwɔ yri nɛ́n léyi nɛ̀n dú ny'Ɔwɔ mán nɔn.”

Rɔmɛ̀n-anmàn-bɔ̀ 11:36

Ɔmuhi eci lɔ fɛn dú n'eyri và, eci lɔ fɛn dú nɛ̀n ɛmɛ̀n kɩ dú nɛ tɛn. Eci-zrɔ kè dú Ɔwɔ tɛn ɛnvra lɔ fɛn! Kè dú ɔmu lɔ.

1 Korɛntɛ̀n anmàn-bɔ̀ 12:6

Ɔkɔ̀hɔ̀n-hán mɛ̀ntɛ mɛ̀ntɛ de ndù nɔn, tɛ́n Ɔwɔ zri lɔ de hán yɔ lɔ fɛn wá bɔ̀ ɛmɛ̀n nɔn.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

2 Korɛntɛ̀n anmàn-bɔ̀ 6:16

Ɔmùan-krɔn tán de ke le dú Ɔwɔ-cice-wɔn mán antɛ̀-buri-Wɔ wɔn angranmɛ̀n nɛ́n? Ɔmuhi bɔ́ dùku bɔ̀ dú Ɔwɔ kɔrɛkɔrɛ lɔ n'ecice-wɔn, hán ɔmu le Ɔwɔ dùku dɔ̀ nɔn: “Me le dú yɔ ɛmɛ̀n, kɩ yɔ mɛhi bɔ́ lɛ nán esù, me le dú y'Ɔwɔ kɩ yɔ le dú mɛ́n fɛcüè.”

Efɛzɛ̀n anmàn-bɔ̀ 1:21

Anhobɩ́ anmàn lɔ, Krisì dú ɛkɔrɛ̀-levri lɔ fɛn wú, ecüì lɔ fɛn wú, ɛkɔrɛ̀-srɔn lɔ fɛn wú, ɛyri-ẅɛ̀n lɔ fɛn wú mán ɛkɔrɛ̀-wú-ci lɔ fɛn léyi yɛ lɛ cɔ́ ɛnhi ndɔ lɔ wú mán hɩ le yɛ lɛ cɔ́ ɛnhi anmàn léyi dú ezì kɛ và nɔn wú.

Efɛzɛ̀n anmàn-bɔ̀ 2:22

Nɛ́n mɛhi ny'ɔbɔ̀sɔ̀ lɔ mɛ̀n, nyɛ́n mán nyɛ́n dú ɔwɔn lɔ mɛ̀n, ô nyɛ́n mán nyɛ́n nyran hɔ̀n lɔ fɛn mɛhi nyɛ́n srɔ ɔwɔn léyi Ɔwɔ dú ɛmɛ̀n nɔn, n'Ɛnhɛ́n mɛ̀n.

Efɛzɛ̀n anmàn-bɔ̀ 3:17

ô Krisì kɛ̀ sɔ́n ebɩ́ ny'ɛnbɔrɛ hɔ̀n lɔ mɛ̀n ankaẅì-bùtan-ẅɛn mɛ̀n. Me ji le annyràn kɛ̀ ẅɛn nyɛ̀n ɛnhi, ô nyɛ́n dú ɛcüɛ̀n dùsɔ mɛ̀n,

Efɛzɛ̀n anmàn-bɔ̀ 6:23

Ɔwɔ Zi mán Ɛẅɛnwrɔn Zhezü Krisì kɛ̀ tán anwrɔn-nɛ́n-muan-ẅì hɔ̀n lɔ fɛn anwɔwɔ mán ɛcüɛ̀n, mán ankaẅì-bùtan mɛhi.

1 Zhan 3:24

Ɔwrɔn léyi kɛ hán Ɔwɔ nyanmàn kɔrɛ̀zì-ci nɔn, nɛ̀n dú Ɔwɔ mɛ̀n kɩ Ɔwɔ mán dú nɛ̀n ɛmɛ̀n. Nyàn ɔmu le bo nyrì le Ɔwɔ dú bɔ̀ ɛmɛ̀n nɔn: bɔ́ nyri ndɔ lɔ, Ɛnhɛ́n Prɔnprɔn léyi nɛ̀n tán bɔ̀ nɔn yi kruhú.