Efɛzɛ̀n anmàn-bɔ̀ 4:5 - Ɛmɛẅi ankà ankrànkràn 2003

⁵ Ɛẅɛnwrɔn zri kɩ ndù, ankaẅì-bùtan zri kɩ dù, ɛnshikru-wá zri kɩ dù;

Efɛzɛ̀n anmàn-bɔ̀ 4:5 Iomraidhean Croise

Matie 28:19

Nyɛ́n hɔ́n ɛnhibù mumù lɔ fɛn wú, nyɛ́n hɔ́n anwrɔn ɛtɛ̀sɛ̀n, ô nyɛ́n srɔ yɔ m'ɛsɛ̀nkɛn-bɔ̀; nyɛ́n wá yɔ ɛnshi ɛnkru: Ezi, Ɛnẅì mán Ɛnhɛ́n Prɔnprɔn bɩ́mɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 10:36

Nɛ̀n yüre Izraɛlɛ̀n fɛcüè Zhezü krisì mɛẅi ankà wɔwɔ, Krisì léyi dú anwrɔn lɔ fɛn Ẅɛnwrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:36

Ke ji le Izraɛlɛ̀n fɛcüè lɔ fɛn kè nyri annanwɔrɛ mɛ̀n le: Zhezü ndɔ léyi nyɛ́n gɔ̀n brɛ́ ɛgbàn-hán-tɛ̀ domɛ̀n nɔn, nɛ́n de Ɔwɔ srɔ nɛ̀n Ɛẅɛnwrɔn mán Ebɩ̀die-wrɔn nɔn!”

Rɔmɛ̀n-anmàn-bɔ̀ 3:30

ɔmuhi Ɔwɔ zri kɩ dù nɔn. Nɛ lɛ srɔ Zhüifɛ̀n-bɔ̀ ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n, kɩ nɛ lɛ srɔ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán ɛnyrɔnnan-bɔ̀ n'ezìwú ankaẅì-bùtan-ẅɛn mɛ̀n.

1 Korɛntɛ̀n anmàn-bɔ̀ 1:13

Nye tro le yɛ lɛ sɔ̀nvɔyan Krisì tɛ̀a? Pɔlɛ̀n de wú ɛgbàn-hán-tɛ̀ wú ny'ɛkruhú nɛ́n? Pɔlɛ̀n bɩmɛ̀n de yɛ wá nyɛ̀n ɛnshi ɛnkru nɛ́n?

1 Korɛntɛ̀n anmàn-bɔ̀ 1:2

Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn:

1 Korɛntɛ̀n anmàn-bɔ̀ 12:13

Kɩ bɔ́ lɛ fɛn lɔ, Zhüifɛ̀n-bɔ̀ hô, kè sɩ̀ dù Zhüifɛ̀n-bɔ̀ hô, anwɔ̀n-bɔ̀ hô, anwrɔn kora hɔ̀n hô, yɛ wá bɔ̀ ɛnshi ɛnkru, ô bɔ̀ dú edùwrú zri, Ɛnhɛ́n Prɔnprɔn zri lɔ mɛ̀n, kɩ bɔ́ lɛ fɛn lɔ, bɔ̀ cɔ́ Ɛnhɛ́n Prɔnprɔn zri ndɔ lɔ n'ɛnshi bò mì.

1 Korɛntɛ̀n anmàn-bɔ̀ 12:5

Eci-bɩ̀tan-kɔ̀hɔ̀n mɛ̀ntɛ mɛ̀ntɛ de dù nɔn, tɛ́n Ɛẅɛnwrɔn zri lɔ de ye bɩ́ eci tán nɔn.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

2 Korɛntɛ̀n anmàn-bɔ̀ 11:4

Annanwɔrɛ mɛ̀n lɔ, nyɛ cüɛn ɔmu le ɔwrɔn tɔ̀n kɛ̀ và kɛ̀ dɔ́ nyɛ̀n Krisì léyi kè sɩ̀ cà ndɔ léyi bɔ̀ dɔ́ nyɛ̀n n'ankà nɔn; nyɛ́n vru nyɛ́n krɔn kpehɛ́n ô nyɛ́n shri ɛnhɛ́n tɔ̀n mán ɛmɛẅi ankà léyi kè sɩ̀ cà Ɛnhɛ́n Prɔnprɔn mán Ɛmɛẅi ankà Ankrankran léyi nyɛ́n cɔ́ b'antamɛ̀n nɔn.

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

Efɛzɛ̀n anmàn-bɔ̀ 4:13

Ɔmu lɔ de, bɔ́ lɔ fɛn bɔ́ lɛ cɔ́ ankaẅì-bùtan bɔ̀sɔ̀ Ɔwɔ Ẅì nyriemɛ̀n; bɔ́ lɛ srɔ anwrɔn fán hɔ̀n léyi y'ɔsɔ́ mán Krisì tɛn lɔ ke le dú eci zri léyi sɛ́n nmù nɔn.

Filipɛ̀n anmàn-bɔ̀ 2:11

ô yɔ lɔ fɛn yɔ dɔ́ Ɔwɔ Zi ci-zrɔ lɔ mɛ̀n le: “Zhezü dú Ɛẅɛnwrɔn!”

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

Titɛ̀n 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Ɔwɔ ci-bɩ̀tan-wrɔn mán Zhezü Krisì kɔ̀hɔ̀n-wá-wrɔn nɔn. Yɔ wá mɛ̀n ɔkɔ̀hɔ̀n, ô anwrɔn hɔ̀n léyi Ɔwɔ mrɛ́n bɩ̀ nɔn, mɛ̀n hán yɔ yɛ nán esù ankaẅì-bùtan annanwɔrɛ wú,

Titɛ̀n 1:4

Titɛ̀n me yüre mɛ́n owrú ndɔ lɔ, vɛ́n léyi è dú m'ɛnẅì annanwɔrɛ ankaẅì-bùtan zri léyi kɛ bɔ̀sɔ bɔ̀ nɔn n'ɛmɛ̀n. Ɔwɔ bɔ́ Zi mán Zhezü Krisì bɔ́ Ebɩdie-wrɔn kɛ̀ tán mɛ́n nboafɔ̀n mán anwɔwɔ.

Ebre-bɔ̀ 13:7

Ɛcüìcüì-bɔ̀ léyi kɛ nyrɔn nyɛ̀n, kɩ dɔ́ nyɛ̀n Ɔwɔ mùan-ankà nɔn, y'ankà kè bru nyɛ̀n. Nyɛ́n tro y'ɛwúvà léyi yɔ ẅɛ̀n kɩ yɔ wù nɔn yi ankà, ô nyɛ́n ván y'ankaẅìbùtan lɔ.

Zhakɛ̀n 2:18

Ɔwrɔn tɔ̀n kɛ lɛ dɔ́ tɛ̀ le: “Anwrɔn ndù ẅɛn ankaẅì-bùtan, kɩ ndɔ hɔ̀n ẅɛn eci-hán-ci”, zɛtɛn mɛ lɛ mrɛ́n nɛ̀n ɔmùan le: “È yé mɛ̀n ɔmu le v'ankaẅì-bùtan lɔ hán dù, hɩ eci-hán ke sɩ̀ dú nɛ̀n ɛmɛ̀n! Kɩ mɛ tɛn, me le yé mɛ́n m'ankaẅì-bùtan lɔ m'eci-hán mɛ̀n.”

1 Piɛrɛ̀n 3:21

Ndɔ lɔ de ke yé bɔ̀ ɛnshi-kruwá picɛ̀ léyi kɛ tán bɔ̀ ebɩdie zɛtɛ̀ lɔ nɔn; ɛnshi-kru-wá ndɔ lɔ, kè sɩ̀ dù eci léyi ke jru bɔ̀ ɛnbrá edomɛ̀n nɔn, tɛ́n kɛ sán Ɔwɔ wàwúyɛ fifi. Ne bɩ́ bɔ̀ die Zhezü Krisì owúemɛ̀n-dùfrɔ́ lɔ n'ɛnboafɔ̀n mɛ̀n,

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn:

Zhüdɛ̀n 1:20

Tɛ́n nyɛ́n, annyran anvrɛn hɔ̀n, ny'ɛwúvà kè dú ɛnvra lɔ fɛn ny'ankaẅìbùtan prɔnprɔn mɛ̀n. Nyɛ́n sɛ́n Ɔwɔ Ɛnhɛ́n Prɔnprɔn korɛ̀srɔn mɛ̀n.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.