Efɛzɛ̀n anmàn-bɔ̀ 4:32 - Ɛmɛẅi ankà ankrànkràn 2003

³² Nyɛ́n ẅɛn ɛnbɔrɛ-wɔ̀, ô ny'edomɛ̀n cüɛ̀n kè yɩ́ nyɛ̀n ɛmɛ̀n; nyɛ́n bɩ́ ɛgbàn nyɛ́n ce ny'edomɛ̀n, hán ɔmu le Ɔwɔ bɩ́ ny'ɛgbàn lɔ ce nyɛ̀n Krisì bɩmɛ̀n nɔn.

Efɛzɛ̀n anmàn-bɔ̀ 4:32 Iomraidhean Croise

Matie 6:12

Ɛgbàn léyi bɔ̀ hán nɔn, è bɩ ce bɔ̀, kɛ̀ hán ɔmu le bo bɩ́ ce anwrɔn hɔ̀n léyi kɛ hán bɔ̀ ɛgbàn nɔn.

Markɛ̀n 11:25

Kɩ ɛnvra léyi nyɛ nyɔn ɛwú nyɛ sɛ́n Ɔwɔ, ke dú kɛ ke bru nyɛ̀n le ɔwrɔn tɔ̀n mɛhi nyɛ́n ẅɛn ankà, ke ji le nyɛ́n bɩ́ ɛgbàn nyɛ́n ce nɛ̀n, ô nyɛ́n Zi Ɔwɔ léyi dú anhobɩ́ nɔn mán kè bɩ́ ny'ɛgbàn hɔ̀n lɔ kè ce nyɛ̀n. [

Lükɛ̀n 1:78

B'Ɔwɔ lɔ dú ɛnbɔrɛ-wɔ̀ Wɔ, mán ɛcüɛ̀n Wɔ: nɛ lɛ hán ɛyri-kàn tɔ̀n ke le dú ɛwú kɛ lɛ gbrɛ́n ku bɔ̀ ɛwú, ke le dù kɛ lɛ cá ɛsɔrɔ bri yri-kàn hɔ́,

Lükɛ̀n 11:4

È bɩ́ bɔ́ ɛgbàn hɔ̀n lɔ è ce bɔ̀, ɔmuhi bɔ́ mán bɔ́ bɩ́ ɛgbàn ce anwrɔn hɔ̀n léyi kɛ hán bɔ̀ ɛgbàn nɔn. E bɩ́ teze bɔ̀, bɔ́ bore ɔwɔɛ̀n-nyan mɛ̀n.’ ”

Lükɛ̀n 17:4

Ke dú kɛ nɛ fɔndɔ́n mɛ́n andɛ̀n ɔbɔɛ̀n ɛnbì zri lɔ mɛ̀n, kɩ nɛ vá dɔ́ mɛ́n le: ‘Me boto m'ɛgbàn lɔ’, è bɩ ce nɛ̀n.”

Lükɛ̀n 6:35

Tɛ́n mɛ dɔ́ nyɛ̀n le, nyɛ́n cüɛ́n ny'egbri-bɔ̀, nyɛ́n hán yɔ anvrɛn, nyɛ́n vɛ́n eci, ô nyɛ́n bɩ́ vrá ɔwɔrɛ̀tan. Nyɛ lɛ cɔ́ anjakpà vri, kɩ nye le dú Ɔwɔ léyi dú anhobɩ́ nɔn, n'ɛẅì hɔ̀n, ɔmuhi nɛ cüɛ́n anwrɔn hɔ̀n léyi kè sɩ̀ nyrì anvrɛn mán anbɔrɛ-bɔ̀ nɔn.

Lükɛ̀n 6:37

“Nyɛ́n bɩ́ ci nyɛ́n nyran hɔ̀n ɛmrɛ̀n, kɩ Ɔwɔ mán ke sɩ̀ ci nyɛ̀n ɛmrɛ̀n; nyɛ́n bɩ́ hán nyɛ́n nyran hɔ̀n ɛgbàn, kɩ Ɔwɔ mán ke sɩ̀ hán nyɛ̀n ɛgbàn; nyɛ́n bɩce nyɛ́n nyran hɔ̀n, kɩ Ɔwɔ mán ke le bɩce nyɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 28:2

Nanvrɛn anmàn-bɔ̀ lɔ ẅɛn bɔ̀ anvrɛnvrɛn: ɔmuhi ɛnshi bukru kɛ nàn, kɩ ɔwrɔ̀ mán ke cüe nɔn, yɔ kɛ́n ɛnhyà vri tɔ̀n kɩ bɔ́ gbrɛnkɛn ɛnhyà lɔ ɔmùan.

Rɔmɛ̀n-anmàn-bɔ̀ 12:10

Nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n léyi kɛ cüɛn y'edomɛ̀n nɔn; nyɛ́n wá ny'edomɛ̀n ecüɛn mɛ̀n.

1 Korɛntɛ̀n anmàn-bɔ̀ 13:4

Ɔwrɔn léyi ẅɛn ɛcüɛ̀n nɔn, nɛ̀n dú ɛnbɔrɛ-ẅɛ̀n-hɛ́n-wrɔn kɩ nɛ̀n zrɔ, ɔwrɔn-ci ke sɩ́ cüɛn nɛ̀n ɛvɛ̀, nɛ́n sɩ́ gbú ɔmùan kɩ nɛ́n sɩ́ hán ɛgbúgbú-ci;

2 Korɛntɛ̀n anmàn-bɔ̀ 2:10

Ɛnvra léyi nyɛ́n bɩ́ ɛgbàn nye ce ɔwrɔn tɔ̀n, mɛ̀n mán me bɩ́ ce nɛ̀n. Kɩ ke dú kɛ me bɩ́ ɛgbàn me ce, (andɛ̀n mùan léyi ke ji le mɛ̀n bɩ ce eci tɔ̀n mɛ̀n nɔn) mɛ hán nɛ̀n ny'ɛkruhú, Krisì zìwú,

2 Korɛntɛ̀n anmàn-bɔ̀ 2:7

hɩ le kruhú de ke ji le zɛtɛ̀ lɔ, nyɛ́n bɩ́ ɛgbàn nyɛ́n ce nɛ̀n, nyɛ́n yɩ́ nɛ̀n edù, ô nɛ́n bɩ́ dú obòtò vriemɛ̀n, kɛ hán tán n'esɛ́ lɔ fɛn kɛ hɔ́n ɛzrɛ́n mɛ̀n.

2 Korɛntɛ̀n anmàn-bɔ̀ 6:6

Bɔ́ yé bɔ́ edomɛ̀n Ɔwɔ ci-bìtan-bɔ̀ fifi hɔ̀n, bɔ́ enyri-cùɛn-tan mɛ̀n, bɔ́ ɛnbɔrɛ-ẅɛ̀n-hɛ́n mán bɔ́ ɛnbɔrɛ-wɔwɔ mɛ̀n, Ɛnhɛ́n Prɔnprɔn cüìemɛ̀n, bɔ́ ɛcüɛn-bɔrɛ annanwɔrɛ mɛ̀n,

Efɛzɛ̀n anmàn-bɔ̀ 5:1

Ɔmuhi nyɛ́n dú ɛẅì hɔ̀n léyi Ɔwɔ kɛ cüɛ̀n nɔn, nyɛ́n hán kèkrèmɛ̀n nyɛ́n dù kɛ̀ hán nɛ́n hɔ́.

Zhakɛ̀n 5:11

Bɔ̀ krɛ́ yɔ ɛnbɔrɛ-bru-bɔ̀, ɔmuhi yɔ ẅɛn nɛ̀n ɛshishiemɛ̀n yɔ hɛ́n nɔn. Nyɛ́n yá yɛ dɔ́ Zhɔbɛ̀n bɔrɛ-ẅɛ̀n-hɛ́n ankà, kɩ nyɛ́n nyri eci léyi Ɔwɔ tán nɛ̀n ɛmɛẅi trɔ vra lɔ nɔn. Annànwɔrɛ mɛ̀n, ɛnhyɔ̀bɔ̀-nyrì mán ɛnbɔrɛ-wɔ̀ yɩ́ Ɛẅɛnwrɔn ɛmɛ̀n.

2 Piɛrɛ̀n 1:7

ɔtrɔ mɛ̀n lɔ, Ɔwɔ mɛ̀n dù lɔ, nyɛ́n tán nɛ̀n ɔwrɔn nɛ́n-muan-ẅì cüɛ̀n kɩ ɔwrɔn nɛ́n-muan-ẅì cüɛ̀n lɔ, nyɛ́n tán ɛcüɛ̀n.

1 Zhan 1:9

Tɛ́n ke dú kɛ bɔ́ krɛ́ bɔ́ ɛgbàn hɔ̀n lɔ, bɔ́ lɛ ẅɛn esɛ́ Ɔwɔ mɛ̀n tɛ̀, ɔmuhi nɛ̀n dú ɛnnyrɔnnan-wrɔn nɔn: ne le ce bɔ̀ bɔ́ ɛgbàn hɔ̀n lɔ kɩ ne le jru bɔ̀ ɛgbàn lɔ fɛn edomɛ̀n.

1 Zhan 2:12

Me merɛ́n nyɛ̀n owrú m'ɛwì hɔ̀n, ɔmuhi ny'ɛgbàn hɔ̀n lɔ bɩ́ ce nyɛ̀n Zhezü Krisì bɩmɛ̀n nɔn.