Efɛzɛ̀n anmàn-bɔ̀ 4:31 - Ɛmɛẅi ankà ankrànkràn 2003

³¹ Nyɛ́n wrɔ́ esù she ny'ɛtɛ̀sɛ̀n, ankà-tro drɔ lɔ fɛn, edòmɛ̀n-wú-ci lɔ fɛn, ɛmɛ̀nhyì-bɩ lɔ fɛn, bobo-dì mán ɔwɔra hɔ̀n lɔ fɛn. Nyɛ́n cɔhɔ́ anbɔrɛ-ci-hán mɛ̀ntɛ mɛ̀ntɛ lɔ fɛn mɛ̀n.

Efɛzɛ̀n anmàn-bɔ̀ 4:31 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 21:30

Ɛdrɛ̀-ankà lɔ, bonyi anmàn mumù lɔ fɛn kɩ anwrɔn dú ɛyri lɔ fɛn nvà. Anwrɔn ẅɛn Pɔlɛ̀n kɩ wán nɛ̀n sɩ́ ɛntrɛ, kɩ ɛnvra zri lɔ yɔ sɛ́n Ɔwɔ-cice-wɔn lɔ esù.

Rɔmɛ̀n-anmàn-bɔ̀ 3:14

ɛẅìɛ-dà drɔ yɩ́ y'ɔmùan lɔ mɛ̀n.

1 Korɛntɛ̀n anmàn-bɔ̀ 14:20

Anwrɔn-nɛ́n-muan-ẅì hɔ̀n nyɛ́n bɩ́ tro ankà kɛ hán ɛẅì hɔ̀n hɔ́; nyɛ́n srɔ ɛẅì hɔ̀n ɛgbàn tɛ̀sɛ̀n, tɛ́n nyɛ́n srɔ anwrɔn cüìcüì hɔ̀n ny'ankà-tro mɛ̀n.

1 Korɛntɛ̀n anmàn-bɔ̀ 5:8

Bɔ̀ koran b'ɔkoran bì lɔ, kè sɩ̀ dù hɩ mán abùtùkumɛ́n léyi ɛgbàn ci-fɔ́-ci mán esùnàn gbàngbàn dú ɛmɛ̀n nɔn, tɛ́n hɩ mán abùtùkumɛ́n léyi eci-fɔ́-ci bàda ɛmɛ̀n, hɩ ɛfifi mán annanwɔrɛ dú ɛmɛ̀n nɔn.

2 Korɛntɛ̀n anmàn-bɔ̀ 12:20

Mɛ ẅɛn anjansù le, ɛnvra léyi me le bru ny'edúyri nɔn, mɛ́n sɩ̀ cɔ́ nyɛ̀n kɛ hán ɔmu le me ji nɔn, kɩ nyɛ́n mán nyɛ́n sɩ̀ cɔ́ mɛ̀n kɛ hán ɔmu le nye ji nɔn. Mɛ ẅɛn ɛnjansù le ɛdrɛ̀ hɔ̀n mán ecüì-hi-kɔ̀n, ɛmɛ̀nhyì mán annankran hɔ̀n, ɔwora hɔ̀n mán ɛyɔ̀n ankà-dɔ̀ hɔ̀n, tùtre mán ɛgbàzhrà ke le dú nyɛ̀n ɛmɛ̀n.

Galasi anmàn-bɔ̀ 5:20

antɛ̀-buri-wɔ-sɛ̀n mán seke-kɔhɔ̀n-hán mɛ̀n. Anwrɔnẅì ke gbri y'edomɛ̀n, ke sî y'edomɛ̀n ankà kɩ kɛ kɔ́n ecüì-hi, yɔ dú ɛmɛ̀nhyì mán annankran kɔrɛ-levri wú. Yɔ grɔ y'edomɛ̀n ɔkpɔsɔ ɔkpɔsɔ ezì-kɛ́n-mɛ̀n;

Efɛzɛ̀n anmàn-bɔ̀ 4:22

Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn.

Efɛzɛ̀n anmàn-bɔ̀ 4:25

Hɩ kruhú, nyɛ́n kɔ́n ɛyɔ̀n-ankà nyɛ́n cüe! Ke ji le ɔwrɔnwrɔn kɛ̀ dɔ́ nɛ́n nyran ankà annanwɔrɛ, ɔmuhi bɔ́ lɛ fɛn bɔ̀ dú edùwrú zri mɛ̀n-bɔ̀ nɔn.

Efɛzɛ̀n anmàn-bɔ̀ 4:26

Ke dú kɛ nye bɩ́ ɛmɛ̀nhyì hô, nyɛ́n bɩ́ hán ɛgbàn; ny'ɛmɛ̀nhyì-bɩ̀ lɔ kɛ̀ vá ɛnhi yakɛ́ ɛnbri kè bore.

Kɔlɔsèn anmàn-bɔ̀ 3:19

Wúcɔ̀, nyɛ́n cüɛn nyɛ́n hi hɔ̀n, ô nyɛ́n bɩ́ yé yɔ ezì gbàngbàn.

Kɔlɔsèn anmàn-bɔ̀ 3:8

Tɛ́n zɛtɛ̀ lɔ, nyɛ́n kɔ́n eci ndɔ lɔ fɛn nyɛ́n cüe: ɛmɛ̀nhyì, ɛmɛ̀nhyì-wá mán anbɔrɛ-ci. Ke sɩ́ ji le ɔwra mán ankà-dɔ̀ gbàngbàn zriɛmɛ́n kè dú ny'ɔmùan lɔ mɛ̀n kɛ̀ srɔ ɛntrɛ.

Kpàkpà timote 3:11

Yɔ wúyɔ̀ mán ke ji le kɛ̀ ẅɛn ɛwá; ô ke bɩ́ hán ankà-sɩ́ kɔ̀hɔ̀n; yɔ bɩ́ zî ɛci cüì, ô eci lɔ fɛn mɛ̀n lɔ yɔ di ɔmùanzri.

Kpàkpà timote 3:3

ke sɩ́ ji le nɛ̀n dú ɛntàn-mi-wrɔn mán eji-kɔ́n-wrɔn, tɛ́n nɛ̀n dú ɛnbɔrɛ-wɔ-wrɔn, ô nɛ̀n hán anwɔwɔ kɔhɔ̀n; ɔkùa ke bɩ́ dú n'ɛvɛ̀-cüɛn-ci;

Kpàkpà timote 5:13

Kɩ ɛnvra léyi yɔ sɩ̀ vrù ẅɛ̀n eci zriɛmɛ́n hán nɔn, yɔ ẅɛn eci-hán wrù kɩ yɔ ci ebɩ́-bɩ́; tɛ́n eci léyi zeze krɛgbàn nɔn, yɔ srɔ ɛdrɛ́ wúyɔ̀ kɩ yɔ dɔ́ ankà lɔ fɛn, yɔ dɔ́ ankà léyi ke sɩ́ crɛ nyan yɔ nɔn.

Anhyrɛmɛ̀n timote 2:23

Tɛ́n è teze nmù mán ɔbrɔ̀sà cüìwrɔn hɔ̀n lɔ: è nyri ɔmu le yɔ sɩ́ ɛdrɛ̀.

Anhyrɛmɛ̀n timote 3:3

yɔ lɛ ẅɛn ɛnkru shishi, ɛnhyɔ̀bɔ̀-nyrì ke sɩ̀ dú yɔ ɛmɛ̀n, yɔ lɛ ẅɛn ɛyɔ̀n ku anwrɔn ɛwú, yɔ lɛ hán ɛnkru-fé ci, yɔ lɛ ẅɛn anbɔrɛ kɩ yɔ le dú eci ankrankran gbri-bɔ̀;

Titɛ̀n 1:7

Annànwɔrɛ mɛ̀n lɔ Ɔwɔ-wrɔn cüìcüì dú Ɔwrɔn léyi kɛ bɔsɔ Ɔwɔ ci hɔ̀n lɔ fɛn anvrɛnvrɛn mɛ̀n; kɩ ke sɩ́ ji le yɛ cɔ́ eci-hán gbàngbàn zriɛmɛ́n n'ɛwú, nɛ́n bɩ́ hán ɛvrivri ci, nɛ́n dú ɛmɛ̀nhyɩ̀-bɩ́-wrɔn, nɛ́n dú ɛntàn-mi-wrɔn, nɛ́n dú eji-kɔ́n-wrɔn, nɛ́n dú ɔkùa-yerɛ kɔ̀hɔ̀n-hán-wrɔn.

Titɛ̀n 2:3

Ɔmu zri lɔ, ɛ̀ dɔ́ nɛ̀ngbànvri-wúyɔ̀ hɔ̀n le, y'esùnansù kè dú prɔnprɔn mɛ̀n. Ke sɩ́ ji le ye dú ɛdrɛ̀-hán-wúyɔ̀ mán ɛntàn wɔ̀n-hi hɔ̀n. Ke ji le yɔ woro ankà ankrankran yɔ yé anwrɔn,

Zhakɛ̀n 1:19

Anwrɔn-nɛ́n-muan-ẅì hɔ̀n, kè bru nyɛ̀n le: ke ji le ɔwrɔnwrɔn ke bɩ́ wú edù n'ankà nukù-diemɛ̀n, tɛ́n nɛ̀n vrá, yakɛ nɛ̀n dɔ́ ankà, kɩ ke sɩ́ ji le nɛ́n gɔ́ bɩ́ ɛmɛ̀nhyì,

Zhakɛ̀n 3:14

Tɛ́n, ke dú kɛ nyɛ́n ẅɛn ecüìhi-kɔ̀n drɔ ny'ɛnbɔrɛ lɔ mɛ̀n, mán ecüìwrɔn hɛ́n, nyɛ́n bɩ́ mrɛ́n ny'edomɛ̀n, ô nyɛ́n ẅɛn ɔyɔ̀n nyɛ́n ku annanwɔrɛ wú.

Zhakɛ̀n 4:11

Anwrɔn-nɛ́n-muan-ẅì hɔ̀n nyɛ́n bɩ́ dɔ́ ny'edomɛ̀n ankà gbàngbàn. Ɔwrɔn léyi kɛ dɔ́ nɛ́n muan-ẅì ankà gbàngbàn, hɩ ke ci nɛ̀n ɛmrɛ̀n nɔn, nɛ dɔ́ Ɔwɔ nyànmàn ankà-gbàn kɩ ne ci ɛnyanmàn ɛmrɛ̀n. Ke dú ɔmu lɔ hô, ɛ srɔ v'edòmɛ̀n ɛnyanmàn mrɛ̀n-ci-wrɔn, kɩ è sɩ̀ dù ɔwrɔn léyi kɛ ẅɛn ɛnyanmàn-wá nɔn.

1 Piɛrɛ̀n 2:1

Zɛtɛn eci lɔ fɛn léyi dú ɛgbàndì, ɛyɔ̀n, amùan-anhyrɛ̀-dì, ecüì-hi-kɔ̀n mán ɔwrɔn ankà-gbangbàn-dɔ̀, ndɔ lɔ fɛn nyɛ́n kɔ̀n cüe.

1 Zhan 3:12

Ke sɩ́ ji le bò dù kɛ̀ hán Kaɛ́n hɔ́; nɛ̀n dú Eci-gbàngbàn tɛn, kɩ nɛ̀n wri nɛ́n muan-ẅì. Kɩ cɛci kruhú kɛ ne wri yi hɛ́? Ɔmuhi Kaɛ́n ci-hán hɔ̀n lɔ fɛn dú ɛgbàn, tɛ́n nɛ́n muan-ẅì tɛn lɔ dú ɛnyrɔnnan mɛ̀n.

1 Zhan 3:15

Ɔwrɔn totɔtɔ̀n léyi kɛ ẅɛn nɛ́n muan-ẅì gbri nɔn, nɛ́n dú ɔwrɔn-wri-wrɔn tɔ̀n kɩ nyɛ́n nyrì le ɔwrɔn-wri-wrɔn lɔ, ɛwúvà léyi ke sɩ́ trɔa nɔn bàda nɛ̀n ɛmɛ̀n.

Ɔwɔ-mɛ̀n-yrikàn 12:10

Zɛtɛn mɛ̀n yá esùva cüìcüì tɔ̀n dú anhobɩ́ kɛ dɔ̀ le: “Zɛtɛ̀ lɔ ɛnkrukɔrɛ̀ vra ncɔ̀a! Zɛtɛ̀ lɔ b'Ɔwɔ lɔ yé n'ɛkɔrɛ̀srɔn mán n'ɛyri-ẅɛ̀n! Zɛtɛ̀ lɔ ɛkɔrɛlevri dú n'Ebɩdie-wrɔn antamɛ̀n. Ɔmuhi ye dú anhobɩ́ yɛ kɔ́n nɛ̀n ze, nɛ́n léyi nɛ ẅɛn ɛyɔ̀n tán bɔ́ muan-ẅì hɔ̀n, ɛnnyran mán ɛcɛ̀n b'Ɔwɔ zìwú nɔn.