Efɛzɛ̀n anmàn-bɔ̀ 4:30 - Ɛmɛẅi ankà ankrànkràn 2003

³⁰ Nyɛ́n bɩ́ hán Ɛnhɛ́n Prɔnprɔn léyi Ɔwɔ tán nyɛ̀n nɔn ɛnhyɔ̀bɔ̀ kɛ cɔ̀a; nɛ̀n dú dalɛfùɛ-di-wrɔn léyi ke yé le ɛnbì kɛ lɛ và, Ɔwɔ kɛ lɛ mrɛ́n nyɛ̀n ɛgbàn mɛ̀n kokroho kɛ̀ sɔhɔ́.

Efɛzɛ̀n anmàn-bɔ̀ 4:30 Iomraidhean Croise

Markɛ̀n 3:5

Zhezü kɛ nyan yɔ lɔ fɛn ɛmɛ̀nhyiemɛ̀n; kɩ nɛ̀n vru nɛ̀n dú obòto mɛ̀n y'ankà-tro gbàngbàn ẅɛ̀n kruhú. Zɛtɛn nɛ dɔ́ ɛnlɔẅiɛ-wrɔn lɔ le: “Sɩ̀ v'ɛkɔrɛ̀ lɔ ezì.” Ɔwrɔn lɔ sɩ́ ɛkɔrɛ̀ ezì kɩ ɛkɔrɛ̀ lɔ wore.

Lükɛ̀n 21:28

Ɛnvra léyi ɛci ndɔ hɔ̀n lɔ kɛ lɛ bukru nɔn, nyɛ́n nyrɔn-yɛ́, ô nyɛ́n sɩ́ ɛnkru ɛwú, ɔmuhi ny'ebɩ̀die vra kɛ lɛ kɛ́n eburi nɔn.”

Zhan 3:33

Ɔwrɔn léyi ke shri nɛ́n dalɛfuɛ-dì lɔ nɔn, ke yé tán le Ɔwɔ kɛ dɔ́ ankà annanwɔrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 7:51

Nyɛ́n, ɛnkru shishi-bɔ̀ léyi, ɛnborɛ mán nukù nsɩ́ Ɔwɔ ankà-yá mɛ̀n, nyɛ kɛ́n ɛnvra lɔ fɛn Ɛnhɛ́n-Prɔnprɔn ezì! Nyɛ́n dù nyɛ́n hán nyɛ́n nancüì hɔ̀n hɔ́!

Rɔmɛ̀n-anmàn-bɔ̀ 8:11

Ke dú kɛ Ɔwrɔn léyi bɩ́ Zhezü owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, n'Ɛnhɛ́n lɔ dú nyɛ̀n ɛmɛ̀n hô, zɛtɛn Ɔwɔ léyi bɩ́ Krisì owú-bɔ̀ mɛ̀n sɩ́ ɔkɔrɛ-bɔ̀ mɛ̀n nɔn, kɛ lɛ tán ny'owú-dùwrú hɔ̀n lɔ ɛwúvà-kɔrɛ̀ n'Ɛnhɛ́n léyi dú nyɛ̀n ɛmɛ̀n nɔn n'ebɩmɛ̀n.

Rɔmɛ̀n-anmàn-bɔ̀ 8:23

Tɛ́n kè sɩ̀ dù Ɔwɔ kɔrɛ̀-ci zri kɩ: bɔ́ léyi bɔ́ gɔ̀ cɔ́ Ɛnhɛ́n Prɔnprɔn, dú ɛnvrakpà Wɔ cice-ci nɔn, bɔ́ mán bɔ́ srɔ́n nwàn ɛmɛ̀ntɛ̀ mɛ̀n bɔ́ hɛ́n, kɩ bɔ́ vrá, Ɔwɔ kɛ̀ hán bɔ̀, bɔ̀ srɔ n'ɛẅì hɔ̀n, ô kɛ̀ tán bɔ̀ ebɩdie léyi sá nmù nɔn.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 15:54

Ɛnvra léyi eci léyi dú ɛjrɛ́-ci ke le bɩ́ eci léyi ke sɩ́ jrɛ́a kɛ̀ vá edòmɛ̀n nɔn, kɩ eci léyi dú owù ci, ke bɩ́ eci léyi ke sɩ́ wúɛ kɛ vá edomɛ̀n nɔn, zɛtɛn Owrú Prɔnprɔn ankà-dɔ̀ ndɔ lɔ kɛ lɛ sá nmù: “Owù cɔhɔ́; ɔkɔ̀nkà sɛ́n nmù!”

1 Tesalonikɛ̀n anmàn-bɔ̀ 5:19

Nyɛ́n bɩ́ kɛ́n Ɛnhɛ́n Prɔnprɔn kɔ̀hɔ̀n lɔ nyɛ́n hɛ́n hán;

Ebre-bɔ̀ 10:29

Zɛtɛn, anhɔntan de kɛ lɛ hán kè dù tán ɔwrɔn léyi kɛ ẅɛn Ɔwɔ Ẅì gbrì, kɩ ke bɩ́ nɛ́n mìrɛ̀n-krɛ̀ léyi hɩ ɛmɛ̀n nɛ̀n cɔ́ edòmɛ̀n fí, kɩ kɛ wɔra Ɛnhɛ́n Prɔnprɔn léyi dú boafɔ̀n shibɛ́, hɩ ke bɩ́ nɛ̀n kɛ srɔ eci woro nɛ́n? Nyɛ́n ku anvɛ̀ nyɛ́n nyan ɛgbàn ẅɔ̀ɛn-dì vri shishi léyi ke le dú nɛ tɛn nɔn!

Ebre-bɔ̀ 3:10

Hɩ le kruhú de mɛ̀n bɩ́ ɛmɛ̀nhyì ku anwrɔn ndɔ hɔ̀n lɔ ɛwú, kɩ mɛ́n dɔ̀ le: ‘Y'ankàtro dú ɛzɛ́n mɛ̀n ɛnvra lɔ fɛn, yɔ sɩ̀ nyrì eci léyi me ji yɔ yri nɔn.’

Ebre-bɔ̀ 3:17

Antɔn hɔ̀n de Ɔwɔ bɩ́ ɛmɛ̀nhyì ɛtɛ̀sɛ̀n annanwàn kru ɛkoẅi-anhyrɛmɛ̀n nɛ́n? Nɛ̀n bɩ́ ɛmɛ̀nhyì nɛ̀n ku anwrɔn hɔ̀n léyi hán ɛgbàn kɩ wú nanvrɛn ɛnnùwì lɔ nɔn.