Efɛzɛ̀n anmàn-bɔ̀ 4:29 - Ɛmɛẅi ankà ankrànkràn 2003

²⁹ Ankà-dɔ̀ gbàngbàn zriɛmɛ́n ke bɩ́ dú ny'ɔmùan lɔ mɛ̀n kɛ srɔa; nyɛ́n dɔ́ ankà ankrànkràn léyi kɛ wá ɛkɔrɛ̀ hɩ ke yɩ́ ɔwrɔn edù, ô ɔmu lɔ anwrɔn hɔ̀n léyi ke die nyɛ̀n nukùɛ nɔn, nyɛ́n hán yɔ anvrɛn.

Efɛzɛ̀n anmàn-bɔ̀ 4:29 Iomraidhean Croise

Matie 5:16

Ɔmu lɔ de ke ji le ny'ɛyri-kàn lɔ kɛ̀ gbrɛ́n anwrɔnẅì zìwú, ô yɔ kán anvrɛn léyi nyɛ hán, ô yɔ mrɛ́n nyɛ́n Zi léyi dú anhobɩ́ nɔn.”

Lükɛ̀n 4:22

Yɔ lɔ fɛn lɔ yɔ dɔ́ ecizrɔ ankà yɔ tán Zhezü, kɩ ye dú anvɛmɛ̀n-frɛ́n mɛ̀n, n'ankà anvrɛnvrɛn léyi nɛ dɔ̀ nɔn, hɩ kruhú yɔ dɔ̀ le: “Kɛ̂ kè sɩ̀ dù Zhozɛfɛ̀n ẅì lɔa?”

Zhan 1:37

Zhan sɛnkɛn-bɔ̀ anhyrɛ̀ lɔ yá ankà léyi nɛ́n dɔ̀ nɔn kɩ yɔ kɛ́n Zhezü esɛ̀n yɔ hɔ̀n.

Rɔmɛ̀n-anmàn-bɔ̀ 14:19

Bɔ̀ ji eci léyi kɛ tán anwɔwɔ, hɩ kɛ tán bɔ̀ ɛkɔrɛ̀-levri bɔ̀ sɔ̀nba ankaẅì-bùtan tɛ̀sɛ̀n nɔn.

Rɔmɛ̀n-anmàn-bɔ̀ 15:2

Ke ji le ɔwrɔnwrɔn ke ji ɛyri, ô kɛ̀ cɔ́ nɛ́n nyran cüɛ̀n, kè dú n'anvrɛn, ô kɛ̀ hán nɛ̀n, nɛ̀n hɔ́n ezì ankaẅì-bùtan mɛ̀n.

1 Korɛntɛ̀n anmàn-bɔ̀ 14:19

Tɛ́n, Ɔwɔ-fɛcüè zìwú, mɛ cüɛn ɔmu le mɛ̀n dɔ́ ankà-yá-ankà ɛnrì, ô mɛ̀n yé anwrɔn ndɔ hɔ̀n ankà, zrɔ vrán ankà bobrebe léyi mɛ lɛ dɔ́ ɛnbrɛ̀ nyàntɛn hɔ̀n mɛ̀n nɔn.

Efɛzɛ̀n anmàn-bɔ̀ 4:12

Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn.

Efɛzɛ̀n anmàn-bɔ̀ 4:16

N'ɛkɔrɛ̀-levriemɛ̀n de edùwrú-ẅia dú eci léyi edù sɔ́, hɩ dú ɔbɔ̀sɔmɛ̀n anvrɛnvrɛn nɛ́n mán edùwrú mumù lɔ fɛn mɛhi. Ɔmu lɔ de, ɛnvra léyi edùwrú ci-hɔ̀n lɔ fɛn ke dú esùnanmɛ̀n anvrɛnvrɛn kɛ hán ɔmu le ke ji nɔn, edùwrú-ẅia lɔ fɛn ke dú ɛsɔ́ mɛ̀n kɩ kɛ cɔ́ ecüì ɛcüɛn mɛ̀n.

Kɔlɔsèn anmàn-bɔ̀ 4:6

Ke ji le ny'ɔmùan-ankà-dɔ̀ kɛ̀ zrɔ anwrɔn, ô kɛ̀ ẅɛn vɔ̀nshɛ́; nyɛ́n nyrì mrɛ́n ɔwrɔnwrɔn ɔmùan anvrɛnvrɛn.

1 Tesalonikɛ̀n anmàn-bɔ̀ 5:11

Ɔmu lɔ, nyɛ́n yɩ́ ny'edomɛ̀n edù, ô nyɛ́n tán ny'edomɛ̀n ecüì ankaẅì-bùtan mɛ̀n, hán ɔmu le nyɛ́n gɔ̀ hán nɔn.

1 Piɛrɛ̀n 2:12

Nyɛ́n ẅɛn esunàn ankrankran anwrɔn hɔ̀n léyi kè sɩ̀ nyrì Ɔwɔ nɔn y'ɛtɛ̀sɛ̀n; ɔmu lɔ de, ke dú kɛ yɔ ẅɛn ɛyɔ̀n yɔ ku nyɛ̀n ɛwú, yɔ dɔ̀ le nyɛ́n dú eci-gbàngbàn hán-bɔ̀, ô ɔtrɔ mɛ̀n lɔ, yɔ le nyri ɛci ankrankran hɔ̀n léyi nyɛ́n hán nɔn, kɩ yɔ lɛ mrɛ́n Ɔwɔ, ɛnbì léyi dú n'ɛvá bì nɔn.

1 Piɛrɛ̀n 3:1

Wúyɔ nyɛ́n mán ɔmu zri lɔ, nyɛ́n sɩ́ ny'edomɛ̀n ɛnhi nyɛ́n tán nyɛ́n cüi hɔ̀n, ô ke dú kɛ ɛnjanbɔ̀ y'ɛmɛ̀n lɔ, ke sɩ́ bú Ɔwɔ ankà kɛ tán ankàẅì hô, ny'esùnàn anvrɛnvrɛn kɛ̀ hán tán yɔ cɔ́ ankaẅìbùtan. Ankà-dɔ̀ mán, ke sɩ̀ dú eci zriɛmɛ́n y'ɛwú:

2 Piɛrɛ̀n 2:18

Yɔ dɔ́ ankà woro hɔ̀n ke sevri, kɩ ke sɩ́ ẅɛn ɛnkru, yɔ bɩ́ y'anvɛvrà ankàtro hɔ̀n lɔ yɔ krɔ́n antanwrɔn ô yɔ ẅɛn anwrɔn hɔ̀n léyi ɛnvra bruemɛ̀n srɛ́ di fɛcüè ci-gbàngbàn-hán-bɔ̀ léyi dú ɛzɛ́n mɛ̀n nɔn anta.