Efɛzɛ̀n anmàn-bɔ̀ 4:22 - Ɛmɛẅi ankà ankrànkràn 2003

²² Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn.

Efɛzɛ̀n anmàn-bɔ̀ 4:22 Iomraidhean Croise

Rɔmɛ̀n-anmàn-bɔ̀ 6:6

Ke ji le bɔ́ nyri ankà ndɔ lɔ anvrɛnvrɛn: anwrɔnẅì léyi dú bɔ̀ ɛnkrubɔmɛ̀n nɔn, bɔ́ mán Krisì mɛhi ye di bɔ̀ owúemɛ̀n ɛgbàn-hán-tɛ̀ domɛ̀n, ô bɔ́ ɛgbàn-dù-cì lɔ yɛ jrɛ́ nɛ̀n, ô bɔ́ bɩ́ vru dú ɛgbàn-wɔ̀n-bɔ̀.

Rɔmɛ̀n-anmàn-bɔ̀ 7:11

Ɔmuhi ɛgbàn ci ɛnyànmàn kɔrɛ̀-levri wú kɩ frɛ́n mɛ̀n, kɩ n'ɛmɛ̀n lɔ nɛ̀n hán mɛ̀n mɛ́n wù.

2 Korɛntɛ̀n anmàn-bɔ̀ 11:3

Tɛ́n, hán ɔmu le Ɛvɛ̀n teze n'edomɛ̀n bru ɛnlɛbrì tanwrɔn lɔ mɛ̀n nɔn, mɛ ẅɛn ɛnjansù le, ny'ɛnkruemɛ̀n-ẅɛ̀n ke bɩ́ jrɛ́a, ô ke sɩ́ nyɛ̀n esù she Krisì cüɛ̀n-mùan-zri-dì fifi lɔ tɛ̀sɛ̀n.

Galasi anmàn-bɔ̀ 1:13

Nyɛ́n yá yɛ dɔ́ eci léyi mɛ hán ɛnvra léyi mɛ̀n vru mɛ̀n dú Zhüifɛ̀n-bɔ̀ wɔ-sɛ̀n lɔ mɛ̀n nɔn. Nyɛ́n nyri ɔmu le mɛ kɔ́n Ɔwɔ-fɛcüè-bɔ̀ anhà ɛshishiemɛ̀n kɩ mɛ hán kèkrèmɛ̀n, ô mɛ̀n jrɛ́ yɔ.

Efɛzɛ̀n anmàn-bɔ̀ 2:3

Bɔ́ lɔ fɛn bɔ́ gó dù hán yɔ hɔ́, bɔ́ hán eci léyi bɔ́ edùwru mán bɔ́ ɛnhɛ́n ke ji nɔn. Ɔmu lɔ de, ɔwrɔnẅì dù léyi bɔ́ dù nɔn, hɩ le kruhú de yɛ wá bɔ̀ Ɔwɔ mrɛ̀ncì lɔ mɛ̀n hán anwrɔn ndɔ hɔ̀n lɔ hɔ́.

Efɛzɛ̀n anmàn-bɔ̀ 4:17

Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn.

Efɛzɛ̀n anmàn-bɔ̀ 4:25

Hɩ kruhú, nyɛ́n kɔ́n ɛyɔ̀n-ankà nyɛ́n cüe! Ke ji le ɔwrɔnwrɔn kɛ̀ dɔ́ nɛ́n nyran ankà annanwɔrɛ, ɔmuhi bɔ́ lɛ fɛn bɔ̀ dú edùwrú zri mɛ̀n-bɔ̀ nɔn.

Efɛzɛ̀n anmàn-bɔ̀ 4:31

Nyɛ́n wrɔ́ esù she ny'ɛtɛ̀sɛ̀n, ankà-tro drɔ lɔ fɛn, edòmɛ̀n-wú-ci lɔ fɛn, ɛmɛ̀nhyì-bɩ lɔ fɛn, bobo-dì mán ɔwɔra hɔ̀n lɔ fɛn. Nyɛ́n cɔhɔ́ anbɔrɛ-ci-hán mɛ̀ntɛ mɛ̀ntɛ lɔ fɛn mɛ̀n.

Kɔlɔsèn anmàn-bɔ̀ 2:11

Nɛ́n mán nyɛ́n mɛhi ny'ɔbɔ̀sɔ̀ lɔ mɛ̀n, ye wi nyɛ̀n wúcɔ̀-domɛ̀n, kè sɩ̀ dù wùcɔ́-domɛ̀n-wì léyi anwrɔnẅì kɛ hán nɔn, tɛ́n wúcɔ̀-domɛ̀n-wì léyi dú Krisì yri và hɩ kɛ mrɛ́n bɔ́ edomɛ̀n gbàn lɔ sɔhɔ́ nɔn.

Titɛ̀n 3:3

Ɔmuhi bɔ́ mán, ɛnkrubɔmɛ̀n lɔ bɔ̀ dú ɔbɔ̀rɛsà-bɔ̀, bɔ́ sɩ́ die ankà nukùɛ, kɩ bɔ̀ dú ɛzɛ́n mɛ̀n nɔn. Bɔ́ gɔ̀ dú ankà-tro mɛ̀ntɛ mɛ̀ntɛ mán pɔpüɛ̀-brà wɔ̀n-bɔ̀; bɔ̀ ẅɛn anbɔrɛ wúvà kɩ ɔwrɔn ci kɛ cüɛn bɔ̀ ɛvɛ̀; bɔ́ hán ye gbri bɔ̀ kɩ yɔ mán bɔ́ gbri bɔ́ edòmɛ̀n.

Ebre-bɔ̀ 12:1

Bɔ tɛn, fɛcüè vri ndɔ léyi dú bɔ́ dalɛfùɛ-di-bɔ̀ nɔn, de gbrɛnkɛn bɔ̀ ɔmùan nɔn. Bɔ̀ ẅɛn eci lɔ fɛn léyi kɛ hán bɔ́ esùnan lɔ kɛ srɔn nɔn bɔ̀ sɔhɔ́, annànnàn le ɛgbàn léyi kɛ brɛ́ bɔ̀ edomɛ̀n hɩ ke sɩ́ tán bɔ̀ esù anvrɛnvrɛn nán yri, ô bɔ̀ bɩ́ ɛnbɔrɛ zriemɛ̀n ɛsrɛ́ léyi yɛ wá tán bɔ̀ nɔn ô bɔ̀ hán n'eci.

Ebre-bɔ̀ 3:13

Nyɛ́n yɩ́ ny'edomɛ̀n edù ɛnbɩ̀ lɔ fɛn, hàn mán kɛ̀ cɔ́ “Ɛnyɔncì” léyi Owrú kɛ dɔ́ n'ankà, ô ny'ɛmɛ̀n lɔ ɔwrɔn zriɛmɛ́n ke bɩ́ krɔ ankà yá, ke teze n'edomɛ̀n ɛgbàn kɛ frɛ́n nɛ̀n.

Zhakɛ̀n 1:21

Hɩ le kruhú de ke ji le, nyɛ́n kɔ́n ɛci hɔ̀n lɔ fɛn léyi kɛ wá ɛnbrá edomɛ̀n, hɩ kɛ tán eci-gbàngbàn-hán nɔn, nyɛ́n cüe. Nyɛ́n shrì nyɛ́n sɩ́ ny'edomɛ̀n ɛnhi, ô nyɛ́n bɩ́ Ɔwɔ ankà léyi tɛ́ ny'ɛnbɔrɛ lɔ mɛ̀n nɔn, ɔmuhi ne le bɩ́ nyɛ̀n nɛ̀n die tɛ̀ nɔn.

Zhakɛ̀n 1:26

Ke dú kɛ ɔwrɔn ke tro le nɛ̀n dú Ɔwɔ wrɔn kɩ nɛ́n sɩ́ nyri crɛ n'ɔwɔɛ̀n lɔ ankà-dɔ́ mɛ̀n hô, nɛ̀n dú ɛzɛ́n mɛ̀n: N'Ɔwɔ kɔ̀hɔ̀n lɔ ke sɩ̀ ẅɛ̀n vɔ̀nshɛ́.

1 Piɛrɛ̀n 1:18

Annanwɔrɛ mɛ̀n lɔ, nyɛ́n nyri ɔwɔ̀ɛn-dì léyi srú nyɛ̀n ɛgbàn mɛ̀n sɔhɔ́, ny'ɔbrɔ̀sà wúvà léyi nyɛ́n nancüì hɔ̀n tán nyɛ̀n nɔn mɛ̀n. Ke sɩ̀ dù eci-jrɛ́ ci hɔ̀n léyi ndù hán ɔkùa mán ansíkɛ hɔ́,

1 Piɛrɛ̀n 4:3

Annanwɔrɛ mɛ̀n lɔ, ɛnbiɛhɛ́n vra lɔ, nyɛ́n bɩ́ ɛnvra bobrebe nyɛ́n hán ɛci hɔ̀n léyi kɛ cüɛn anwrɔn hɔ̀n léyi kè sɩ̀ nyrì Ɔwɔ nɔn ɛvɛ̀. Ny'ɛwúvà dú eci-gbàngbàn-hán mɛ̀n, ankàtro gbàngbàn hɔ̀n mɛ̀n, ɛntàn-mí-kɔ̀hɔ̀n-hán mɛ̀n, wowie-kɔ̀hɔ̀n-hán mɛ̀n, ɛci-cüì-dì-kɔ̀hɔ̀n-hán mán eci fɔ́n ci-hán léyi dú antɛ̀buri-sɛ̀n nɔn kɔhɔ̀n-hán mɛ̀n.

2 Piɛrɛ̀n 2:13

ɔmu lɔ de yɔ lɛ cɔ́ ɔwɔ̀ɛn-dì y'ɛgbàn hɔ̀n lɔ fɛn léyi yɔ hán nɔn hɩ wú. Yɔ cɔ́ yɔ pɔpüɛ̀-brà y'ankàtro gbàngbàn ci-hán mɛ̀n, ɛcɛ̀n pupu mɛ̀n; y'anwrɔn mɛ̀n dù ẅɛn anvɛvrà mán ɛnkruemɛ́n jrɛ́ ɛnvra léyi yɔ dú ɛcizîemɛ̀n yɔ mán nyɛ́n mɛhi kɩ yɔ brá ɛfrɛ́n pɔpüɛ̀.

2 Piɛrɛ̀n 2:7

Ɔtrɔmɛ̀n lɔ, nɛ̀n bɩ́ Lɔtɛ̀n léyi dú ɛnyrɔnnan-wrɔn nɔn nɛ̀n die, nɛ́n léyi nɛ́n nyran hɔ̀n ɛnkru-gbangbàn-ẅɛn-bɔ̀ lɔ, kɛ nán esù gbàngbàn yé nɔn.