Efɛzɛ̀n anmàn-bɔ̀ 4:21 - Ɛmɛẅi ankà ankrànkràn 2003

²¹ Annanwɔrɛ mɛ̀n lɔ, nyɛ́n yá ankà lɔ fɛn léyi dú Krisì tɛn nɔn, kɩ ɔmuhi, nyɛ́n dú Krisì-sɛ̀nkɛn-bɔ̀ nɔn, ye yé nyɛ̀n annanwɔrɛ ankà léyi dú Zhezü mɛ̀n nɔn.

Efɛzɛ̀n anmàn-bɔ̀ 4:21 Iomraidhean Croise

Matie 17:5

Yɔ dú ankà dɔ́ mɛ̀n, ɛnvra léyi ɛnwì-gbú tɔ̀n gbrɛ́n, kɩ vá murɛn yɔ ɛwú, kɩ ɛnwì-gbú lɔ mɛ̀n esùva tɔ̀n kɛ dɔ̀ le: “Ɔwrɔn ndɔ lɔ dú m'ɛcüɛn Ẅì léyi mɛ̀n bɩ́ mɛ́n pɔ̀püɛ̀ lɔ fɛn mɛ̀n wá ɛwú nɔn. Nyɛ́n die nɛ̀n nukùɛ!”

Lükɛ̀n 10:16

Zhezü vru kɛ dɔ́ n'ɛsɛnkɛn-bɔ̀ le: “Ɔwrɔn léyi ke die nyɛ̀n nukùɛ nɔn, ne die mɛ̀n nukù, ɔwrɔn léyi kɛ wrɔ́ nyɛ̀n ze nɔn, nɛ wrɔ́ ɔwrɔn léyi wá mɛ̀n ɔkɔhɔ̀n nɔn ze.”

Zhan 1:17

Ɔwɔ tán bɔ̀ ɛnyanmàn Mohizì tamɛ̀n; tɛ́n nboafɔ̀n mán annanwɔrɛ dú Zhezü yri vá.

Zhan 10:27

Mɛ́n kɔ̀kɔ̀sɛ̀ hɔ̀n lɔ ke die m'esùva lɔ nukùɛ; mɛ̀n nyri yɔ kɩ yɔ kɛ́n mɛ̀n ɛsɛ̀n.

Zhan 14:17

Ɛnhibù ke sɩ̀ bɩ́ nɛ̀n rɔ́, ɔmuhi nɛ́n sɩ̀ kán yi, kɩ nɛ́n sɩ̀ nyri yi rɔ́ nɔn. Tɛ́n nyɛ́n, nyɛ́n nyri nɛ̀n, ɔmuhi nɛ́n mɛhi nyɛ́n dù, kɩ nɛ̀n dú nyɛ̀n ɛmɛ̀n nɔn.

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Rɔmɛ̀n-anmàn-bɔ̀ 10:14

Tɛ́n anwɔntan de yɔ lɛ hán yɔ bi nɛ̀n ke dú kɛ yɔ sɩ̀ ẅɛ̀n ankaẅì-bùtan n'ɛwú nɛ́n? Kɩ anwɔntan de yɔ le bú n'ankà yɔ tán ankaẅì ke dú kɛ yɔ sɩ̀ yà yɛ dɔ̀ n'ankà nɛ́n? Kɩ anwɔntan de yɔ lɛ hán yɔ yá ke dú kɛ ɔwrɔn zriɛmɛ́n kè sɩ̀ dɔ́ n'ankà nɛ́n?

2 Korɛntɛ̀n anmàn-bɔ̀ 1:20

annanwɔrɛ mɛ̀n lɔ, nɛ̀n dú “Hɛ̀ɛ̀” léyi ke yé Ɔwɔ mùan-wá hɔ̀n lɔ fɛn nɔn. Zhezü Krisì bɩmɛ̀n de bɔ́ dɔ̀ le “Kè dú ɔmu lɔ”, ô bɔ̀ zrɔ Ɔwɔ eci.

2 Korɛntɛ̀n anmàn-bɔ̀ 11:10

Krisì annanwɔrɛ ankà léyi dú mɛ̀n ɛmɛ̀n nɔn, mɛ dɔ̀ le: ɔwrɔn zriɛmɛ́n ke sɩ́ mrɛ́n m'ɔmùan-gbù lɔ kɛ̀ sɔhɔ́ rɔ́, Akàhi kpɔsɔ ndɔ lɔ fɛn wú.

Efɛzɛ̀n anmàn-bɔ̀ 1:13

Nyɛ́n mán ɛnvra léyi nyɛ́n yá annanwɔrɛ Mɛẅi ankà Ankrankran léyi vá sɩ́ nyɛ̀n ɛnkrukɔrɛ̀ nɔn, nyɛ́n bú Krisì ankà nyɛ́n tán ankaẅì; zɛtɛn, Ɔwɔ wá nyɛ̀n n'eci-woroan-ci ɛwú, ɛnvra léyi nɛ̀n tán nyɛ̀n Ɛnhɛ́n Prɔnprɔn léyi nɛ̀n wá ɔmùan nɔn.

Efɛzɛ̀n anmàn-bɔ̀ 2:17

Zɛtɛn Krisì nvà, ô kɛ̀ dɔ́ anwɔwɔ Mɛẅi ankà Ankrankran kɛ̀ tán nyɛ́n léyi nyɛ́n dú esù she mán yɔ léyi yɔ dú ɛtɛ̀sɛ̀n nɔn.

Kɔlɔsèn anmàn-bɔ̀ 1:5

Ɛnvra léyi annanwɔrɛ Mɛẅi ankà Ankrankran lɔ vá cɔ́ nyɛ̀n kpàkpà bì lɔ nɔn, nyɛ́n cɔ̀ nyɛ́n nyri eci léyi Ɔwɔ wá hɛ́n nyɛ̀n anhobɩ́ nɔn: ny'ankaẅì-bùtan mán ny'ɛcüɛn-bɔrɛ dú esɛ́ ndɔ lɔ mɛ̀n srɔ.

Kɔlɔsèn anmàn-bɔ̀ 1:6

Ɛmɛẅi ankà Ankrànkràn lɔ ke bonyì kɩ ke shi ɛẅì ɛnhi mumù lɔ fɛn wú, hán ɔmu le nɛ̀n hán ny'ɛmɛ̀n, bukru kpàkpà bì léyi nyɛ́n yá yɛ dɔ́ Ɔwɔ boafɔ̀n ankà, hɩ nyɛ́n cɔ̀ nyɛ́n nyri annanwɔrɛ mɛ̀n eci léyi dú nɛ̀n nɔn.

Kɔlɔsèn anmàn-bɔ̀ 2:7

Nyɛ́n di annyràn n'ɛmɛ̀n, ô nyɛ́n bɩ́ ny'ɛwúvà lɔ fɛn nyɛ́n wá nɛ̀n ɛmɛ̀n. Nyɛ́n nyɔn ɛnvra lɔ fɛn ɛshishiemɛ̀n ankaẅì-bùtan wú, kè ci ankà-yé léyi nyɛ́n cɔ̀ nɔn hɩ wú, ô enyri-kùɛn-tán kè dú nyɛ̀n ɛmɛ̀n.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.