Efɛzɛ̀n anmàn-bɔ̀ 4:2 - Ɛmɛẅi ankà ankrànkràn 2003

² Nyɛ́n dú ɛnvra lɔ fɛn edomɛ̀n ɛnhi-sɩemɛ̀n, nyɛ́n ẅɛn ɛnbɔrɛ-wɔ̀ mán ɛnbɔrɛ-ẅɛ̀n-hɛ́n. Nyɛ́n shri ny'edomɛ̀n nyɛ́n bɩ́ ɛcüɛn mɛ̀n.

Efɛzɛ̀n anmàn-bɔ̀ 4:2 Iomraidhean Croise

Matie 11:29

Nyɛ́n bɩ́ m'ejüedì gbànkàn lɔ, ô nyɛ́n teze mɛ̀n, mɛ̀n yé nyɛ̀n ankà, ɔmuhi mɛ́n wɔ̀ kɩ mɛ́n dú ɛnhyɔ̀bɔ-wrɔn nɔn, kɩ nyɛ lɛ cɔ́ ɛwrɔncüe léyi dú nyɛ́n dùku nyɛ tɛn nɔn.

Markɛ̀n 9:19

Zhezü kɛ dɔ́ yɔ le: “Ô Nyɛ́n, ankàẅì-bùtan woro bɔ̀! Ɛnvra ɛ̀bɛ de ke ji le mɛ̀n vru mɛ̀n cɔ́ nyɛ̀n mɛhi bɔ̀ yɛ́ nɛ́n? Ɛnvra ɛ̀bɛ de ke ji le mɛ̀n vru mɛ̀n wá nyɛ̀n nɛ́n? Nyɛ́n bɩ́ ɛnẅì lɔ nyɛ́n và sɩ́ mɛ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 20:19

Mɛ̀n dú Ɛẅɛnwrɔn ci-bɩ̀tan-kɔ̀hɔ̀n-hán mɛ̀n m'edomɛ̀n ɛnhisiemɛ̀n, mɛ̀n di ejüe, mɛ̀n kán ɛgbàn Zhüifɛ̀n-bɔ̀ léyi ke ji m'ɛyri nɔn, y'antamɛ̀n.

Rɔmɛ̀n-anmàn-bɔ̀ 15:1

Bɔ́ léyi ankaẅì-bùtan ẅɛn bɔ̀ ecüì nɔn, ke ji le bɔ̀ bɩ́ ɛnbɔrɛ wɔwɔ mɛ̀n, anwrɔn hɔ̀n léyi ankaẅì-bùtan kè sɩ̀ ẅɛ̀n ecüì nɔn, y'ɛzɛ̀n-ci-hán lɔ. Ke sɩ́ ji le bɔ́ ji eci léyi dú bɔ́ ɛcüɛn-ci nɔn.

1 Korɛntɛ̀n anmàn-bɔ̀ 13:7

Ɔwrɔn léyi ẅɛn ɛcüɛ̀n nɔn, nɛ ẅɛn ɛnbɔrɛ hɛ́n eci lɔ fɛn mɛ̀n, kɩ nɛ ẅɛn ankaẅì-bùtan, esɛ́ mán ɛnbɔrɛ-ẅɛ̀n-hɛ́n ɛnvra lɔ fɛn mɛ̀n.

Galasi anmàn-bɔ̀ 6:2

Nyɛ́n wá ny'edomɛ̀n ɛkɔrɛ̀ ny'ɛnlowru wɔrɔ mɛ̀n: ɔmu lɔ de nyɛ lɛ ẅɛn Krisì nyànmàn kɔrɛ̀-zì nyɛ́n hɛ́n nɔn.

Efɛzɛ̀n anmàn-bɔ̀ 1:4

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n,

Kɔlɔsèn anmàn-bɔ̀ 1:11

Bɔ́ sán nɛ̀n, nɛ̀n tán nyɛ̀n ecüì eci lɔ fɛn mɛ̀n n'eci-zrɔ kɔrɛ̀-srɔn lɔ mɛ̀n, ô nyɛ́n ẅɛn ɛnbɔrɛ nyɛ́n hɛ́n eci lɔ fɛn mɛ̀n.

Kpàkpà timote 6:11

Tɛ́n vɛ́n, Ɔwɔ-wrɔn, e bɩ́ hán ndɔ lɔ fɛn. È ji ɛnyrɔnnan, Ɔwɔ-tɛsɛ̀n-sɔ̀nba, ankaẅìbùtan, ɛcüɛ̀n, ɛnbɔrɛ-ẅɛ̀n-hɛ́n mán ɛnbɔrɛ-wɔ̀.

Anhyrɛmɛ̀n timote 2:25

ke ji le nɛ̀n yé n'ezì-kɛ́n-bɔ̀ ankà anwɔwɔ mɛ̀n: me bú tán le, Ɔwɔ kɛ lɛ tán yɔ ɛnkru-sàn-crɔn, ô yɔ nyri ankà annanwɔrɛ.

Zhakɛ̀n 1:21

Hɩ le kruhú de ke ji le, nyɛ́n kɔ́n ɛci hɔ̀n lɔ fɛn léyi kɛ wá ɛnbrá edomɛ̀n, hɩ kɛ tán eci-gbàngbàn-hán nɔn, nyɛ́n cüe. Nyɛ́n shrì nyɛ́n sɩ́ ny'edomɛ̀n ɛnhi, ô nyɛ́n bɩ́ Ɔwɔ ankà léyi tɛ́ ny'ɛnbɔrɛ lɔ mɛ̀n nɔn, ɔmuhi ne le bɩ́ nyɛ̀n nɛ̀n die tɛ̀ nɔn.

1 Piɛrɛ̀n 3:15

Tɛ́n nyɛ́n ẅɛn Krisì wá kè dú ny'ɛnbɔrɛ hɔ̀n lɔ mɛ̀n, kɛ hán ny'Ɛẅɛnwrɔn hɔ́. Ɛnbì lɔ fɛn nyɛ́n krɔn kpehɛ́n, ô nyɛ́n dɔ́ ankà nyɛ́n tán ny'edomɛ̀n ɛnvra léyi ye le yrɛ nyɛ̀n ny'esɛ́ léyi nyɛ́n ẅɛn Ɔwɔ mɛ̀n nɔn n'ɛwú ankà.

1 Piɛrɛ̀n 3:8

Ɔtrɔ mɛ̀n lɔ, nyɛ lɛ fɛn nyɛ́n ẅɛn eci wrolo-zri-hán mán ankàtro zri; nyɛ́n cüɛn ny'edomɛ̀n kɛ̀ hán anwrɔn nɛ́n muan-ẅì hɔ̀n hɔ́, nyɛ́n dú anvrɛnvrɛn mán sɔ̀hɔ̀ mɛ̀n nyɛ́n nyran hɔ̀n tɛ̀sɛ̀n.