Efɛzɛ̀n anmàn-bɔ̀ 4:18 - Ɛmɛẅi ankà ankrànkràn 2003

¹⁸ Y'ɛnkruemɛ̀n-ẅɛ̀n dú ɛyri-yɔwɔ mɛ̀n; yɔ sɩ̀ ẅɛ̀n ɛwúvà léyi dú Ɔwɔ yri kɛ và nɔn ɛnzri mán, ɔmuhi y'ɔbrɔ̀sà lɔ sɛ́n nmù, kɩ ɛbɔrɛ sɔ́ yɔ hán obù hɔ́ nɔn.

Efɛzɛ̀n anmàn-bɔ̀ 4:18 Iomraidhean Croise

Matie 13:15

Ɔmuhi fɛcüè ndɔ lɔ ankà ke sɩ́ ku edù; yɔ sɛ́n yɔ nukù hɔ̀n lɔ, yɔ nyi y'anvɛ̀ hɔ̀n lɔ, ô y'anvɛ̀ hɔ̀n lɔ ke bɩ́ kán, yɔ nukù ke bɩ́ yá, ô yɔ bɩ́ cɔ́ ankà yɔ nyriɛn kɩ ɔmu lɔ, yɔ sɩ̀ ji mɛ̀n yɔ và ô mɛ̀n kɔrɛ yɔ, ɔmu de Ɔwɔ kɛ dɔ̀ nɔn.’

Markɛ̀n 3:5

Zhezü kɛ nyan yɔ lɔ fɛn ɛmɛ̀nhyiemɛ̀n; kɩ nɛ̀n vru nɛ̀n dú obòto mɛ̀n y'ankà-tro gbàngbàn ẅɛ̀n kruhú. Zɛtɛn nɛ dɔ́ ɛnlɔẅiɛ-wrɔn lɔ le: “Sɩ̀ v'ɛkɔrɛ̀ lɔ ezì.” Ɔwrɔn lɔ sɩ́ ɛkɔrɛ̀ ezì kɩ ɛkɔrɛ̀ lɔ wore.

Zhan 12:40

“Ɔwɔ bɔyɛ y'anvɛ̀ lɔ, kɩ nɛ̀n sɛ́n y'ɛnkruemɛ̀n-ẅɛ̀n lɔ esù, ô y'anvɛ̀ lɔ ke bɩ́ kán ɛyri, ô y'ɛnkruemɛ̀n-ẅɛ̀n lɔ ke bɩ́ cɔ́ nyriɛn. Kɩ nyàn eci le kruhú Ɔwɔ dɔ̀ le, yɔ bɩ́ crɛ ezì yɔ kɛ́n mɛ̀n ô mɛ́n kɔrɛ yɔ.”

Ɔkɔ̀hɔ̀n-wá-bɔ̀ kɔ̀hɔ̀n hán 17:30

Tɛ́n Ɔwɔ ke sɩ́ vru nyan ɛnvra hɔ̀n léyi anwrɔnẅì dú ɔbrɔ̀sà mɛ̀n, tɛ́n, ne bi yɔ zɛtɛ̀ lɔ, yɔ lɛ fɛn, ɛyri lɔ fɛn, yɔ crɔn y'eci-hán-ci.

Ɔkɔ̀hɔ̀n-wá-bɔ̀ kɔ̀hɔ̀n hán 3:17

Tɛ́n, anwrɔn-nɛ́n-muan-ẅì hɔ̀n, mɛ̀n nyrí ɔmu le, nyɛ́n mán ny'ɛcüìcüì-bɔ̀ mɛhi nyɛ́n di ɔbrɔ̀sà Zhezü tɛ̀sɛ̀n.

Rɔmɛ̀n-anmàn-bɔ̀ 1:28

Ɔmuhi yɔ krɔ, yɔ sɩ́ ji yɔ nyri Ɔwɔ nɔn, Ɔwɔ teze yɔ, y'ɔbrɔsà ankà-nyrì lɔ mɛ̀n kɩ, ɔmu lɔ de yɔ hán eci léyi ke sɩ́ ji le yɔ hán nɔn.

Rɔmɛ̀n-anmàn-bɔ̀ 11:25

Anwrɔn-nɛ́n-muan-ẅì hɔ̀n, me ji mɛ̀n hán nyɛ̀n nyɛ́n nyri Ɔwɔ ankɔ́nda-ci-hán ankà-bán-ankà lɔ, ô nyɛ́n bɩ́ bú ny'edomɛ̀n nyɛ́n hán ankà-nyri-bɔ̀: Izraɛlɛ̀n fɛcüè cá ke le dú ɔbrɔsa mɛ̀n hàn kɩ kɛ lɛ cɔ́ ɛnvra léyi ɛnhibù fɛcüè nyantɛn kɛ lɛ cɔ́ ɛnkru-kɔrɛ̀ nɔn.

Rɔmɛ̀n-anmàn-bɔ̀ 11:7

Ecitan de yɛ cɔ́ n'ɛmɛ̀n lɔ nɛ́n? Izraɛlɛ̀n fɛcüè kè sɩ̀ cɔ̀ eci léyi nɛ̀n dú ejiemɛ̀n nɔn; yɔ zri léyi Ɔwɔ mrɛ́n yɔ nbɩ nɔn kɩ yɔ cɔ́ eci lɔ. Anwrɔn ndɔ hɔ̀n tɛn, yɔ srɔ eci woro ankà-yá mɛ̀n,

Rɔmɛ̀n-anmàn-bɔ̀ 2:19

e tro le è dú anvɛ̀-bɔyɛ-bɔ̀ kpamàn, anwrɔn hɔ̀n léyi dú ɛyri-yɔwɔ mɛ̀n nɔn y'eyri-kàn,

1 Korɛntɛ̀n anmàn-bɔ̀ 1:21

Annanwɔrɛ mɛ̀n, anwrɔnẅì mán y'ankà-nyrì lɔ fɛn mɛhi kè sɩ̀ cɔ̀ nyrì ɛyri léyi Ɔwɔ ke yé tán n'ankà-nyrì lɔ nɔn. Hɩ le kruhú de anwrɔn hɔ̀n léyi ẅɛn ankàẅì-bùtan, nmù ankà-dɔ̀ ci-hán ndɔ lɔ wú nɔn, Ɔwɔ wá kè bɩ̀ yɔ kè die.

1 Korɛntɛ̀n anmàn-bɔ̀ 2:8

Ɛnhibù ndɔ lɔ n'ɛkɔrɛ̀-srɔn hɔ̀n lɔ nzriɛmɛ́n kɛ vá nyri ankà-nyrì ndɔ lɔ. Kè dú kɛ́ yɔ nyri nɛ̀n hô, yɔ sɩ̀ gɔ́n eci-zrɔ nɛ́n zi léyi dú Ɛẅɛnwrɔn nɔn yɛ brɛ́ ɛgbàn-hán-tɛ̀ domɛ̀n.

2 Korɛntɛ̀n anmàn-bɔ̀ 3:14

Tɛ́n y'ɛnkruemɛ̀n-ẅɛ̀n dú ɛyri yɔwɔ mɛ̀n; hàn kɩ cɔ́ zɛtɛ̀ léyi, eci vru vá nɛ̀n ezì ɛnvra léyi yɔ krɛ́ mìrɛ̀n gbànvri wrú hɔ̀n lɔ nɔn. Ezì-sɛ́n-ci ndɔ lɔ kɛ zrɛ́n Krisì yri-kàn zìwú kɩ.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Galasi anmàn-bɔ̀ 4:8

Ɛnbiɛhɛ́n vra lɔ, nyɛ́n sɩ̀ nyrì Ɔwɔ kɩ nyɛ́n dú anwɔ̀n-bɔ̀ nyɛ́n tán anwɔ hɔ̀n léyi kè sɩ̀ dù Ɔwɔ annanwɔrɛ nɔn.

Efɛzɛ̀n anmàn-bɔ̀ 2:1

Ɛnbiɛhɛ́n lɔ, nyɛ́n wú ɛnhɛ́n mɛ̀n, ny'ɛfɔ̀ndɔ̀n mán ny'ɛgbàn hɔ̀n lɔ kruhú.

Efɛzɛ̀n anmàn-bɔ̀ 2:12

Hɩ vra lɔ, nyɛ́n dú esù she Krisì tɛ̀sɛ̀n; nyɛ́n dú ɛmɛ̀n-nyantɛn-mɛ̀n-bɔ̀, nyɛ́n sɩ̀ dù Ɔwɔ-fɛcüè tɛn; nyɛ́n sɩ̀ dù mìrɛ̀n hɔ̀n léyi Ɔwɔ wá ɔmùan nɛ́n mán nɛ́n fɛcüè mɛhi nɔn mɛ̀n; nyɛ́n dú ɛnhibù wúvà mɛ̀n, kɩ esɛ́ mán Ɔwɔ bàda nyɛ̀n ɛmɛ̀n.

Kɔlɔsèn anmàn-bɔ̀ 1:21

Nyɛ́n mán, nyɛ́n gɔ̀ dú esùshe Ɔwɔ tɛ̀sɛ̀n, nyɛ́n gɔ̀ dú n'egbri-bɔ̀, eci-gbàngbàn-ankà lɔ fɛn léyi nye tro hɩ nyɛ hán nɔn, hɩ kruhú.

1 Tesalonikɛ̀n anmàn-bɔ̀ 4:5

nɛ́n bɩ́ teze n'edomɛ̀n nɛ́n hɔ́n ankà-tro gbàngbàn wú, kɛ hán anwrɔn hɔ̀n léyi kè sɩ̀ nyrì Ɔwɔ nɔn.

Ebre-bɔ̀ 5:2

Nɛ́n mumù mán nɛ̀n dú ɛjɛ̀ wɔ̀ɛn-nyan mɛ̀n; ke ji le nɛ̀n yá anwrɔn hɔ̀n léyi ke sɩ́ nyri ankà mán yɔ hɔ̀n léyi kɛ hán ɛzɛ́n-ci nɔn.

Ebre-bɔ̀ 9:7

Tɛ́n Ɔwɔ cice-wrɔn cüìcüì zri kɩ ke bru anhyrɛmɛ̀n yri lɔ, kɩ eci-hán ndɔ lɔ, nɛ hán yi ɛdɛ̀n zri ɛnnanwàn. Ke ji le nɛ̀n sɩ́ ɔnɔ̀n krɛ̀ léyi ne le ce Ɔwɔ kè dú nɛ́n mán fɛcüè mɛhi y'ɛgbàn hɔ̀n léyi yɔ hán esùva-yuruemɛ̀n nɔn tɛn.

Zhakɛ̀n 4:4

Anmùan-anhyrɛ̀-bɔ̀ léyi de dú nyɛ̀n nɔn! Nyɛ́n sɩ̀ nyrì ɔmu le, e dú ɛnhibù nɛ́n nyran hô, è dú Ɔwɔ gbri-wrɔn hàn? Ɔwrɔn léyi ke ji ke dú ɛnhibù nɛ́n nyran nɔn, nɛ srɔ Ɔwɔ gbri-wrɔn.

1 Piɛrɛ̀n 1:14

Nyɛ́n wá Ɔwɔ, ô nyɛ́n bɩ́ hán ɛnbiɛhɛ́n ny'ɛnbɔrɛ mɛ̀n cí-hɔ̀n lɔ ɛnvra léyi nyɛ́n dú ɔbrɔsa mɛ̀n nɔn.

1 Zhan 2:11

Tɛ́n ɔwrɔn léyi ẅɛn nɛ́n muan-ẅì gbrì nɔn, nɛ̀n dú ɛyri-yɔwɔ mɛ̀n; nɛ nán esù ɛyri-yɔwɔ mɛ̀n kɩ nɛ́n sɩ́ nyri ɛyri léyi nɛ hɔ̀n nɔn, ɔmuhi ɛyri-yɔwɔ srɔ nɛ̀n anvɛ̀-boyɛ-wrɔn nɔn.