Efɛzɛ̀n anmàn-bɔ̀ 4:17 - Ɛmɛẅi ankà ankrànkràn 2003

¹⁷ Nyàn eci léyi mɛ sán nyɛ̀n ɛshishiemɛ̀n Ɛẅɛnwrɔn bɩmɛ̀n nɔn: nyɛ́n bɩ́ hán eci kɛ cá anwrɔn hɔ̀n léyi kè sɩ̀ nyrì Ɔwɔ, hɩ y'ankà-tro ke sɩ́ ezrɛ́nmɛ̀n nɔn.

Efɛzɛ̀n anmàn-bɔ̀ 4:17 Iomraidhean Croise

Lükɛ̀n 16:28

nmàn-ẅì hɔ̀n ɛnrì dú nanvrɛn. Nɛ̀n hɔ̀n nɛ̀n dɔ́ yɔ, ô yɔ mán ye bɩ́ vá ɛgbàn-kán yri ndɔ lɔ mɛ̀n.’

Ɔkɔ̀hɔ̀n-wá-bɔ̀ kɔ̀hɔ̀n hán 14:15

“Bɔ́ nyran anvrɛn hɔ̀n, cɛci kruhú kɛ̂ nyɛ hán eci ndɔ lɔa? Anwrɔnẅì kɩ dú bɔ̀, bɔ́ dù bɔ̀ cá nyɛ̀n. Bɔ́ và bɔ́ sɩ́ nyɛ̀n Ɛmɛẅi ankà Ankrankran lɔ, ô nyɛ́n teze antɛ̀-buri-Wɔ woro ndɔ hɔ̀n lɔ, ô nyɛ́n crɛ́ ezì nyɛ́n kɛ́n Ɔwɔ kɔrɛkɔrɛ léyi hán anhobɩ́, ɛnhi, ecüe mán eci lɔ fɛn léyi dú yɔ ɛmɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:5

Ɛnvra léyi Silasɛ̀n mán Timote dú Maseduhanɛ̀n kpɔsɔ wú nvà nɔn, Pɔlɛ̀n dú ɛnvra lɔ fɛn Ɔwɔ-ankà-dɔ́ mɛ̀n; nɛ dɔ́ Zhüifɛ̀n-bɔ̀ zìwú le Zhezü dú Ebɩ̀die-wrɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:40

Piɛrɛ̀n vru dɔ́ yɔ ankà brobebe nyàntɛn hɔ̀n ô kɛ̀ tán yɔ ɛsɛ́ mán edùyì, kɩ nɛ dɔ̀ le: “Nyɛ́n shri ɛnkru-kɔrɛ̀ nyɛ́n bɩ, ô nyɛ́n bɩ́ dú kɛ hán ɛzrɛ́n-bɔ̀ ndɔ lɔ hɔ́!”

Ɔkɔ̀hɔ̀n-wá-bɔ̀ kɔ̀hɔ̀n hán 20:21

Mɛ̀n bi Zhüifɛ̀n-bɔ̀, mán yɔ léyi yɔ sɩ̀ dù Zhüifɛ̀n-bɔ̀ nɔn, yɔ crɔn ɛnkru, ô yɔ bú Ɛẅɛnwrɔn Zhezü ankà yɔ tán ankaẅì.

Rɔmɛ̀n-anmàn-bɔ̀ 1:21

Yɔ nyri Ɔwɔ, tɛ́n yɔ sɩ̀ ẅɛ̀n n'ɔwa kɩ yɔ sɩ́ tán nɛ̀n ɔkùɛn kɛ hán ɔmu le ke ji le yɛ hán n'ɛtɛ̀sɛ̀n nɔn hɔ́. Tɛ́n y'ankà-tro srɔ eci fe kɩ y'ɔbrɔ̀sà hɛ́n dú ɛyri-yɔwɔ mɛ̀n.

1 Korɛntɛ̀n anmàn-bɔ̀ 1:12

Nyàn ankà léyi me ji mɛ̀n dɔ̀ nɔn: ny'ɛmɛ̀n lɔ ɔwrɔn tɔ̀n kɛ dɔ̀ le: “Mɛ̀n, mɛ̀n dú Pɔlɛ̀n tɛn”; ɔwrɔn ndɔ lɔ: “Mɛ̀n dú Apolɔsɛ̀n tɛn”; ɔwrɔn nyantɛn: “Mɛ̀n, mɛ̀n dú Piɛrɛ̀n tɛn”; kɩ ɔwrɔn nyantɛn tɔ̀n: “Kɩ mɛ tɛn mɛ̀n dú Krisì tɛn.”

1 Korɛntɛ̀n anmàn-bɔ̀ 15:50

Anwrɔn-nɛ́n-muan-ẅì hɔ̀n, nyàn ankà léyi me ji mɛ̀n dɔ̀ nɔn: eci léyi ye bɩ́ anẅia mán ɛnkrɛ̀ yɛ hán nɔn, ke sɩ̀ dú Anhobɩ́ Nɛ̀ncüì-dúyri, kɩ eci léyi dú owú ci nɔn, n'ɛwúvà kɛ lɛ trɔ.

2 Korɛntɛ̀n anmàn-bɔ̀ 9:6

Ankà-dɔ̀ ndɔ lɔ kè bru nyɛ̀n: ɔwrɔn léyi kɛ tɛ́ ɛci ẅiɛ nɔn, nɛ lɛ küɛ ɛci ẅiɛ; ɔwrɔn léyi kɛ tɛ́ bobrebe nɔn, nɛ lɛ küɛ bobrebe.

Galasi anmàn-bɔ̀ 3:17

Nyàn ankà léyi me ji mɛ̀n dɔ̀ nɔn: Ɔwɔ hán n'ɔmùan-wá-wrú kɩ wá le nɛ lɛ ẅɛn yi nɛ̀n hɛ́n. Ɛnyànmàn léyi trɔ ɛmɛẅi vá ɛnnànwàn kru ɛkoẅi-ɛnrì d'anzɔ̀ mán ɛẅì ɛẅia-ɛvà granmɛ̀n nɔn, ke sɩ̀ ẅɛn Ɔwɔ mùan-wá-wrú ndɔ lɔ kɛ̀ sɔhɔ́ rɔ́, kɩ ɔmùan léyi Ɔwɔ wá nɔn ke sɩ̀ gbù sɔhɔ́ rɔ́.

Galasi anmàn-bɔ̀ 5:3

Me vru mɛ dɔ́ annanwɔrɛ mɛ̀n le, ɔwrɔn totɔtɔ̀n léyi kɛ hán ye wi nɛ̀n wúcɔ̀-domɛ̀n nɔn: kɛ wá tán le nɛ̀n wá ɛnyànmàn mumù lɔ fɛn.

Efɛzɛ̀n anmàn-bɔ̀ 1:22

Ɔwɔ hɛ́n eci lɔ fɛn Krisì nán krùgbɛ̀n kɩ bɩ́ nɛ̀n tán Ɔwɔ-fɛcüe-bɔ̀ ô nɛ̀n dú y'ɛfra-wrɔn cüìcüì.

Efɛzɛ̀n anmàn-bɔ̀ 4:22

Zɛtɛn ke ji le ny'esùnan gbànvri teze lɔ, nyɛ́n tecüe ny'eci-gbànvri-gbàngbàn-hán léyi y'ɛfrɛ́n-ankà-tro hɔ̀n ke sɩ́ ezrɛ́n mɛ̀n nɔn.

Kɔlɔsèn anmàn-bɔ̀ 2:18

Nyɛ́n bɩ́ teze anwrɔn kɛ bɔ́ nyɛ̀n nwù, yɔ léyi yɔ cüɛn ɛntrɛ ci-hán y'edomɛ̀n ɛnhisɩemɛ̀n, kɩ yɔ cüe Ɔwɔ-kùyüre-bɔ̀ ankɔrɛ̀ ezìwúɛ, kɩ yɔ bɩ́ y'ɔwɔ-mɛ̀n-yri-kàn lɔ yɛ srɔ vɔ̀nshɛ́-ci nɔn. Anwrɔn ɔmu hɔ̀n lɔ, tutre woro yɩ́ yɔ ɛmɛ̀n, y'anwrɔnẅì ankà-tro ci-hán mɛ̀n;

Kɔlɔsèn anmàn-bɔ̀ 2:4

Mɛ dɔ́ nyɛ̀n ankà ndɔ lɔ, ô Ɔwrɔn zriɛmɛ́n ke bɩ́ ci n'ɛfrɛ́n-ankà-dɔ̀ mrɛ́nmrɛ́n lɔ mɛ̀n kɛ hán nyɛ̀n nyɛ́n zɛ́n hán.

1 Tesalonikɛ̀n anmàn-bɔ̀ 4:6

Ankà ndɔ lɔ mɛ̀n, ke sɩ́ ji le ɔwrɔn kè hán nɛ́n muanẅì eci gbàngbàn, ô kɛ̀ jrɛ́ n'ɛkɔrɛ̀levri-ci. Bɔ́ gɔ̀ dɔ́ nyɛ̀n ankà ndɔ lɔ, kɩ bɔ́ bi-dɔ́ nyɛ̀n ɛshishiemɛ̀n: Ɛẅɛnwrɔn kɛ lɛ hán anwrɔn hɔ̀n léyi kɛ hán ɛci ndɔ hɔ̀n lɔ nɔn ɛgbàn.

Kpàkpà timote 5:21

Mɛ sán mɛ́n eci-hán ndɔ lɔ Ɔwɔ zìwú ɔmùan-ɛwú-sɩ́emɛ̀n, Zhezü Krisì zìwú mán Ɔwɔ-kùyüre-bɔ̀ prɔnprɔn hɔ̀n zìwú: ɛ̀ wá eci-hán ndɔ léyi mɛ́n wá tán mɛ́n nɔn, ɛnyrɔnnan mɛ̀n, e bɩ́ hán eci kɛ vɛ́n ɔwrɔnwrɔn tɛ̀sɛ̀n.

Kpàkpà timote 6:13

Ɔwɔ zìwú, nɛ́n léyi nɛ tán eci lɔ fɛn ɔkɔrɛ̀ wúvà mán Zhezü Krisì zìwú, nɛ́n léyi Pilatɛ̀n zìwú, nɛ̀n dɔ́ nɛ́n dalɛfue-di ankà ankrankran ankaẅìbùtan ẅɛ̀n wú nɔn, mɛ wá tán mɛ́n le:

Anhyrɛmɛ̀n timote 4:1

Mɛ sán mɛ́n eci ndɔ lɔ ɔmùan ɛwú siemɛ̀n Ɔwɔ zìwú mán Zhezü Krisì zìwú, nɛ́n léyi ne le ci ɔkɔrɛ-bɔ̀ mán owú-bɔ̀ ɛmrɛ̀n, mɛ sán mɛ́n eci lɔ Krisì và lɔ mán n'ɛnnɛ̀ncüì-dúyri bɩ́mɛ̀n:

1 Piɛrɛ̀n 1:18

Annanwɔrɛ mɛ̀n lɔ, nyɛ́n nyri ɔwɔ̀ɛn-dì léyi srú nyɛ̀n ɛgbàn mɛ̀n sɔhɔ́, ny'ɔbrɔ̀sà wúvà léyi nyɛ́n nancüì hɔ̀n tán nyɛ̀n nɔn mɛ̀n. Ke sɩ̀ dù eci-jrɛ́ ci hɔ̀n léyi ndù hán ɔkùa mán ansíkɛ hɔ́,

2 Piɛrɛ̀n 2:18

Yɔ dɔ́ ankà woro hɔ̀n ke sevri, kɩ ke sɩ́ ẅɛn ɛnkru, yɔ bɩ́ y'anvɛvrà ankàtro hɔ̀n lɔ yɔ krɔ́n antanwrɔn ô yɔ ẅɛn anwrɔn hɔ̀n léyi ɛnvra bruemɛ̀n srɛ́ di fɛcüè ci-gbàngbàn-hán-bɔ̀ léyi dú ɛzɛ́n mɛ̀n nɔn anta.