Efɛzɛ̀n anmàn-bɔ̀ 4:14 - Ɛmɛẅi ankà ankrànkràn 2003

¹⁴ Zɛtɛn, bɔ́ sɩ̀ vru dú ɛẅì hɔ̀n léyi Ɔwɔ ankà-dɔ̀ nyàntɛn hɔ̀n dɔ̀nwrɔ̀n kɛ kɛ́n sɩ́ ɛzɛnmɛ̀n, kɩ ɛfrɛ́n-bɔ̀ kɛ wán sɩ́ ɛzrɛ́n levri wú nɔn.

Efɛzɛ̀n anmàn-bɔ̀ 4:14 Iomraidhean Croise

Matie 11:7

Ɛnvra léyi Zhan sɛ̀nkɛn-bɔ̀ lɔ hɔ̀n nɔn, Zhezü bukru kɛ dɔ́ fɛcüè Zhan ankà, kɩ nɛ dɔ̀ le: “Ecitan de nyɛ́n hɔ́n ɛnnùwì ɛnyan-yri nɛ́n? Ɛfi-sè léyi ɛndɔ̀nwrɔ̀n kɛ cüɛ̀n nɛ́n? Hɔ̂a?

Matie 24:11

Ɛyɔ̀n Wɔ-mùanwú-ankà-dɔ́-bɔ̀ bobrebe kɛ lɛ srɔ kɩ kɛ lɛ frɛ́n anwrɔn bobrebe.

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Ɔkɔ̀hɔ̀n-wá-bɔ̀ kɔ̀hɔ̀n hán 23:21

Tɛ́n e bɩ́ ẅɛn yɔ esɛ́! Ɔmuhi y'ɛmɛ̀n lɔ, anwrɔn ɛkoẅi-anhyrɛ̀ kɛ lɛ krɔn nɛ̀n antanwrɔn. Yɔ wá ɔmùan le, yɔ sɩ̀ zî ɛci, yɔ sɩ̀ mî ɛnshi, ke dú kɛ yɔ sɩ̀ wrì Pɔlɛ̀n. Yɔ krɔn kpehɛ́n yɔ vrá ankà léyi ɛ lɛ dɔ̀ nɔn.”

1 Korɛntɛ̀n anmàn-bɔ̀ 12:2

Nyɛ́n nyrì le ɛnvra léyi nyɛ vá nyri Ɔwɔ ankà nɔn, ecüì tɔ̀n kɛ kɛ́n nyɛ̀n sɩ́ ɔmùan-kɛ́n-tɛ̀-buri-Wɔ tɛ̀sɛ̀n.

1 Korɛntɛ̀n anmàn-bɔ̀ 14:20

Anwrɔn-nɛ́n-muan-ẅì hɔ̀n nyɛ́n bɩ́ tro ankà kɛ hán ɛẅì hɔ̀n hɔ́; nyɛ́n srɔ ɛẅì hɔ̀n ɛgbàn tɛ̀sɛ̀n, tɛ́n nyɛ́n srɔ anwrɔn cüìcüì hɔ̀n ny'ankà-tro mɛ̀n.

1 Korɛntɛ̀n anmàn-bɔ̀ 3:19

Ɔmuhi ɛnhibù ndɔ lɔ ankà-nyrì dú nmù-ci-hán Ɔwɔ zìwú nɔn. Annanwɔrɛ mɛ̀n lɔ, Owrú Prɔnprɔn kɛ dɔ̀ le: “Ɔwɔ kɛ ẅɛn ankà-nyri-bɔ̀, yɔ dùku y'ɛfrɛ́n tanwrɔn lɔ mɛ̀n.”

2 Korɛntɛ̀n anmàn-bɔ̀ 2:17

Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.

2 Korɛntɛ̀n anmàn-bɔ̀ 4:2

Bɔ́ krɔ eci-hán lɔ fɛn léyi dú ɛbán mɛ̀n mán anvɛvrà mɛ̀n; bɔ́ sɩ́ hán eci ɛfrɛ́n mɛ̀n kɩ bɔ́ sɩ́ crɔn Ɔwɔ mùan-ankà-dɔ̀ lɔ. Tɛ́n, bɔ́ hán ye nyri kpetemɛ̀n annanwɔrɛ ankà, kɩ ɔmu lɔ, bɔ́ srɔ ɛmrɛ̀nci-bɔ̀ anvrɛnvrɛn bɔ́ tán ɔwrɔn totɔtɔ̀n lɔ fɛn, Ɔwɔ zìwú.

Galasi anmàn-bɔ̀ 3:1

Galasi anmàn-bɔ̀, ɔbrɔ̀sà-bɔ̀! Antɔnwrɔn de wá nyɛ̀n anwa ɛnkruemɛ̀n nɛ́n? Tɛ́n, Zhezü Krisì wù lɔ cehɛ́n de ye yé nyɛ̀n ɛgbàn-hán-tɛ̀ wú nɔn.

Efɛzɛ̀n anmàn-bɔ̀ 6:11

Nyɛ́n bɩ kè dú ny'edomɛ̀n anhà-kɔ́n-ci hɔ̀n lɔ fɛn léyi Ɔwɔ kɛ tán nɔn, ô nyɛ́n nyɔn ɛshishiemɛ̀n anwa-wrɔn frɛ́n hɔ̀n lɔ fɛn zìwú.

Kpàkpà timote 3:6

Ke sɩ́ ji le nɛ̀n dú ɔwrɔn wrù Ɔwɔ-fɛcüè mɛ̀n; ke dú ɔmu lɔ hô, nɛ lɛ hán tutre ci, kɩ ɔtrɔmɛ̀n lɔ, yɛ lɛ bɔ́ nɛ̀n nwù kɛ lɛ hán anwawrɔn hɔ́.

Anhyrɛmɛ̀n timote 1:15

Hán ɔmu le e nyrì nɔn, yɔ lɛ fɛn léyi yɔ dú Azi kpɔsɔ wú nɔn, yɔ teze mɛ̀n, y'ɛmɛ̀n lɔ, mɛ krɛ́ Fizhɛlɛ̀n mán Ɛrmozhɛnɛ̀n.

Anhyrɛmɛ̀n timote 3:13

Tɛ́n anbɔrɛ-bɔ̀ mán anhyɔ̀n-bɔ̀ kɛ lɛ hɔ́n esù she y'eci-gbàngbàn hán mɛ̀n, yɔ lɛ frɛ́n anwrɔn ndɔ hɔ̀n kɩ yɔ mán yɔ lɛ frɛ́n yɔ.

Anhyrɛmɛ̀n timote 4:3

Ɔmuhi ɛnvra kɛ lɛ và, kɩ anwrɔn ke sɩ̀ vru shrì kè die ankà-yé annanwɔrɛ ankà nukùɛ, tɛ́n yɔ lɛ kɛ́n yɔ dùku y'ankàtro ci-hán ɛsɛ̀n, kɩ yɔ le bɩ́ ankà-yé-bɔ̀ fɛcüè tɔ̀n yɔ gbrɛ̀nkɛn ɔmùan, kɩ kɛ lɛ dɔ́ yɔ ankà léyi yɔ cüɛ̀n, yɔ ji yɔ yá nɔn.

Ebre-bɔ̀ 13:9

Nyɛ́n bɩ́ teze ny'edomɛ̀n nyɛ́n tán Ɔwɔ ankà-dɔ̀ mɛ̀ntɛ mɛ̀ntɛ hɔ̀n léyi dú ɛyri nyantɛn nvà nɔn kɛ zrɛ́n nyɛ̀n. Zrɔ tán le bɔ̀ cɔ́ Ɛnhɛ́n mɛ̀n cüì Ɔwɔ nboafɔn mɛ̀n, kɩ kè sɩ̀ dù ɛcizî nyànmàn ci-hán; anwrɔn hɔ́n léyi kɛ ẅɛn ɛcizî nyanmàn ndɔ hɔ̀n lɔ kɛ hɛ́n nɔn, ɛnbì zriɛmɛ́n yɔ vá cɔ́ nɛ́n vɔ̀nshɛ́ tɔ̀n.

Zhakɛ̀n 1:6

Tɛ́n, ke ji le nɛ̀n sán eci ankaẅì-bùtan mɛ̀n, mán ɛnbɔrɛ zriemɛ̀n, ɔmuhi ɔwrɔn léyi kɛ wá ɛnbɔrɛ anyhrɛ̀ eci-hán mɛ̀n nɔn, nɛ́n dù nɛ̀n cá ecüe afù léyi ɛndɔ̀nwrɔ̀n ke bɩ ke sɩ́ ɛwú, hɩ kɛ kɛ́n sɩ́ ɛyri lɔ fɛn nɔn.

Zhakɛ̀n 3:4

Nyɛ́n vru nyɛ́n tro ɛdrɛn-hɛ̀ hɔ̀n ankà, ke dú kɛ yɔ sevri mán kɩ ɔwràn dɔ̀nwrɔ̀n kɛ kɛ́n yɔ sɩ́ mán, ɛhɛ́sɛ̀n-vrà cɛ de kɛ nyrɔn yɔ sɩ́ ɛyri lɔ fɛn léyi ɛhɛ̀-nyrɔn-wrɔn ke ji nɔn.

2 Piɛrɛ̀n 2:18

Yɔ dɔ́ ankà woro hɔ̀n ke sevri, kɩ ke sɩ́ ẅɛn ɛnkru, yɔ bɩ́ y'anvɛvrà ankàtro hɔ̀n lɔ yɔ krɔ́n antanwrɔn ô yɔ ẅɛn anwrɔn hɔ̀n léyi ɛnvra bruemɛ̀n srɛ́ di fɛcüè ci-gbàngbàn-hán-bɔ̀ léyi dú ɛzɛ́n mɛ̀n nɔn anta.

1 Zhan 2:19

Anwrɔn ndɔ hɔ̀n lɔ, annanwɔrɛ mɛ̀n, yɔ sɩ̀ dú bɔ̀ ɛmɛ̀n, kɩ hɩ le kruhú de yɔ cɔhɔ́ bɔ́ ɛmɛ̀n nɔn; annanwɔrɛ mɛ̀n lɔ, kè dú kɛ yɔ dú bɔ̀ ɛmɛ̀n hô, yɔ lɛ cɔ́ bɔ̀ mɛhi bɔ̀ yɛ́. Tɛ́n yɔ cɔhɔ́ bɔ̀ ɛmɛ̀n, ô ye nyri kpetemɛ̀n le, y'ɛmɛ̀n lɔ, ɔwrɔn zriɛmɛ́n annanwɔrɛ mɛ̀n lɔ, bàda bɔ̀ ɛmɛ̀n.

1 Zhan 2:26

Me merɛ́n nyɛ̀n owrú ndɔ lɔ kè dú anwrɔn hɔ̀n léyi ke ji ɛyri, ô kɛ̀ frɛ́n nyɛ̀n nɔn y'ɛwú ankà-dɔ̀.

1 Zhan 4:1

M'annyran hɔ̀n nyɛ́n bɩ́ ẅɛn esɛ́ anwrɔn hɔ̀n léyi kɛ dɔ̀ le yɔ ẅɛn Ɔwɔ Hɛ́n nɔn y'ɛwú, tɛ́n nyɛ́n wɔɛn yɔ nyɛ́n nyan, ô nyɛ́n nyrì ke dú kɛ ɛnhɛ́n léyi yɔ ẅɛ̀n nɔn, dú Ɔwɔ yri và. Annanwɔrɛ mɛ̀n lɔ ɛyɔ̀n wɔ-mùan-wú-ankà-dɔ́-bɔ̀ bobrebe bonyí ɛnhibù wú.

Zhüdɛ̀n 1:12

Y'ɛtɛ̀sɛ̀n nyɔn kɛ tán ɛnkruemɛ̀n jrɛ́ anwrɔn nɛ́n-muan-ẅì hɔ̀n ci-zîemɛ̀n; nanvrɛn lɔ de, yɔ koran kɩ anvɛvrà zriɛmɛ́n ke sɩ́ ẅɛn yɔ, kɩ yɔ wá yɔ dùku y'ankà esùva. Yɔ dù hán ɛwì-gbú hɔ̀n léyi ɛndɔ̀nwrɔ̀n kɛ kɛ́n wá, kɩ ke sɩ́ nán ɛnhsi nɔn. Yɔ dú yɔ cá antɛ̀ hɔ̀n léyi ke sɩ́ shi ɛẅì zriɛmɛ́n, odùcɛ̀n vra mán, kɩ ɛnvra léyi annyràn ke frɛ yɔ nɔn, yɔ wú owù d'anhyrɛ̀.

Ɔwɔ-mɛ̀n-yrikàn 19:20

Yɛ ẅɛn ɔnɔ̀n lɔ, ɔmu zri lɔ yɛ ẅɛn ɛyɔ̀n-wɔ-mùan-wú-ankà-dɔ́-wrɔn léyi hán anvɛmɛ̀n-frɛ́n-ci hɔ̀n lɔ n'ezìwú, ô kɛ̀ zrɛ́n anwrɔn hɔ̀n léyi cɔ́ ɔnɔ̀n lɔ n'ɛnrɛ̀n, kɩ ke cüe nɛ́n picɛ̀ lɔ ankorɛ̀ ezìwúɛ nɔn. Yɛ kɔ́n ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ ankɔrɛkɔrɛ mɛ̀n ku ɛnhyà-ẅì nɛnbà lɔ mɛ̀n.