Efɛzɛ̀n anmàn-bɔ̀ 4:13 - Ɛmɛẅi ankà ankrànkràn 2003

¹³ Ɔmu lɔ de, bɔ́ lɔ fɛn bɔ́ lɛ cɔ́ ankaẅì-bùtan bɔ̀sɔ̀ Ɔwɔ Ẅì nyriemɛ̀n; bɔ́ lɛ srɔ anwrɔn fán hɔ̀n léyi y'ɔsɔ́ mán Krisì tɛn lɔ ke le dú eci zri léyi sɛ́n nmù nɔn.

Efɛzɛ̀n anmàn-bɔ̀ 4:13 Iomraidhean Croise

Matie 11:27

Dade wá mɛ̀n eci lɔ fɛn antamɛ̀n. Ɔwrɔn zriɛmɛ́n ke sɩ̀ nyri Ɛnẅì lɔ ke dú kɛ kè sɩ̀ dù Ɛnẅì-nɛ́n-zi, kɩ ɔwrɔn zriɛmɛ́n ke sɩ̀ nyri Ɛnẅì-nɛ́n-zi ke dú kɛ kè sɩ̀ dù Ɛnẅì lɔ mán anwrɔn hɔ̀n léyi Ɛnẅì lɔ ke ji kɛ̀ tán kè nyrì nɔn.

Zhan 1:16

Bɔ lɔ fɛn bɔ̀ cɔ́ nɛ́n nboafɔ̀n nɛ̀ncüì-dì lɔ; bɔ̀ vru bɔ̀ cɔ́ nboafɔ̀n mán ɛnshifù bobrebe.

Zhan 16:3

Yɔ lɛ hán ɔmu lɔ ɔmuhi yɔ sɩ̀ nyrì Dade mán, kɩ yɔ sɩ̀ nyri mɛ̀n mán nɔn.

Zhan 17:21

Mɛ sɛ̀n, ô yɔ lɔ fɛn yɔ dú nzri. Dade, yɔ cɔ́ bɔ̀ mɛhi bɔ̀ bɔ̀sɔ̀, kɛ hán ɔmu le è dú mɛ̀n ɛmɛ̀n, kɩ mɛ̀n mán mɛ̀n dú mɛ́n ɛmɛ̀n nɔn hɔ́. Yɔ dú eci zri, ô ɛnhibù kè bùtan le vɛ́n de ɛ̀ wá mɛ̀n ɔkɔhɔ̀n nɔn.

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Zhan 6:69

Zɛtɛ̀ lɔ, bɔ́ bútan ankaẅì kɩ bɔ̀ nyri ɔmu le è dú Prɔnprɔn-Wrɔn léyi dú Ɔwɔ yri và nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 4:32

Ankaẅì-bùtan-ẅɛn-bɔ̀ kpɔsɔ lɔ dú ɔbɔ̀sɔ mɛ̀n anvrɛnvrɛn, y'ɛnbɔrɛ mɛ̀n mán yɔ wàwúyɛ mɛ̀n. Ɔwrɔn zriɛmɛ́n ke sɩ́ dɔ́ le, n'ɛci hɔ̀n lɔ dú nɛ́n zri n'ɛci, tɛ́n, y'ɛmɛ̀n lɔ, ɛci hɔ̀n lɔ fɛn léyi yɔ ẅɛ̀n nɔn, dú fɛcüè ci.

1 Korɛntɛ̀n anmàn-bɔ̀ 1:10

Anwrɔn-nɛ́n-muan-ẅì hɔ̀n, mɛ sɛ́n nyɛ̀n, bɔ́ Ɛẅɛnwrɔn Zhezü Krisì bɩmɛ̀n, ɔmùan kɛ̀ krɔn nyɛ̀n, ɛsɔ̀nvoyan ke bɩ́ dú nyɛ̀n ɛmɛ̀n; nyɛ́n dú ɔbɔ̀sɔ mɛ̀n anvrɛnvrɛn, ô nyɛ́n ẅɛn ɔmùan-krɔn zri mán ankà-tro zri.

1 Korɛntɛ̀n anmàn-bɔ̀ 14:20

Anwrɔn-nɛ́n-muan-ẅì hɔ̀n nyɛ́n bɩ́ tro ankà kɛ hán ɛẅì hɔ̀n hɔ́; nyɛ́n srɔ ɛẅì hɔ̀n ɛgbàn tɛ̀sɛ̀n, tɛ́n nyɛ́n srɔ anwrɔn cüìcüì hɔ̀n ny'ankà-tro mɛ̀n.

1 Korɛntɛ̀n anmàn-bɔ̀ 2:6

Kɩ, Ɔwɔ ankà-nyrì de me yé Krisì-sɛ̀nkɛn-bɔ̀ léyi Ɛnhɛ́n Prɔnprɔn mɛ̀n anvɛmɛ̀n cüe nɔn. Tɛ́n kè sɩ̀ dù ɛnhibù wú ankà-nyrì mán ɛkɔrɛ̀-srɔn-bɔ̀ ankà-nyrì léyi ẅɛn ɛyri ɛnhibù ndɔ lɔ wú, hɩ dú eci-jrɛ́-ci nɔn.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

Galasi anmàn-bɔ̀ 4:19

M'ɛẅì hɔ̀n, mɛ̀n vru me di ejüe ny'ɛkruhú hán ɛnnyɔnwrɔn tɔ̀n léyi ke bî ɛnẅì nɔn, hàn kɩ nyɛ́n nyri kpete mɛ̀n le Krisì dú nyɛ̀n ɛmɛ̀n.

Efɛzɛ̀n anmàn-bɔ̀ 1:17

kɩ mɛ sán dɔ́ Ɛẅɛnwrɔn Zhezü Krisì Wɔ lɔ, bɔ́ Zi léyi ẅɛn eci-zrɔ nɔn, kɛ̀ tán nyɛ̀n ankà-nyrì Hɛ́n léyi ke le yé nyɛ̀n nɛ́n, ô kɛ̀ hán ye nyri nɛ̀n annanwɔrɛ mɛ̀n.

Efɛzɛ̀n anmàn-bɔ̀ 1:23

Ɔwɔ-fɛcüè dú Krisi dùwrú; n'ɛmɛ̀n de Krisì dú annanwɔrɛ mɛ̀n, nɛ́n léyi nɛ̀n yɩ́ ɛnhibù mumù lɔ fɛn mɛ̀n nɔn.

Efɛzɛ̀n anmàn-bɔ̀ 2:15

Nɛ̀n jrɛ́ Zhüifɛ̀n-bɔ̀ nyànmàn mán yɔ eci-hán-ci hɔ̀n, ô nɛ̀n hán ɔwrɔnwrɔn mán yɔ nyran hɔ̀n kɛ̀ srɔ fɛcüè wrù zri, nɛ́n mán yɔ mɛhi y'ɔbɔ̀sɔ̀ lɔ mɛ̀n; ɔmu lɔ de nɛ̀n wá anwɔwɔ nɔn.

Efɛzɛ̀n anmàn-bɔ̀ 4:12

Ɔmu lɔ de nɛ̀n hán Ɔwɔ-fɛcüè lɔ krɔn kpehɛ́n kè dú n'eci-bɩ̀tan-kɔ̀hɔ́n mɛ̀n, ô kɛ̀ hán Krisì dùwrú-ẅia lɔ kè dú evrisɩemɛ̀n nɔn.

Efɛzɛ̀n anmàn-bɔ̀ 4:3

Nyɛ́n hán kèkrèmɛ̀n nyɛ́n ẅɛn ɔbɔ̀sɔ̀ léyi Ɛnhɛ́n Prɔnprɔn tán nyɛ̀n anwɔwɔ mɛ̀n, hɩ kɛ bɔsɔ́ nyɛ̀n eci zriemɛ̀n nɔn.

Efɛzɛ̀n anmàn-bɔ̀ 4:5

Ɛẅɛnwrɔn zri kɩ ndù, ankaẅì-bùtan zri kɩ dù, ɛnshikru-wá zri kɩ dù;

Filipɛ̀n anmàn-bɔ̀ 3:10

Eci lɔ fɛn léyi me ji nɔn, dú hɩ le me le nyri Krisì mán n'owúemɛ̀n-dùfrɔ́ kɔrɛ̀srɔn lɔ, mɛ̀n dú m'ɛgbànkàn hɔ̀n lɔ mɛ̀n, ô mɛ̀n dù mɛ̀n cá nɛ̀n, n'owù lɔ mɛ̀n,

Filipɛ̀n anmàn-bɔ̀ 3:8

Kɩ mɛ nyan eci totɔtɔ̀n kɛ hán ɛzrɛ́n-ci, anvrɛn vri ndɔ lɔ zìwú: mɛ̀n nyri Zhezü Krisì m'ɛẅɛnwrɔn, nɛ́n léyi n'ɛkruhú mɛ́n tecüe mɛ́n dùku mɛ́n vɔ̀nshɛ́ ci; mɛ nyan eci ndɔ lɔ fɛn kɛ hán anwrɔ̀n-ci hɔ́, ô mɛ̀n cɔ́ Krisì,

Kɔlɔsèn anmàn-bɔ̀ 1:28

Ɔmu lɔ de bɔ́ dɔ́ krisì ankà tán ɔwrɔnẅì totɔtɔ̀n lɔ fɛn nɔn. Bɔ́ bi dɔ̀, kɩ bɔ́ yé ɔwrɔnwrɔn, ankà-nyriemɛ̀n, ô ɔwrɔnwrɔn kɛ srɔ ecüìcüì ɛnhɛ́n mɛ̀n, nɛ́n mán Krisì mɛhi y'ɔbɔ̀sɔ̀ lɔ mɛ̀n.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Ebre-bɔ̀ 5:14

Tɛ́n, ɛcizî dùku lɔ, dú ɛcüìcüì-bɔ̀ tɛn, yɔ léyi y'eci-hán mɛ̀n, yɔ nyri eci léyi dú anvrɛn mán ɛgbàn nɔn.

2 Piɛrɛ̀n 1:4

Ɔmu lɔ de nɛ̀n tán bɔ̀ anhàn shishi mùan-wá vri, ô ɛnvra léyi nyɛ lɛ cɔ́ eci léyi nɛ̀n wá ɔmùan nɔn, nyɛ́n cɔ́ ɛyri nyɛ́n di ankàtro ci-jrɛ́ anta, yɔ léyi yɔ dú ɛyri-ẅɛn mɛ̀n ɛnhibù wú, ô nyɛ́n dú Ɔwɔ wúvà mɛ̀n.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.