Efɛzɛ̀n anmàn-bɔ̀ 4:11 - Ɛmɛẅi ankà ankrànkràn 2003

¹¹ Nɛ́n de nɛ̀n ce ɔwrɔnwrɔn eci: ndɔ hɔ̀n nɛ̀n srɔ ɔkɔhɔ̀n-wá-bɔ̀, ɛnjanbɔ̀ srɔ Ɔwɔ-mùanwú-ankà-dɔ́-bɔ̀, kɩ ndɔ hɔ̀n vru srɔ Ɛmɛẅi ankà Ankrankran dɔ́-bɔ̀, Ɔwɔ-bɔ̀, ankà-yé-bɔ̀.

Efɛzɛ̀n anmàn-bɔ̀ 4:11 Iomraidhean Croise

Matie 28:20

ô nyɛ́n hán yɔ, yɛ ẅɛn ankà hɔ̀n lɔ fɛn léyi mɛ̀n yé nyɛ̀n nɔn, n'ɛkɔrɛ̀zì yɔ hɛ́n. Kɩ ke ji le nyɛ́n nyrì le: me le dú nyɛ̀n ɛmɛ̀n ɛnvra lɔ fɛn, hàn kɩ kɛ lɛ cɔ́ ɛnhibù trɔ vra.”

Ɔkɔ̀hɔ̀n-wá-bɔ̀ kɔ̀hɔ̀n hán 13:1

Antiɔshɛ̀n anmàn Wɔ-fɛcüè-bɔ̀ mɛ̀n lɔ, Ɔwɔ-mùanwú-ankà-dɔ́-bɔ̀ mán ankà-yé-bɔ̀ ndù: Barnabasɛ̀n, Simeɔn léyi ye bi Ɔwrɔn yɔwɔ nɔn, Lüsiüsɛ̀n (Sirɛnɛ̀n anmàn-wrɔn) Manaɛ́n léyi nɛ́n mán Herɔdɛ̀n mɛhi yɛ wá yɔ ɛcɛmɛ̀n, kɩ Herɔdɛ̀n ẅɛn ɛyri Galile kpɔsɔ wú, mán Sɔlɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

Ɔkɔ̀hɔ̀n-wá-bɔ̀ kɔ̀hɔ̀n hán 21:8

Ɛcɛ̀n cüe, bɔ̀ vru ɛmɛẅi bɔ́ hɔ̀n kɩ bɔ̀ cɔ́ Sezare. Nanvrɛn lɔ, bɔ̀ bru ɛmɛẅi-ankà-ankrankran-dɔ́-wrɔn Filipɛ̀n, wɔn lɔ mɛ̀n kɩ bɔ̀ dú n'eyri ɛbemɛ̀n. Anwrɔn ɔbɔɛ̀n léyi yɛ mrɛ́n ye bɩ́ Zherüzalɛmɛ̀n nɔn, nɛ̀n dú ɔtɔ̀n.

Rɔmɛ̀n-anmàn-bɔ̀ 12:7

Ke dú kɛ ɔwrɔn nyàntɛn tɔ̀n, dú eci-bɩtan-wrɔn ɛnkruemɛ̀n ẅɛn mɛ̀n, ke ji le nɛ̀n dú eci-bɩtan-wrɔn. Ɔwrɔn léyi ẅɛn ɛnkruemɛ̀n ankà-yé mɛ̀n nɔn, ke ji le nɛ̀n dú ankà-yé-wrɔn.

1 Korɛntɛ̀n anmàn-bɔ̀ 12:4

Ɛnhɛ́n Prɔnprɔn cice-ci mɛ̀ntɛ mɛ̀ntɛ de dù nɔn, tɛ́n Ɛnhɛ́n zri lɔ de kɛ tán yɔ nɔn.

Efɛzɛ̀n anmàn-bɔ̀ 2:20

Nyɛ́n dú ɔwɔn léyi ye kù, kɩ ɔkɔhɔ̀n-wá-bɔ̀ mán Ɔwɔ-mùanwú-ankà-dɔ́-bɔ̀ dú ɛnhi-nan-bù, kɩ Zhezü Krisì dùku dú Ɔwɔn-kàvà-mɛ̀n-bù.

Efɛzɛ̀n anmàn-bɔ̀ 3:5

Ɛnbiɛhɛ́n vra lɔ, ankà-bán-ankà ndɔ lɔ kè sɩ̀ hàn tán anwrɔnẅì kè nyriɛn, tɛ́n zɛtɛ̀ lɔ, Ɔwɔ hán tán n'ɔkɔ̀hɔ̀n-wá-bɔ̀ prɔnprɔn hɔ̀n mán n'ɔmùanwú-ankà-dɔ́-bɔ̀ ncɔ́ nyri n'Ɛnhɛ́n cüìemɛ̀n.

Efɛzɛ̀n anmàn-bɔ̀ 4:8

Owrú Prɔnprɔn mɛ̀n yɛ dɔ̀ le: “Ɛnvra léyi nɛ́n kà nɛ̀n hɔ́n ɛwú nɔn, nɛ̀n ẅɛn anwɔn-mɛ̀n-wá-bɔ̀; nɛ̀n ce anwrɔnẅì ɛci.”

Anhyrɛmɛ̀n timote 4:5

Tɛ́n vɛ́n, è sɩ́ ɛnkru ɛwú eci lɔ fɛn mɛ̀n, è shri ɛgbànkàn è bɩ, ɛ̀ hán Ɛmɛẅi ankà Ankrankran lɔ n'obònyi kɔ̀hɔ̀n, ô ɛ̀ hán v'eci-bɩ̀tan kɔ̀hɔ̀n Ɔwɔ tɛsɛ̀n.

Ebre-bɔ̀ 5:12

Ɛnvra bobrebe vácì, ô nyɛ́n srɔ ankà yé-bɔ̀, kɩ ɔmu tɛ̀kɩ nye vru nye ji le ye yé nyɛ̀n ɛnvrakpà ci hɔ̀n léyi dú Ɔwɔ mɛẅi ankà-dɔ̀ lɔ mɛ̀n nɔn. Nyɛ́n vru nye ji ɛnyàn-shi vrán ɛcizî dùku.

Zhüdɛ̀n 1:17

Nyɛ tɛn, annyran anvrɛn hɔ̀n, ankà léyi bɔ́ Ẅɛnwrɔn Zhezü-Krisì kɔ̀hɔ̀n-wá-bɔ̀ dɔ́ bɔ̀ ɛnbiɛhɛ́n vra lɔ nɔn, kè bru nyɛ̀n.

Ɔwɔ-mɛ̀n-yrikàn 18:20

Anhobɩ́, pɔpüɛ̀ kɛ̀ brá mɛ́n n'ɔgbɔ̀ngbɔ̀ lɔ wú! Ɔwɔ-fɛcüè-bɔ̀ pɔpüɛ̀ kɛ̀ brá nyɛ̀n, ɔkɔ̀hɔ̀n-wá-bɔ̀ mán Ɔwɔ-mùan-wú-ankà-dɔ́-bɔ̀! Ɔmuhi ɛgbàn léyi nɛ̀n hán nyɛ̀n nɔn, Ɔwɔ ci nɛ̀n ɛmrɛ̀n hɩ wú!

Ɔwɔ-mɛ̀n-yrikàn 21:14

Anmàn drɛ́n lɔ yɛ́ ɛbù-hi-nan ɛvà-anhyrɛ̀ wú, y'ɛwú lɔ ye merɛ́n Ɔwɔ-Kɔ̀kɔ̀sɛ̀-ẅì kɔ̀hɔ̀n-wá-bɔ̀ ɛvà-anhyrɛ̀ lɔ y'ebi.