Efɛzɛ̀n anmàn-bɔ̀ 4:10 - Ɛmɛẅi ankà ankrànkràn 2003

¹⁰ Ɔwrɔn léyi kakɛ nɔn, nɛ̀n dú ɔwrɔn zri léyi nkà hɔ́n anhobɩ́ ɛwúɛ hɛ́n, ô nɛ̀n yɩ́ ɛnhibù mumù lɔ fɛn.

Efɛzɛ̀n anmàn-bɔ̀ 4:10 Iomraidhean Croise

Matie 24:34

Mɛ dɔ́ nyɛ̀n annànwɔrɛ mɛ̀n le: Zɛtɛ̀ vra bɔ̀ lɔ ke sɩ̀ wù kɛ̀ trɔ, kɩ eci lɔ kɛ lɛ wɔɛ̀n.

Lükɛ̀n 24:44

Zɛtɛn nɛ dɔ́ yɔ le: “Nyàn ankà léyi mɛ̀n dɔ́ nyɛ̀n ɛnvra léyi nyɛ́n mɛhi bɔ́ dù nɔn: eci hɔ̀n léyi ye merɛ́n m'ɛwú, Mohizì nyanmàn lɔ mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n, mán Ɔwɔ-mrɛ́n wrú lɔ mɛ̀n nɔn, ke ji le kɛ̀ sá nmù.”

Zhan 1:16

Bɔ lɔ fɛn bɔ̀ cɔ́ nɛ́n nboafɔ̀n nɛ̀ncüì-dì lɔ; bɔ̀ vru bɔ̀ cɔ́ nboafɔ̀n mán ɛnshifù bobrebe.

Zhan 19:24

Gɔliɛ-bɔ̀ lɔ kɛ dɔ́ y'edomɛ̀n le: “Bɔ́ bɩ́ sha ɛceci-she ndɔ lɔ, tɛn bɔ̀ wá ɛnsànse ô bɔ́ nyri ɔwrɔn léyi ke le bɩ́ nɛ̀n nɔn.” Ɔmu lɔ de Owrú Prɔnprɔn ankà-dɔ̀ lɔ sá nmù nɔn. Ye merɛ́n yɛ dɔ̀ le: “Yɔ dɛ́ m'ɛceci hɔ̀n lɔ yɔ bɩ kɩ yɔ bɩ́ m'ɛceci-she lɔ yɔ wá ɛnsànse.” Nyàn eci léyi gɔliɛ-bɔ̀ lɔ hán nɔn.

Zhan 19:28

Ndɔ lɔ mɛẅi lɔ, ɔmuhi Zhezü nyri ɔmu le zɛtɛ̀ lɔ, ɛci lɔ fɛn lɔ trɔa nɔn, nɛ dɔ́ ankà ndɔ lɔ ô Owrú Prɔnprɔn ankà-dɔ̀ lɔ kɛ sá nmù: Nɛ́n dɔ̀ le: “Ɛnshi mùanwù kɛ ẅɛn mɛ̀n.”

Zhan 19:36

Ɔmuhi eci ndɔ lɔ hán tán, ô Owrú Prɔnprɔn ankà-dɔ̀ lɔ kɛ sá nmù nɔn: “Ye sɩ̀ bɔyɛ nɛ̀n ɛnwi zriɛmɛ́n”.

Ɔkɔ̀hɔ̀n-wá-bɔ̀ kɔ̀hɔ̀n hán 1:11

kɩ kɛ dɔ́ yɔ le: “Galile-bɔ̀, cɛci kruhú kɛ̂ nyɛ́n nyɔn ɛnu lɔ nyɛ nyán anhobɩ́ɛ? Zhezü ndɔ léyi ye bɩ́ sɔhɔ́ ny'antamɛ̀n kɛ hɔ́n anhobɩ́ nɔn, ke le vru kɛ̀ vá ɔmu zri léyi nyɛ́n kán nɛ̀n nɛ hɔ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 1:9

Ɛnvra léyi Zhezü dɔ́ ankà ndɔ hɔ̀n lɔ trɔ nɔn, nɛ̀n tɔhú nɛ hɔ́n anhobɩ́, kɩ yɔ lɛ fɛn yɔ nyan nɛ̀n; Zɛtɛn ɛnwì-gbú tɔ̀n wá sɛ́n y'ezì.

Ɔkɔ̀hɔ̀n-wá-bɔ̀ kɔ̀hɔ̀n hán 2:33

Ye sɩ́ nɛ̀n ɛwú, nɛ̀n yɛ́ Ɔwɔ zì-kɔrɛ̀ kɔrɛ̀a, kɩ nɛ̀n cɔ́ Ɔwɔ tamɛ̀n Ɛnhɛ́n Prɔnprɔn léyi yɛ wá ɔmùan nɔn; nɛ́n bonyi Ɛnhɛ́n Prɔnprɔn ndɔ lɔ bɔ́ ɛwú, kɩ hɩ de dú eci léyi nyɛ kàn kɩ nyɛ yá zɛtɛ̀ lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 3:18

Tɛ́n Ɔwɔ hán eci lɔ sá nmù, hán hɩ le nɛ̀n tán Ɔwɔ-mùanwú-ankà-dɔ́-bɔ̀, dɔ́ ɛnbìɛhɛ́n; nɛ́n dɔ̀ le n'Ebɩ̀die-wrɔn lɔ kɛ lɛ kán ɛgbàn.

2 Korɛntɛ̀n anmàn-bɔ̀ 12:2

Mɛ̀n nyri Krisì-sɛ̀nkɛn-wrɔn tɔ̀n léyi ɛnnànwàn kru ɛvà-anzɔ̀, de ye sɩ́ nɛ̀n ɛwú hàn kɩ cɔ́ anhobɩ́. (Mɛ̀n sɩ̀ nyrìɛn ke dú kɛ annanwɔrɛ mɛ̀n lɔ, ye sɩ́ nɛ̀n ɛwú kale nɛ̀n cɔ́ Ɔwɔ-mɛ̀n-yri-kàn tɔ̀n, Ɔwɔ zri kɩ nyrì.)

Efɛzɛ̀n anmàn-bɔ̀ 3:19

Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.

Kɔlɔsèn anmàn-bɔ̀ 1:19

Ɔmuhi Ɔwɔ wá kè dú n'Ɛnẅì mɛ̀n kokroho

Kɔlɔsèn anmàn-bɔ̀ 2:9

Ɔmuhi eci lɔ fɛn léyi dú Ɔwɔ mɛ̀n nɔn, bɩ́ edùwrú Krisì mɛ̀n, kɩ sɔ́n ebɩ́ kokroho n'ɛmɛ̀n;

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Ebre-bɔ̀ 4:14

Bɔ̀ ẅɛn ɛshishiemɛ̀n ankàẅì-bùtan léyi bɔ́ sɔ́n lele bɔ́ yé nɔn. Annanwɔrɛ mɛ̀n lɔ, bɔ̀ ẅɛn Ɔwɔ-cice-wrɔn cüìcüì tɔ̀n léyi nhɔ̀n, hàn mán cɔ́ Ɔwɔ mumù zìwú: nɛ́n de nɛ̀n dú Zhezü, Ɔwɔ Ẅì lɔ nɔn.

Ebre-bɔ̀ 7:26

Zhezü dú Ɔwɔ cice-wrɔn cüìcüì léyi ke ji le bɔ̀ ẅɛ̀n nɔn. Nɛ̀n dú prɔnprɔn, nɛ̀n sɩ̀ dù ɛnbramɛ̀n, ɛgbàn bàdá nɛ̀n edomɛ̀n; yɛ mrɛ́n nɛ̀n ɛgbàn-hán-bɔ̀ mɛ̀n yɛ sɔhɔ́ kɩ ye sɩ́ nɛ̀n anhobɩ́ ɛwúhɛ́n;

Ebre-bɔ̀ 8:1

Nyàn ankà krugbɔ́ léyi bɔ́ ẅɛ̀n bɔ lɛ dɔ̀ nɔn: Ɔwɔ cice-wrɔn cüìcüì tɔ̀n ɔmu lɔ de bɔ́ ẅɛ̀n, nɛ́n léyi nɛ̀n yɛ́ anhobɩ́ ɛkɔrɛ̀srɔn-vri-Wɔ gbú-tobù zì-kɔrɛ̀a nɔn.