Efɛzɛ̀n anmàn-bɔ̀ 3:9 - Ɛmɛẅi ankà ankrànkràn 2003

⁹ Ke ji le mɛ̀n sɩ́ ɛyri-kán mɛ̀n, kè dú anwrɔnẅì lɔ fɛn tɛn, Ɔwɔ ankɔ́nda ankà-bán-ankà ci-hán lɔ. Nɛ́n léyi nɛ̀n dú ɛci hɔ̀n lɔ fɛn hán-wrɔn, nɛ́n tɛ̀hɛ́n ɛbán mɛ̀n ankɔ́nda ci-hán ndɔ lɔ ɛnvra lɔ fɛn mɛ̀n,

Efɛzɛ̀n anmàn-bɔ̀ 3:9 Iomraidhean Croise

Matie 10:27

Ankà léyi mɛ dɔ́ nyɛ̀n ɛnẅìemɛ̀n nɔn nyɛ́n dɔ́ nɛ̀n ɛcɛ̀n pupu mɛ̀n; kɩ ankà léyi yɛ yá ɛshremɛ̀n nɔn, nyɛ́n di bobo nyɛ́n dɔ́ nɛ̀n ɔwɔn wú.

Matie 13:35

Nɛ hán ɔmu lɔ, ô Ɔwɔ-mùanwú-ankà-dɔ́-wrɔn ankà ndɔ lɔ dɔ̀ nɔn, kɛ̀ sá nmù: “Mɛ lɛ dɔ́ yɔ ankà nyandrɛn mɛ̀n, mɛ lɛ dɔ́ yɔ ɛci hɔ̀n léyi dú ɛbán mɛ̀n ɛnhibù krubɔmɛ̀n hán hɛ́n nɔn yi ankà.”

Matie 25:34

Zɛtɛn ɛnnɛ̀ncüì lɔ kɛ lɛ dɔ́ anwrɔn hɔ̀n léyi dú nɛ̀n ezì-kɔrɛ̀ nɔn le: ‘Nyɛ́n và, nyɛ́n léyi Dade fú nyɛ̀n ɛnshi nɔn, nyɛ́n bru Anhobɩ́ nɛ̀ncüì-dúyri léyi yɛ hán yɛ hɛ́n nyɛ̀n ɛnhibù krubɔmɛ̀n hán hɛ́n nɔn.

Matie 28:19

Nyɛ́n hɔ́n ɛnhibù mumù lɔ fɛn wú, nyɛ́n hɔ́n anwrɔn ɛtɛ̀sɛ̀n, ô nyɛ́n srɔ yɔ m'ɛsɛ̀nkɛn-bɔ̀; nyɛ́n wá yɔ ɛnshi ɛnkru: Ezi, Ɛnẅì mán Ɛnhɛ́n Prɔnprɔn bɩ́mɛ̀n,

Lükɛ̀n 24:47

kɩ ke ji le yɛ dɔ́ n'ankà ɛnhi wù anmàn lɔ fɛn zìwú, yɔ bukru Zherüzalɛmɛ̀n, ye bi anwrɔn kɛ̀ crɔn ɛnkru, ô kɛ̀ cɔ́ ɛgbàn-bɩ-ce.

Zhan 10:30

Mɛ̀n mán Dade mɛhi bɔ́ dú eci zri.”

Zhan 5:17

Tɛ́n Zhezü mrɛ́n yɔ ɔmùan le: “Dade Ɔwɔ kɛ hán ɔkɔhɔ̀n ɛnvra lɔ fɛn kɩ mɛ̀n mán mɛ̀n dú ɔkɔhɔ̀n hán mɛ̀n.”

Zhan 5:19

Zhezü vru bɩ́ ankà-dɔ̀ kɩ kɛ dɔ́ yɔ le: “Hɛ̀ɛ̀ mɛ dɔ́ nyɛ̀n le: Ɛnẅì lɔ ke sɩ́ hán eci zriɛmɛ́n nɛ́n dùku n'ɛkɔrɛ̀levriemɛ̀n; nɛ hán eci léyi nɛ kán nɛ́n zi kɛ hán nɔn. Eci lɔ fɛn léyi Ɛnẅì-nɛ́n-zi kɛ hán nɔn, Ɛnẅì mán kɛ hán eci zri lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 15:18

nɛ́n léyi nɛ̀n hán ye nyri n'ankà-tro ci-hán ɛnvra sheshemɛ̀n nɔn.’

Rɔmɛ̀n-anmàn-bɔ̀ 11:25

Anwrɔn-nɛ́n-muan-ẅì hɔ̀n, me ji mɛ̀n hán nyɛ̀n nyɛ́n nyri Ɔwɔ ankɔ́nda-ci-hán ankà-bán-ankà lɔ, ô nyɛ́n bɩ́ bú ny'edomɛ̀n nyɛ́n hán ankà-nyri-bɔ̀: Izraɛlɛ̀n fɛcüè cá ke le dú ɔbrɔsa mɛ̀n hàn kɩ kɛ lɛ cɔ́ ɛnvra léyi ɛnhibù fɛcüè nyantɛn kɛ lɛ cɔ́ ɛnkru-kɔrɛ̀ nɔn.

1 Korɛntɛ̀n anmàn-bɔ̀ 2:7

Hɔ̂, mɛ dɔ́ Ɔwɔ ankà-nyrí ankà-bán-ankà, léyi yɛ bán anwrɔnẅì. Ɔwɔ gɔ́ mrɛ́n nɛ̀n nbɩ, ô kɛ̀ hán bɔ̀ bɔ́ dú n'eci-zrɔ lɔ mɛ̀n ɛnvra léyi ɛnhibù kɛ vá bukru nɔn.

Efɛzɛ̀n anmàn-bɔ̀ 1:4

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n,

Efɛzɛ̀n anmàn-bɔ̀ 3:2

Nyɛ́n yá annanwɔrɛ mɛ̀n yɛ dɔ́ ɔkɔhɔ̀n léyi Ɔwɔ tán mɛ̀n n'ɛzrɔ lɔ mɛ̀n, kè dú nyɛ́n vɔ̀nshɛ́-ci nɔn.

Efɛzɛ̀n anmàn-bɔ̀ 6:19

nyɛ́n sɛ̀n nyɛ́n tán mɛ̀n mán, ô Ɔwɔ kɛ̀ tán mɛ̀n ɛnnyrɔnnan ankà-dɔ̀, ô mɛ̀n cɔ́ ɛkɔrɛ̀-levri mɛ̀n dɔ́ annanwɔrɛ mɛ̀n Ɛmɛẅi ankà Ankrankran lɔ, n'ankà-bán-ankà.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

Kɔlɔsèn anmàn-bɔ̀ 1:26

hɩ mɛ̀n kɛ dɔ̀ le, n'ɛnbɔrɛmɛ̀n ankɔ́nda-ci-hán ankà léyi dú ɛbán mɛ̀n ɛnvra lɔ fɛn tán anwrɔnẅì lɔ fɛn, tɛ́n zɛtɛ̀ lɔ, nɛ́n bɩ nɛ̀n yé ankaẅì-bùtan-ẅɛn-bɔ̀.

Kɔlɔsèn anmàn-bɔ̀ 3:3

Ɔmuhi nyɛ́n wù kɩ ny'ɛwúvà lɔ mán Krisì mɛhi bán dú Ɔwɔ mɛ̀n.

Kɔlɔsèn anmàn-bɔ̀ 4:3

Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

2 Tesalonikɛ̀n anmàn-bɔ̀ 2:13

Tɛ́n bɔ́ tɛn, ke ji le ɛnvra lɔ fɛn bɔ́ tán Ɔwɔ ɔkùɛn ny'ɛkruhú, anwrɔn-nɛ́n-muan-ẅì hɔ̀n, nyɛ́n léyi Ɛẅɛnwrɔn kɛ cüɛn nyɛ̀n nɔn. Ɔmuhi Ɔwɔ mrɛ́n nyɛ̀n nbɩ̀, nyɛ́n ɛnvrakpà-bɔ̀, ô nyɛ́n cɔ́ ebɩ̀die léyi Ɛnhɛ́n Prɔnprɔn kɛ tán nyɛ̀n ny'ɛwúvà-prɔnprɔn-ẅɛ̀n lɔ mɛ̀n mán ny'annanwɔrɛ ankaẅì-bùtan-ẅɛ̀n lɔ mɛ̀n nɔn.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Anhyrɛmɛ̀n timote 4:17

Tɛ́n Ɛẅɛnwrɔn wá mɛ̀n ɛkɔrɛ̀ kɩ tán mɛ̀n ecüì, hán tán kɩ mɛ̀n cɔ́ n'ɛmɛẅi ankà dɔ́ yri anvrɛnvrɛn, kɩ mɛ̀n hán tán anwrɔn hɔ̀n lɔ fɛn léyi kè sɩ̀ nyrì Ɔwɔ nɔn, cɔ́ n'ankà lɔ yá. Kɩ nɛ̀n mrɛ́n mɛ̀n gɔ̀ngɔ̀sɔvɛ̀ mùan mɛ̀n nɛ̀n sɔhɔ́.

Titɛ̀n 1:2

ô yɔ cɔ́ ɛwúvà léyi ke sɩ́ trɔa nɔn n'esɛ́. Ɔwɔ léyi ke sɩ́ ẅɛn ɛyɔ̀n nɔn, wá bɔ̀ ɛwúvà ndɔ lɔ n'ɔmùan, yakɛ ɛnhibù bukru;

1 Piɛrɛ̀n 1:20

Ɔwɔ wá eci-hán ndɔ lɔ ɛnvra léyi ɛnhibù kɛ vá bukru, kɩ ɛnvra trɔ mùan mɛ̀n lɔ, nɛ̀n yé eci-hán ndɔ lɔ ny'anvrɛn kruhú.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 14:6

Zɛtɛn mɛ̀n kán Ɔwɔ-kùyüre-wrɔn tɔ̀n nyantɛn ke tú ɔwràn mɛ̀n ɛwú-hɛ́n; nɛ̀n ẅɛn Ɛmɛẅi ankà Ankrankran tɔ̀n léyi ke sɩ́ trɔa nɔn, ne ji nɛ̀n dɔ́ tán ɛnhi-wú-anmàn-bɔ̀ lɔ fɛn, ɛmɛ̀n lɔ fɛn, ɛnbrɛ̀ lɔ fɛn mán fɛcüè lɔ fɛn.

Ɔwɔ-mɛ̀n-yrikàn 17:8

Ɔnɔ̀n léyi ɛ kàn nɔn, ɛnbiɛhɛ́n lɔ nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ankɔrɛkɔrɛ mɛ̀n hàn; ke ji le nɛ̀n dú gbàzrɔ mɛ̀n nɛ̀n srɔ ɛntrɛ, ô nɛ̀n hɔ́n n'ɛzrɛ́n mɛ̀n. Ɛnhi-wú-anmàn-bɔ̀ léyi ɛnhibù krubɔmɛ̀n hàn-hɛ́n ye sɩ̀ mrɛ̀n yɔ bi, kè dù ɔkɔrɛ wrú lɔ mɛ̀n nɔn, ke le dú anvɛmɛ̀n-frɛ́n mɛ̀n ɛnvra léyi yɔ lɛ kán ɔnɔ̀n lɔ nɔn: annanwɔrɛ mɛ̀n lɔ, ɛnbiɛhɛ́n vra lɔ, nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ɔmu lɔa, kɩ ne le vru nɛ̀n srɔ.

Ɔwɔ-mɛ̀n-yrikàn 4:11

“Ɛẅɛnwrɔn, b'Ɔwɔ, eci-zrɔ, ɛmrɛ́n mán ɛkɔrɛ̀srɔn dú vɛ tɛn. Ɔmuhi vɛ́n de ɛ̀ hán ɛci hɔ̀n lɔ fɛn, yɔ dú ɛwúvà mɛ̀n ɔmuhi è ji ɔmu lɔ nɔn.”