Efɛzɛ̀n anmàn-bɔ̀ 3:8 - Ɛmɛẅi ankà ankrànkràn 2003

⁸ Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Efɛzɛ̀n anmàn-bɔ̀ 3:8 Iomraidhean Croise

Lükɛ̀n 14:22

Ɛnvra cá mɛ̀n eci-bɩtan-wrɔn lɔ vru và kɛ dɔ̀ le: ‘Ankà-yé-wrɔn eci léyi ɛ̀ wá tán mɛ̀n nɔn, mɛ̀n hán trɔ, tɛ́n ɛyɛ́-yri vru dù.’

Zhan 1:16

Bɔ lɔ fɛn bɔ̀ cɔ́ nɛ́n nboafɔ̀n nɛ̀ncüì-dì lɔ; bɔ̀ vru bɔ̀ cɔ́ nboafɔ̀n mán ɛnshifù bobrebe.

Ɔkɔ̀hɔ̀n-wá-bɔ̀ kɔ̀hɔ̀n hán 5:41

Ɔkɔ̀hɔ̀n-wá-bɔ̀ lɔ cɔhɔ́ ankà-dɔ̀-trɔ-bɔ̀ mrɛ̀ncì zìwú, yɔ dú pɔpüɛ̀-brá mɛ̀n, ɔmuhi Ɔwɔ ci yɔ ɛmrɛ̀n le, yɔ kán ɛgbàn Zhezü bɩmɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:15

Tɛ́n Ɛẅɛnwrɔn kɛ dɔ́ nɛ̀n le: “Ɛ̀ hɔ̀n, ɔmuhi mɛ̀n mrɛ́n ɔwrɔn ndɔ lɔ mɛ́n bɩ, kɩ nɛ lɛ hán ɛnhi wú anmàn ndɔ hɔ̀n mán y'ɛnnɛ̀ncüì hɔ̀n kè nyri m'ebɩ́, kɩ ɔmu zri lɔ de ke le dù tán Izraɛlɛ̀n fɛcüè nɔn.

Rɔmɛ̀n-anmàn-bɔ̀ 11:33

Nyàn ɔmuhi Ɔwɔ nɛ̀ncüì-dì lɔ sevri nɔn! Nyàn ɔmuhi n'ankà-nyrì mán n'eci-nyrì vrɛn nɔn! Antɔnwrɔn de kɛ lɛ dɔ́ n'eci-hán ankà nɛ́n? Antɔnwrɔn de ke le nyri n'ankɔnda-ci-hán ankà nɛ́n?

Rɔmɛ̀n-anmàn-bɔ̀ 12:10

Nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n léyi kɛ cüɛn y'edomɛ̀n nɔn; nyɛ́n wá ny'edomɛ̀n ecüɛn mɛ̀n.

Rɔmɛ̀n-anmàn-bɔ̀ 2:4

Kale e gbri Ɔwɔ bɔrɛ wɔwɔ lɔ, n'ɛnbɔrɛ-ẅɛ̀n-hɛ́n mán n'ɛnhyɔ̀bɔ̀-nyrì lɔa? È sɩ̀ nyrì ɔmu le Ɔwɔ ɛnbɔrɛ wɔwɔ lɔ de kɛ lɛ hán mɛ́n ɛ̀ crɔn vɛ́n eci-hán-ci lɔ nɛ́n?

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 15:9

Annanwɔrɛ mɛ̀n lɔ, mɛ̀n dú ɔkɔ̀hɔ̀n-wá-wrɔn cɛ́ ɔkɔ̀hɔ̀n-wá-bɔ̀ lɔ mɛ̀n, annanwɔrɛ ankà dɔ́ mɛ̀n lɔ, mɛ̀n sɩ̀ krɔn ɔmu le y'á bi mɛ̀n ɔkɔ̀hɔ̀n-wá-wrɔn, ɔmuhi mɛ̀n kɔ́n Ɔwɔ-fɛcüè hɔ̀n anhà nɔn.

1 Korɛntɛ̀n anmàn-bɔ̀ 2:9

Tɛ́n, hán ɔmu le Owrú Prɔnprɔn kɛ dɔ̀ nɔn: “Eci léyi ɔwrɔnẅì zriɛmɛ́n kɛ vá kàn, hɩ kɛ vá yá, ankà léyi ɔwrɔnẅì zriɛmɛ́n kɛ vá tro, Ɔwɔ hán tán anwrɔn hɔ̀n léyi ẅɛn n'ɛcüɛ̀n nɔn.”

Galasi anmàn-bɔ̀ 2:8

Ɔmuhi Ɔwɔ srɔ mɛ̀n ɛnhi wú anmàn nyàntɛn hɔ̀n kɔ̀hɔ̀n-wá-wrɔn, hán ɔmu zri léyi nɛ̀n srɔ Piɛrɛ̀n Zhüifɛ̀n-bɔ̀ kɔhɔ̀n-wá-wrɔn nɔn.

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Efɛzɛ̀n anmàn-bɔ̀ 3:1

Hɩ le kruhú de, mɛ̀n Pɔlɛ̀n, mɛ sɛ́n Ɔwɔ. Mɛ̀n dú anwɔn-mɛ̀n-wá-wrɔn Zhezü Krisì ci-bɩ̀tan kɔ̀hɔ́n mɛ̀n, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn ny'ɛkruhú.

Efɛzɛ̀n anmàn-bɔ̀ 3:16

Mɛ sán nɛ̀n, ô n'ɛnnɛ̀ncüì-dì ci-zrɔ lɔ mɛ̀n, nɛ̀n tán nyɛ̀n ecüì ɛnhɛ́n mɛ̀n, n'ɛkɔrɛ̀-srɔn Hɛ́n cüì lɔ mɛ̀n,

Efɛzɛ̀n anmàn-bɔ̀ 3:19

Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.

Efɛzɛ̀n anmàn-bɔ̀ 3:2

Nyɛ́n yá annanwɔrɛ mɛ̀n yɛ dɔ́ ɔkɔhɔ̀n léyi Ɔwɔ tán mɛ̀n n'ɛzrɔ lɔ mɛ̀n, kè dú nyɛ́n vɔ̀nshɛ́-ci nɔn.

Filipɛ̀n anmàn-bɔ̀ 2:3

Nyɛ́n bɩ́ hán eci zriɛmɛ́n annan-kran mɛ̀n, kɩ nyɛ́n bɩ́ ẅɛn ankà-tro woro ny'edomɛ̀n ɛwúsɩ́emɛ̀n, tɛ́n edomɛ̀n ɛnhisɩ́emɛ̀n lɔ, nyɛ́n tro le nyɛ́n nyran hɔ̀n dú nyɛ̀n ɛwú.

Filipɛ̀n anmàn-bɔ̀ 4:19

M'Ɔwɔ kɛ lɛ tán nyɛ̀n ɛkɔrɛ̀-wá lɔ fɛn n'ɛnnɛ̀ncüì-dì vri lɔ mɛ̀n Zhezü Krisì bɩmɛ̀n.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kpàkpà timote 1:13

kɩ nɛ̀n sɩ̀ crɛ̀ nyan ɛnbìɛhɛ́n ci gbàngbàn léyi mɛ̀n hán nɛ̀n, mán ɔwra léyi mɛ̀n ku nɛ̀n ɛwú nɔn. Tɛ́n Ɔwɔ nyri mɛ̀n ɛnhyɔ̀bɔ̀, ɔmuhi mɛ̀n sɩ̀ ẅɛ̀n ankaẅìbùtan, kɩ mɛ́n sɩ́ nyri eci léyi mɛ hán nɔn.

Kpàkpà timote 1:15

Nyàn ankà annanwɔrɛ tɔ̀n léyi anwrɔn lɔ fɛn ke le shrì kè bɩ nɔn: Zhezü Krisì vá ɛnhibù lɔ wú, ô kè bɩ́ ɛgbàn-hán bɔ̀ kè die. Mɛ̀n krɛgbàn mɛ̀n vrán ɛgbàn-hán-bɔ̀ lɔ fɛn,

Kpàkpà timote 2:7

Ndɔ lɔ kruhú de, yɛ wá mɛ̀n ɔkɔ̀hɔ̀n-wá-wrɔn léyi ke ji le kè yé anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankaẅì-bùtan mán annànwɔrɛ ankà. Mɛ́n sɩ́ ẅɛn ɛyɔ̀n, mɛ dɔ́ annànwɔrɛ ankà.

Anhyrɛmɛ̀n timote 1:11

Ɔwɔ wá tán mɛ̀n, mɛ̀n dɔ́ Ɛmɛẅi ankà Ankrankran ndɔ lɔ, ɔmuhi mɛ̀n dú n'ɔkɔhɔ̀n-wá-wrɔn mán n'eci-yé-wrɔn,

Ɔwɔ-mɛ̀n-yrikàn 3:18

Hɩ le kruhú de me wore-ankà mɛ̀n yé mɛ́n, ô ɛ̀ wɔ́ ansikɛ léyi ɛnhyá nfi nɔn, m'antamɛ̀n, ô ɛ̀ srɔ ɛnnɛ̀ncüì annanwɔrɛ mɛ̀n. È vru ɛ̀ wɔ́ ɛceci wosú, ɛ̀ ẅɛn edomɛ̀n, ô ɛsɛ̀n-kora-nyɔn anvɛvrà ke bɩ́ ẅɛn mɛ́n, ɔmu zri lɔ ɛ̀ wɔ́ anvɛ̀ háwi, ɛ̀ hán v'anvɛ̀ ɛci ô yɔ kán ɛyri.