Efɛzɛ̀n anmàn-bɔ̀ 3:19 - Ɛmɛẅi ankà ankrànkràn 2003

¹⁹ Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.

Efɛzɛ̀n anmàn-bɔ̀ 3:19 Iomraidhean Croise

Matie 5:6

Ɛnbɔrɛbru dú anwrɔn léyi Ɔwɔ kɔrɛ̀zì-ci-hán ke wrú ɛnhyà y'ɛnbɔrɛ lɔ mɛ̀n, ɔmuhi Ɔwɔ kɛ lɛ wá y'ɛnbɔrɛ lɔ mɛ̀n, n'ɛkɔrɛ̀zì-ci-hán ndɔ lɔ kokrohô nɔn!

Zhan 1:16

Bɔ lɔ fɛn bɔ̀ cɔ́ nɛ́n nboafɔ̀n nɛ̀ncüì-dì lɔ; bɔ̀ vru bɔ̀ cɔ́ nboafɔ̀n mán ɛnshifù bobrebe.

Zhan 17:3

Ɛwúvà léyi ke sɩ́ trɔa nɔn, dú hɩle, ke ji le ye nyri mɛ́n, vɛ́n zri léyi è dú Ɔwɔ annanwɔrɛ, ô yɔ nyri Zhezü Krisì léyi ɛ̀ wá ɔkɔhɔ̀n nɔn.

Rɔmɛ̀n-anmàn-bɔ̀ 8:35

Antɔnwrɔn de kɛ lɛ mrɛ́n bɔ̀ Krisì cüɛ̀n lɔ mɛ̀n kɛ̀ sɔhɔ́ nɛ́n? Ejüedì kɛ lɛ hán tɛ̀, kale ankà-tro, kale owú-gbànkàn, ɔmùanwù, ɛmìan, muzhie, owùɛ?

Rɔmɛ̀n-anmàn-bɔ̀ 8:39

ɛwú-cüì-hɔ̀n lɔ mán, ɛnhi tɛn hɔ̀n lɔ mán, eci nyàntɛn léyi Ɔwɔ hán nɔn mán, eci-ẅì zriɛmɛ́n ke sɩ̀ ẅɛn bɔ̀ mrìmrì kɛ̀ sɔhɔ́ ɛcüɛ̀n léyi Ɔwɔ ẅɛn bɔ́ ɛwú, Zhezü Krisì, bɔ́ Ɛẅɛnwrɔn kruhú nɔn.

2 Korɛntɛ̀n anmàn-bɔ̀ 5:14

Annanwɔrɛ mɛ̀n lɔ, Krisì cüɛ̀n lɔ wi bɔ̀ ɛwú, bɔ́ léyi bɔ́ nyri annanwɔrɛ mɛ̀n le, ɔwrɔn zri wú anwrɔn lɔ fɛn kruhú kɩ, zɛtɛn, yɔ lɔ fɛn yɔ dú n'owù vɔ̀nshɛ́ lɔ mɛ̀n.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Efɛzɛ̀n anmàn-bɔ̀ 1:23

Ɔwɔ-fɛcüè dú Krisi dùwrú; n'ɛmɛ̀n de Krisì dú annanwɔrɛ mɛ̀n, nɛ́n léyi nɛ̀n yɩ́ ɛnhibù mumù lɔ fɛn mɛ̀n nɔn.

Efɛzɛ̀n anmàn-bɔ̀ 3:18

ô nyɛ́n cɔ̀ nyɛ́n yá, nyɛ́n mán Ɔwɔ-fɛcüè mumù lɔ fɛn ɔmu le, Krisì cüɛ̀n lɔ, ɛntrɛ̀ kɩ gbɔ́, ci ɛwú, kɩ vrɛ́n nɔn.

Efɛzɛ̀n anmàn-bɔ̀ 5:2

Ke ji le ny'ɛwúvà ci-hán lɔ kè dú ny'ɛcüɛ̀n ci-hán, kɛ̀ cá Krisì léyi cüɛ́n bɔ̀, kɩ tán bɔ̀ n'ɛwúvà, ndù hán ecice tɔ̀n mán ɛcɛ̀nbì-ci léyi Ɔwɔ kɛ cüɛ́n n'ɛndɔ̀ nɔn.

Efɛzɛ̀n anmàn-bɔ̀ 5:25

Wúcɔ̀, nyɛ́n cüɛ́n nyɛ́n hi hɔ̀n hán ɔmu le Krisì cüɛn Ɔwɔ-fɛcüè hàn mán bɩ́ n'ɛwúvà lɔ tán nɛ̀n nɔn.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Filipɛ̀n anmàn-bɔ̀ 4:7

Kɩ anwɔwɔ léyi dú Ɔwɔ mɛ̀n, hɩ ká ankà-tro lɔ fɛn ankɔrɛ̀ nɔn, kɛ lɛ hɛ́n ny'ɛnbɔrɛ hɔ̀n lɔ mán ny'ankà-tro hɔ̀n lɔ Zhezü Krisì bɔ̀sɔ̀ lɔ mɛ̀n.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

1 Piɛrɛ̀n 1:8

Nyɛ́n cüɛn nɛ̀n ke dú kɛ nyɛ́n sɩ́ kán nɛ̀n mán; nye bú n'ankà nyɛ tán ankaẅì kɩ nyɛ vá kán nɛ̀n; hɩ le kruhú de ecizrɔ pɔpüɛ̀ vri kɛ brá nyɛ̀n, ye sɩ́ cɔ́ n'ɛdɔ́-yri,

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.