Efɛzɛ̀n anmàn-bɔ̀ 3:18 - Ɛmɛẅi ankà ankrànkràn 2003

¹⁸ ô nyɛ́n cɔ̀ nyɛ́n yá, nyɛ́n mán Ɔwɔ-fɛcüè mumù lɔ fɛn ɔmu le, Krisì cüɛ̀n lɔ, ɛntrɛ̀ kɩ gbɔ́, ci ɛwú, kɩ vrɛ́n nɔn.

Efɛzɛ̀n anmàn-bɔ̀ 3:18 Iomraidhean Croise

Zhan 15:13

Ɛcüɛ̀n vri léyi ɔwrɔn ke le yé nɔn, dú hɩ le ne le wú nɛ́n nyran hɔ̀n kruhú.

Rɔmɛ̀n-anmàn-bɔ̀ 10:3

Annanwɔrɛ mɛ̀n lɔ, yɔ sɩ̀ nyrì ɔmu le Ɔwɔ kɛ srɔ anwrɔnẅì ɛnyrɔnnan-bɔ̀ n'ezìwú, kɩ yɔ ji, ô yɔ wá yɔ mumù eci léyi kɛ lɛ srɔ yɔ ɛnyrɔnnan-bɔ̀ nɔn. Ɔmu lɔ de yɔ sɩ̀ sɩ̀ y'edomɛ̀n ɛnhi ɛnkru-kɔrɛ̀-nyànmàn léyi Ɔwɔ tán nɔn zìwú.

2 Korɛntɛ̀n anmàn-bɔ̀ 13:13

Ɛẅɛnwrɔn Zhezü Krisì nboafɔ̀n, Ɔwɔ cüɛ̀n mán Ɛnhɛ́n Prɔnprɔn bɔ̀sɔ̀ kɛ̀ cɔ́ nyɛ̀n mɛhi nyɛ́n dù.

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Efɛzɛ̀n anmàn-bɔ̀ 1:10

Ankɔ́nda ci-hán ndɔ léyi Ɔwɔ kɛ lɛ tro n'ɛhán ɛnhibù trɔ vra nɔn, dú hɩ le nɛ lɛ borɛ eci lɔ fɛn léyi dú anhobɩ́ mán ɛnhi nɔn ɛkru, ɛfrawrɔn zri tɛ̀sɛ̀n, Krisì.

Efɛzɛ̀n anmàn-bɔ̀ 1:15

Nyàn eci le kruhú, zɛtɛ̀ léyi mɛ̀n yá yɛ dɔ́ ny'ankaẅì-bùtan-ẅɛn ankà Ɛẅɛnwrɔn Zhezü wú mán ɛcüɛ̀n léyi nyɛ́n ẅɛn ankaẅì-bùtan-bɔ̀ lɔ fɛn wú nɔn,

Efɛzɛ̀n anmàn-bɔ̀ 3:19

Hɛ̀ɛ̀, nyɛ́n cɔ́ n'ɛcüɛ̀n lɔ nyɛ́n nyrì (ke dú kɛ nɛ̀n ká eci-nyrì lɔ fɛn mán) kɩ ɔmu lɔ, Ɔwɔ nɛ̀ncüì-dì lɔ fɛn kè yɩ́ nyɛ̀n ɛmɛ̀n.

Kɔlɔsèn anmàn-bɔ̀ 1:4

Annanwɔrɛ mɛ̀n lɔ, bɔ̀ yá ny'ankaẅì-bùtan-ẅɛn ankà Zhezü Krisì mɛ̀n mán ɛcüɛ̀n léyi nye yé ankaẅì-bùtan-ẅɛn-bɔ̀ lɔ fɛn nɔn.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.