Efɛzɛ̀n anmàn-bɔ̀ 3:17 - Ɛmɛẅi ankà ankrànkràn 2003

¹⁷ ô Krisì kɛ̀ sɔ́n ebɩ́ ny'ɛnbɔrɛ hɔ̀n lɔ mɛ̀n ankaẅì-bùtan-ẅɛn mɛ̀n. Me ji le annyràn kɛ̀ ẅɛn nyɛ̀n ɛnhi, ô nyɛ́n dú ɛcüɛ̀n dùsɔ mɛ̀n,

Efɛzɛ̀n anmàn-bɔ̀ 3:17 Iomraidhean Croise

Matie 13:6

Ɛnvra léyi ɛnbri vá ɛwú nɔn, ɛnbri hán ɛci hɔ̀n lɔ wrú, ɔmuhi annyràn ke sɩ̀ ẅɛ̀n yɔ ecüì nɔn.

Lükɛ̀n 6:48

nɛ cá ɔwrɔn tɔ̀n léyi bukru ke ku ɔwɔn, hɩ bɔ́ ɛnnanmàn vrɛ́n yakɛ wá ɛbùẅì ɛnhibɩ nɔn. Ɛnvra léyi ɛnshi bukru ke yɩ̀, hɩ kɛ gbɛ́ ku ɔwɔn lɔ edomɛ̀n nɔn, eci ẅì zriɛmɛ́n ke sɩ̀ hán ɔwɔn lɔ, ɔmuhi ye nyri ku nɛ̀n nɔn.

Zhan 14:17

Ɛnhibù ke sɩ̀ bɩ́ nɛ̀n rɔ́, ɔmuhi nɛ́n sɩ̀ kán yi, kɩ nɛ́n sɩ̀ nyri yi rɔ́ nɔn. Tɛ́n nyɛ́n, nyɛ́n nyri nɛ̀n, ɔmuhi nɛ́n mɛhi nyɛ́n dù, kɩ nɛ̀n dú nyɛ̀n ɛmɛ̀n nɔn.

Zhan 14:23

Zhezü mrɛ́n nɛ̀n ɔmùan le: “Ɔwrɔn léyi kɛ cüɛn mɛ̀n nɔn, nɛ lɛ wá m'ɔmùan ankà-dɔ̀. Dade kɛ lɛ cüɛn nɛ̀n, kɩ Dade mán mɛ̀n, bɔ́ lɛ vá n'eyri, kɩ bɔ́ le sɔ́n ebɩ́ n'ebɩ́ lɔ mɛ̀n.

Zhan 17:23

Mɛ̀n dú yɔ ɛmɛ̀n kɩ è dú mɛ̀n ɛmɛ̀n; ɔmu lɔ, ô yɔ srɔ eci-zri anvrɛnvrɛn mɛ̀n, ô ɛnhibù ke nyri ɔmu le vɛ́n de ɛ̀ wá mɛ̀n ɔkɔhɔ̀n nɔn, kɩ ɛ cƐɛn yɔ kɛ̀ hán ɔmu le ɛ̀ cüɛn mɛ̀n nɔn hɔ́.

Zhan 6:56

Ɔwrɔn léyi kɛ rá m'anẅia, hɩ ke mi m'ɛnkrɛ̀ nɔn, n'ɛwúvà dú mɛ̀n ɛmɛ̀n, kɩ mɛ̀n dú nɛ̀n ɛmɛ̀n.

Rɔmɛ̀n-anmàn-bɔ̀ 5:5

Esɛ́ ndɔ lɔ ke sɩ́ wú bɔ̀ edù, ɔmuhi Ɔwɔ tán bɔ̀ n'ɛcüɛ̀n dú bɔ́ ɛnbɔrɛ hɔ̀n lɔ mɛ̀n, Ɛhɛ́n Prɔnprɔn léyi nɛ̀n tán bɔ̀ nɔn hɩ mɛ̀n.

1 Korɛntɛ̀n anmàn-bɔ̀ 3:6

Mɛ̀n wá ɛtɛ̀-ẅì ɛnhibɩ́, Apolɔsɛ̀n ku nɛ̀n ɛnshi, tɛ́n Ɔwɔ de hán nɛ̀n nɛ̀n sɔ́ nɔn.

1 Korɛntɛ̀n anmàn-bɔ̀ 8:1

Zɛtɛn bɔ̀ dɔ́ ɔnɔ̀n-ẅia léyi ye ce antɛ̀-buri-Wɔ hɔ̀n nɔn, yi ankà: Annanwɔrɛ mɛ̀n lɔ “Bɔ́ lɔ fɛn bɔ̀ ẅɛn eci-nyrì”, hán ɔmu le nyɛ dɔ̀ nɔn. Tɛ́n eci-nyrì ndɔ lɔ kɛ tán ɔwrɔn ɛgbúgbú-ci-hán, kɩ ɛcüɛ̀n kɛ tán fɛcüè-krubɔrɛ ecüì.

2 Korɛntɛ̀n anmàn-bɔ̀ 13:5

Nyɛ́n wɔɛn ny'edomɛ̀n nyɛ́n nyan, nyɛ́n nyan nyɛ́n dùku ɔmu le nyɛ́n hán nyɛ́n dù nɔn, ke dú kɛ nyɛ́n ẅɛn ankaẅì-bùtan. Nye nyri ɔmu le Zhezü Krisì dú nyɛ̀n ɛmɛ̀n, kè sɩ̀ dù hɩɛ? Ke dú kɛ ny'edomɛ̀n crɛ́n mɛ̀n lɔ, nyɛ́n le dú ɛzɛ́n mɛ̀n.

2 Korɛntɛ̀n anmàn-bɔ̀ 6:16

Ɔmùan-krɔn tán de ke le dú Ɔwɔ-cice-wɔn mán antɛ̀-buri-Wɔ wɔn angranmɛ̀n nɛ́n? Ɔmuhi bɔ́ dùku bɔ̀ dú Ɔwɔ kɔrɛkɔrɛ lɔ n'ecice-wɔn, hán ɔmu le Ɔwɔ dùku dɔ̀ nɔn: “Me le dú yɔ ɛmɛ̀n, kɩ yɔ mɛhi bɔ́ lɛ nán esù, me le dú y'Ɔwɔ kɩ yɔ le dú mɛ́n fɛcüè.”

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Galasi anmàn-bɔ̀ 5:6

Ɔmuhi Ɔwrɔn léyi dú ɔbɔ̀sɔ mɛ̀n nɛ́n mán Krisì mɛhi, ke dú kɛ ye wi nɛ̀n wúcɔ̀-domɛ̀n mán, kɩ ye sɩ̀ wi nɛ̀n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: eci léyi dú ɛnkrugbɔ nɔn, dú ankaẅì-bùtan léyi dú ɛcüɛ̀n mɛ̀n nɔn.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

Kɔlɔsèn anmàn-bɔ̀ 1:27

Ɔmuhi, Ɔwɔ ke ji kɛ̀ hán tán yɔ, ye nyri ankɔ́nda-ci-hán ankà-bán-ankà ndɔ léyi ẅɛn vɔ̀nshɛ́, hɩ sevri, dú eci léyi yɛ hán, ô kè dú fɛcüè hɔ̀n lɔ fɛn ɛnkrukɔrɛ̀ nɔn. Kɩ nyàn ankà-bán-ankà ndɔ lɔ: Krisì dú nyɛ̀n ɛmɛ̀n kɩ nɛ tán nyɛ̀n esɛ́ le, nye le dú Ɔwɔ ci-zrɔ lɔ mɛ̀n.

Kɔlɔsèn anmàn-bɔ̀ 2:7

Nyɛ́n di annyràn n'ɛmɛ̀n, ô nyɛ́n bɩ́ ny'ɛwúvà lɔ fɛn nyɛ́n wá nɛ̀n ɛmɛ̀n. Nyɛ́n nyɔn ɛnvra lɔ fɛn ɛshishiemɛ̀n ankaẅì-bùtan wú, kè ci ankà-yé léyi nyɛ́n cɔ̀ nɔn hɩ wú, ô enyri-kùɛn-tán kè dú nyɛ̀n ɛmɛ̀n.

1 Zhan 4:16

Kɩ bɔ́, bò nyri ɛcüɛ̀n léyi Ɔwɔ ẅɛn bɔ́ ɛwú, kɩ bɔ́ bú tán ankaẅì. Ɔwɔ dú ɛcüɛ̀n: ɔwrɔn léyi ke dú ɛcüɛ̀n mɛ̀n nɔn, nɛ̀n dú Ɔwɔ mɛ̀n kɩ Ɔwɔ dú nɛ̀n ɛmɛ̀n.

1 Zhan 4:4

Tɛ́n nyɛ́n, m'ɛẅì hɔ̀n, nyɛ́n dú Ɔwɔ tɛn kɩ nyɛ́n kɔ̀nká ɛyɔ̀n wɔ-mùan-wú-ankà-dɔ́-bɔ̀; ɔmuhi ɛnhɛ́n léyi dú nyɛ̀n ɛmɛ̀n nɔn, ɛkɔrɛ̀ srɔn vrán ɛnhɛ́n léyi dú anwrɔn hɔ̀n léyi dú ɛnhibù wú nɔn mɛ̀n.

Ɔwɔ-mɛ̀n-yrikàn 3:20

È die nukùɛ, mɛ̀n nyɔn angbàtà mùan kɩ mɛ gɔ́n esù ɛkɔrɛ̀; ke dú kɛ ɔwrɔn tɔ̀n kɛ yá m'esùva kɩ ke srú esù, me le bru nɛ̀n ɛbemɛ̀n kɩ nɛ́n mán mɛ̀n mɛhi bo le zî ɛci zri.